2 कुरीन्थियो 13:4 - बारेली पावरी

⁴ चू कोम ताकतोन वोजेसी ख्रुस पोर चोळी ते गोयू, ते बी परमेश्वरोन ताकतसी जीवतलु छे आमु बी तेरेमा कोम ताकत वावा छे, बाकीन परमेश्वरोन ताकतसी जो तुमरेन कोरता छे, तेरे साते जीवसु.

2 कुरीन्थियो 13:4 ပူးပေါင်းရင်းမြစ်များ

योहान 10:18

कुदू तीनाक मारेंचा गोथू हापके नी, बाकीन मी तीना काजे आपसुत आप देतलू छे मेसेक तिनान आपनेन बी होक छे, एने तीनाक पोछु लेनेन बी होक छे जी आग्या मारा बासो जू गोथी मेसेक जोळली छे.”

प्रेषित 2:36

इनान कोरता इस्राईलोन आखो घोरानो जान लेये कि परमेश्वर तीनाक प्रभू, एने मसिह दुयूबी ठेराव्या इना येसु काजे जीना काजे तुमु ख्रुस पोर चोळाव्या, परमेश्वर बी ठेराव्या एने मसिहा बी.

प्रेषित 3:16

तेरेन नावोमा मतलब तिना विस्वासोन लारे जू येसुन नावो पोर छे, इना माणसो काजे जीना काजे तुमु उवखी रोया एने देखीरोया, ताकत जोळली छे तीना विस्वासमा जी तेरे लारे छे इनान आखान सामने पुरो आरगाई आपली छे.

रोमी 1:4

एने पवित्र आत्मान सहायतासी मोरलाम गोथू जीव उठनेन वजेसी ताकत साते परमेश्वरोन पुऱ्यु ठेरावलु छे. येसु मसिह आमरू प्रभु,

रोमी 14:9

काहाकि मसिह इनान कोरीन मोऱ्यु एने जीव बी उठ्यू कि चू मोरलान एने जीवतला बी प्रभू छे.

रोमी 6:4

आखरी, तीना मोरनोन बाप्तिस्मा होयनेसी आपु तीना साते गाळाय गोया काहाकि जोसो येसु मसिह काजे बासोन महिमान लारे मोरलामा गोथू जीवाळाय गोयो तोसोत आपु बी नोवला जीवनोन चाल चालजे.

1 कुरीन्थियो 1:25

काहाकि परमेश्वर बिना दिमाकोन माणसोन ग्यानसी ग्यानवान छे, एने परमेश्वरोन कोम ताकत माणसोन ताकतसी जादा ताकत वावा छे.

1 कुरीन्थियो 15:43

चो बिना आदर साते वेराय जातलो छे एने महिमा साते जीव उठतलो छे; बिना ताकत वावा साते वेराय जातलो छे एने ताकत साते जीव उठतलो छे.

1 कुरीन्थियो 2:3

मे बिना ताकतोन एने बिक साते, एने जादा थुर-थुर कापतू जायीन तुमरे साते रोयु.

1 कुरीन्थियो 6:14

परमेश्वर आपनो ताकतसी प्रभू काजे जीवाळ्यु, एने आमु काजे बी जीवाळ्यु.

2 कुरीन्थियो 10:10

काहाकि चे कोयतेला, “तारी चिट्ठी ते बिहने वावी एने भारलो छे, बाकीन जेतार चू सामने आवतेलु, ती चू डीलोन कोमजुर एने वक्तव्यमा हलकू मालूम पोळतेलु.

2 कुरीन्थियो 12:10

इनान वोजेसी मे मसिहन कोरता कोम ताकत वावामा, एने बुराईमा, एने गोरबायमा, एने उपद्रोव मा, एने तोकलीतमा खुश छे; काहाकि जेतार मे कोमजुर होयतलु छे तेत्यार ताकत वावू होयतलु छे.

2 कुरीन्थियो 13:9

जेतार आमु कोम ताकत वावा छे, एने तुमु ताकत वावा छे, ती आमु खुश होयतला छे, एने जी प्रार्थना बी कोरतेला छे कि तुमु पुरा होय जाये.

फिलिप्पि 3:10

काहाकि मे तीना काजे एने तिनान मोरनोन जीव उठनेन ताकत काजे एने तेरे साते दुखोमा सहभागी होयनेसी तेरा भेद सोमजू एने तेरी मोरनोन समानता काजे हासील कोरो.

इब्रानियो 5:7

आपना डीलोमा रोयनेन दाहळामा मसिह तीनासी जू तीनाक मोरनेमा गोथू वाचाड सोकतू जुरेत आवाजमा आयळीन एने आसवा वोयाळी वोयाळीन प्रार्थना एने विनता कोऱ्यु एने भोक्तीन वोजेसी तेरो सोमवाया गोयो.

1 पतरस 3:18

एरेन कोरता मसिह भी, मतलब अधोरमीन कोरता धोरमी, पापोन वजेसी एक कावा दुख झेललु तेत्यार आमु काजे परमेश्वरोनचा पुगाळे, चू डीलोन भाव से ती माराव देदा, बाकीन आत्मान भावमा जीवतु होय जासे.

1 पतरस 3:22

चू सोरग पोर जाईन परमेश्वरोन जेवळे धोळे बोठ गोयू; एने सोरग दूत एने अधिकारी एने ताकत वावा तेरे अधीन कोराय गोयला छे.