2 कुरीन्थियो 12:7 - बारेली पावरी

⁷ इनान कोरता कि देखाळला वातोसी मे जादासी फुल नी जाम, मारा डीलोमा एक काटू गुपाय गोयू, मतलब भुतडान एक दुत मेसेक धुमा देदू काहाकि मे फुल नी जाम.

2 कुरीन्थियो 12:7 ပူးပေါင်းရင်းမြစ်များ

मत्ती 26:67

तेत्यार चे तेरे मुयो पोर थूक्या, एने तीनाक धूमा देदा, दिसरा थापळ्या देदा एने कोया,

मत्ती 4:10

तेत्यार येसु तीना काजे कोयू, “हे भुतडा नांबे होय जा, काहाकि लिखलो छे, तू प्रभू आपना परमेश्वर काजे नमस्कार कोर, एने निस्तु तेरीत आराधना कोर.”

लुका 13:16

“ती काय वारू नि होतो कि ची बायर जी अब्राहामन बेटीस छे जीनीक भुतडू आठरा सालोसी बांदीन मेक रोयू होतु, शब्बाथोन दाहळे इना बंधनमा गोथी छुळवाय जाय?”

1 कुरीन्थियो 4:11

आमु इना घोळी तोक भूकला तीसला एने उगाडला छे, एने घुदा खातला छे एने मारे-मारे फिरतला छे.

1 कुरीन्थियो 5:5

डीलोन विनाशोन कोरीन भुतडा काजे आपाय जाय, काहाकि हेरी आत्मा प्रभू येसुन दाहळामा छुटकारू आपे.

2 कुरीन्थियो 10:10

काहाकि चे कोयतेला, “तारी चिट्ठी ते बिहने वावी एने भारलो छे, बाकीन जेतार चू सामने आवतेलु, ती चू डीलोन कोमजुर एने वक्तव्यमा हलकू मालूम पोळतेलु.

2 कुरीन्थियो 10:5

इनान कोरता आमु विचारोन एने होर एक मोटली वातोन, जो परमेश्वरोन उवखने खिलापमा उठतली, खोंड लेतला एने होर एक मोर्जी काजे बोंदी बोनावीन मसिहन आग्या मानने वावा बोनाव देतला.

2 कुरीन्थियो 11:20

काहाकि जेतार तुमुक कुदू पावोर बोनाव लेये नीती खाय जाय, नीती फोसाळ देये नीती खुदो काजे मोटू सोमजे नीती तुमरा मुयो पोर थापुळ देये, ती तुमु सोह लेतला.

2 कुरीन्थियो 12:1

हिमी तोक मोटाय कोरनो मारेन कोरता वारू नी होय तीबी कोरनो पोळतेलो छे; इनान कोरता मे प्रभून आपलो दर्शन एने देखाळला वाते कोरिस.

गलातियों 4:13

बाकीन तुमु काजे मालूम छे कि पेहेले मे डीलोन कोमजूरीन वजेसी तुमु काजे वारली खोबर सोमवाळ्यु.

1 तीमथी 3:6

ती यो कि नवला चेला नि होय, ओसो नी होय कि मोटाय कोरीन भुतडान तोसु दोंड जोळे.