Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 कुरीन्थियो 13:5 - बारेली पावरी

5 आपना खुदो काजे पारखू कि भुरसामा होय कि नी होय. आपना खुदजे पारखू, काय तुमु आपना बारामा यो नी जानतला कि येसु मसिह तुमरेमा छे? नीती तुमु पारखमा बिन कामोन निकवला छे.

အခန်းကိုကြည့်ပါ။ ကော်ပီ




2 कुरीन्थियो 13:5
50 ပူးပေါင်းရင်းမြစ်များ  

येसु तीनाक जोवाब आप्यू, “ओगर कुदु मार पोर मोंग कोरसे ती चू मारा वचन काजे माणसे, एने मारू बास तीना पोर मोंग कोरसे, एने आमु तेरेनचा रोयसू.”


तुमु मारेमा जुळायीन रोयू, एने मे तुमरेमा जोसी डावी आंगुरोन वेलामा जुळायीन नि रोये ती आपना खुदोसी नि फोव सोकतली, तोसोच तुमु बी कोबी मारेमा जुळायीन नि रोये ती नि फोव सोकतला.


मे तिंदरेमा एने तुमरेमा कि चे खोरलो होयीन एक होय जाय, एने जोग जाणे कि तू मेसेक मुकेललु, एने जोसू तू मारे पोर मोंग कोऱ्यु तोसोच तिंदरे पोर मोंग कोऱ्यु.


“मी तारो नाव तीनु काजे कोयू एने कोयतू रोयीस जो मोंग तुसेक मार पोर होतो चो तिंदरेमा रोये, एने मे तिंदरेमा रोयो.”


जो मारो मास खातलो एने मारो लुय पितलो चो मारेमा पाको बोनीन रोयतलो छे, एने मे तेरेमा.


चू जी वात तीनाक पारखने कोरता कोयू, काहाकि चू आपसुत जानतू होतु कि चू काय कोरसे.


जेतार चे परमेश्वर काजे उवखनेन नी कोऱ्या ती परमेश्वर भी तीनु काजे रिकामा मोनोपोर छुळ देदु कि चे तोसा काम कोरे.


अगर मसिह तुमरेमा छे ती डील पापोन लारे मोरलो छे; बाकीन आत्मा धोरमोन वोजेसी जीवतलु छे.


इनान कोरता माणूस आपना खुदो काजे पारखे एने इना रितीसी इना रुटामा गोथू खाय, एने इना प्यालामा गोथू पिये.


ओगर आपनु खुदो काजे पारेखता ती दोंड नि जोळतु.


काय तुमु नी जानता कि तुमु परमेश्वरोन मंदीर छे, एने परमेश्वरोन आत्मा तुमरेमा रोयतलु छे?


काय तुमु नी जानता कि तुमरो डील परमेश्वरोन डील छे? ती काय मे मसिहन डील लीन तीनाक वेश्यान डील बोनावीस? कबी नी.


काय तुमु नी जानतला कि तुमरो डील पवित्र आत्मान मंदीर छे, जू तुमरेमा बोसलु छे एने तुमुक परमेश्वरोनचा गोथू जोळलु छे; एने तुमु खुदोन नी होय?


काय तुमु नी जानता कि चुखला माणसे जोगोन फेसलू कोरसे? इनान कोरता जेतार तुमुक जोगोन नियाव कोरनो छे, ती काय तुमु नानला गोथो बी नानला झोगळान बी फेसलान लायक नी होय?


काय तुमु नी जानतला कि दोवोळनेमा ते दोवोळतला आखा छे, बाकीन इनाम एकुत ली जातलु? तुमु ओसलोत दोवेळना काजे जिकू.


बाकीन मे आपना डीलो काजे देतलु कुटतलु एने ताबामा लावतलु छे, ओसो नी होये कि दिसरा काजे प्रचार कोरीन मे खुद कानला रितीसी रिकामु ठेरायो.


एने मुर्त्यान साते परमेश्वरोन मंदीरोन काय रीसतो? काहाकि आमु ते जीवतला परमेश्वरोन मंदीर छे; जोसू परमेश्वर कोयलु छे, “मे तिंदरेमा बोसीस एने तिंदरेमा चाल्या फिऱ्या कोरिस; एने मे हेरु परमेश्वर होयीस, एने चे मारा माणसे होयसे.”


मे मसिह पुठी ख्रुस पोर चोळाय गोयू, हिमी मे जीवतलु नी रोयू पुन मसिह मारेमा जीवतला छे; एने मे डीलोम हिमी मे जीवतलु छे, जू परमेश्वर परमेश्वरोन पुऱ्या पोर छे, जू मार पोर मोंग कोऱ्यु एने मारेन कोरीन खुदो काजे आप देदू.


हे मारा पुऱ्या जेतार तोक तुमरो मोन मसिहन सारखो मोन नी बोने तेत्यार तोक मे तुमरेन कोरीन ओवी दुख सोहोन कोरतेलू छे.


पुन हर जोना आपनात कामो काजे पारखतला, एने तेत्यार दिसरान बारामा नी बाकीन आपनात बारामा तीनु काजे घोमंड कोरणेन टेम होयसे.


एने भुरसान लारे मसिह तुमरे मोनोमा बोसे कि तुमु मोंगोक वातडो धोरीन एने पायु घालीन.


अगर तुमु भुरसान पाया पोर पाका उबरोय रोये एने तीना वारली खोबरोन आस काजे जिनाक तुमु सोमवला छे मा छुळू, जिनान वारली खोबर सोरगोन नेळो आखो जोगोमा कोराय गोयो एने जेरू मे पौलुस सेवक बोन्यू.


जीनु पोर परमेश्वर प्रकट कोरणेन कोऱ्यु तीनुक ग्यान जोळे कि दिसरा जातीमा तीना भेदोकाजे महिमान किमोत काय छे, एने चू जो छे कि मसिह जू महिमान आस छे तुमरेमा रोयतलु छे.


एने तीना शिरोमणि काजे धोरीन नि मेलतला जीनासी आखा डील जुळायला एने पोट्टान लारे पालन पोषण लीन एने एखठो परमेश्वर भूनी बोळतो जातला.


ओवते तीनामा थुळ धोरीन बोढता जावू; एने जोसो तुमुक सिकाळलो होतो तोसोत भुरसामा पाका बोनता जावू, एने जादासी जादा धन्यवाद कोरता रोयू.


ती भी बायर पुऱ्या काजे जन्मो आपनेने लारे छुटकारू हासील कोरसे, अगर ची धीर साते भुरसू, मोंग, एने चुखलामा एक जागे रोये.


जोसो कि यन्नेस एने यम्ब्रेस मुसान विरोध कोरला होता, तोसोत यो, बी खोरलान विरोध कोरतेला छे, होया ओसला माणसे छे, जिंदरी बुद्धी खोतम होय गोयली छे, एने होया भुरसान बारामा रिकामा छे.


जी गोवायी छाचलीन छे, इनान कोरता तीनुक कोळक चेतावनी आप्या कर कि भुरसामा पाका होय जाये.


चे कोयतेला कि आमु परमेश्वर काजे उवेखतला, बाकीन आपना कामोसी तेरु नकार कोरे काहाकि सिगी एने आग्या नि मानने वावा छे, एने कानलात वारला कामोन लायक भी नि होय.


मतलब डाहला माणसे जागता एने गंभीर एने संयमी होय, एने तिंदरू भुरसू एने मोंग एने धीर पाकु रोये.


ध्यानसी देखता रोयू कि कुदू परमेश्वरोन दयासी छेटू नी रोय जाय, नीती कुदु कोळोवालो थुळ फुटीन तोकलीत आपे, एने लारे घोना सोवटा माणसे भुंडली होय जाय.


इनान कोरता जेतार कि तेरा आरामोमा जाणेन वायदू हिमी तोक बोनली छे, ती आपुक बिहीन रोयनो जुवे, कोदि ओसो नी मालूम होय कि तुमरेमा गोथू कुदू तीनासी रोय जाय.


बाकीन अगर ची काटा कुसवा उगाळे ती ची रिकामी एने शापित होयने पोर एने तेरो आखरी धोपाळनो छे.


हे भुंडला विचारोन काय तुमु नी जानतला कि संसारमा दोस्ती कोरणे परमेश्वर सी नांबे कोरनो छे? आखरी जुव कुदू जोगोन दुस्ती होयने जुवे, चू आपने आप काजे परमेश्वरोन वैरी बोनावतलो छे.


भुरसामा पाका रोयीण तेरु खिलाप कोरु एने यो जान लेयु कि तुमरा भाशे, जा जोगोमा छे इना रितीसी तोकलीत झेलणे बाज रोया.


इनान कोरता फोम कोर कि तू कां गोथू पोळलु छे, एने मोन फिराव एने पेहेले सारखु काम कोर कोदि तू मोन नी फिरावे, ती मे तारेनचा आवीन तारा दिवटानु काजे तिंदरे जागे गोथू छेटू कोर दिस.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ