2 कुरीन्थियो 13:9 - बारेली पावरी

⁹ जेतार आमु कोम ताकत वावा छे, एने तुमु ताकत वावा छे, ती आमु खुश होयतला छे, एने जी प्रार्थना बी कोरतेला छे कि तुमु पुरा होय जाये.

2 कुरीन्थियो 13:9 ပူးပေါင်းရင်းမြစ်များ

रोमी 15:2

आमरे मायलु होर एक आपना साते वावा काजे हेरी वारलान कोरता खुश कोरे कि तेरी बोढती होये.

1 कुरीन्थियो 1:10

हे भाशो, मे तुमरेसी आमरू प्रभू येसु मसिहन नावसी विनता कोरो कि तुमु आखा एकुत वात कोयू, एने तुमरेमा फुट नि रोये, बाकीन एकुत मोन एने एकुत मोन होयीन मेवायला रोये.

1 कुरीन्थियो 2:3

मे बिना ताकतोन एने बिक साते, एने जादा थुर-थुर कापतू जायीन तुमरे साते रोयु.

1 कुरीन्थियो 4:10

आमु मसिहन कोरता बिना दिमाक वावा छे, बाकीन तुमु मसिहमा दिमाक वावा छे; आमु कोम ताकत वावा छे, बाकीन तुमु ताकत वावा छे, तुमु आदर आपतला छे बाकीन आमु बिना आदर वावा होयतला छे.

2 कुरीन्थियो 11:30

ओगर मोटाय कोरनो जोरुरी छे, ती मे आपनी कोमजूरीन वातो पोर मोटाय कोरीस.

2 कुरीन्थियो 13:11

आखरी, हे भाशो, खुश रोयू; पुरा बोनता जावू; धीर राखू; एकुत मोन राखू; मेवायीन रोयू एने मोंग एने शांतीन आपनेवावू परमेश्वर तुमरे साते रोयसे.

2 कुरीन्थियो 13:4

चू कोम ताकतोन वोजेसी ख्रुस पोर चोळी ते गोयू, ते बी परमेश्वरोन ताकतसी जीवतलु छे आमु बी तेरेमा कोम ताकत वावा छे, बाकीन परमेश्वरोन ताकतसी जो तुमरेन कोरता छे, तेरे साते जीवसु.

2 कुरीन्थियो 4:12

इना रितीसी मोरोन ते मोरने वावा डीलोमा बी ओसोर मेकतलो छे एने जीवन तुमरे पोर.

2 कुरीन्थियो 7:1

आखरी हे मोंगावा भाशो, काहाकि आपनेजू वायदू से जेतार कि यो वचन आपनु काजे जोळतलो, ती आवू आपु आपना खुदो काजे डील एने आत्मान आखो भुंडलो, चुखो कोरु, एने परमेश्वरोन बिक धोरता जायीन चुखला काजे पाको बोनावू.

कुलुस्सि 1:28

जेरी वारली खोबर कोरीन आमु होसात माणसोक जोताळतला कि आमु हर एक माणसो काजे मसिहमा पाको कोरीन उबराखो.

कुलुस्सि 4:12

इपफ्रास जे तुमरेमा गोथा छे एने मसिह येसुन दास छे, तुमुक नमस्कार कोये एने हमेशा प्रार्थनामा कोशिश कोरतेला छे, काहाकि तुमु पाका होयीन पुरा भुरसा साते परमेश्वरोन मोर्जी पोर पाका रोयू.

1 थिस्सलुनीकियो 3:10

आमु रात दाहळू रेट प्रार्थना कोरता रोयला छे, कि तुमरो मुय देखजे एने भुरसान कोमी काजे पुरा कोरजे.

2 तीमथी 3:17

काहाकि परमेश्वरोन माणसे वारला बोने, एने हर एक माणसे वारला कामोन कोरता तीयार होय जाये.

इब्रानियो 12:23

एने महासभा एने तीनु पेहेला पुऱ्यान मंडवीनचा जेरो नाव सोरगोमा लिखायली छे, एने आखान नियाव कोरन्यू परमेश्वर एने तीयार कोरला धोरमीन आत्मान ओगोव.

इब्रानियो 13:21

तुमरा आखा वारला गुणोसी पुरो कोरे, जीनासी तुमु तेरी मोर्जी पुरी कोरु, एने जो काहीन तेरी नोजोरमा मोंगावू छे चू येसु मसिहन लारे आमरे महाय पुरा कोरे, तेरीत महिमा कायम होयती रोये. आमेन.

इब्रानियो 6:1

इनान कोरता आवू मसिहन बारामा पेहेला शिक्षा वातो काजे छुळीन सिद्धता भूनी बोढता जावू, एने मोरला कामोन कामोसी मोन फिरावने एने परमेश्वर पोर भुरसू कोरणे,

1 पतरस 5:10

तुमु इतरीक वार तोकलीत झेलीन आखो दयान परमेश्वर छे, जू तुमु काजे येसु मसिहमा तेरी ओमोरकाईन महिमान कोरता बुलावलु, चू खुद तुमु काजे सिद्ध, पाक्का ताकत वावा एने स्थिर कोरसे.