2 कुरीन्थियो 12:10 - बारेली पावरी

¹⁰ इनान वोजेसी मे मसिहन कोरता कोम ताकत वावामा, एने बुराईमा, एने गोरबायमा, एने उपद्रोव मा, एने तोकलीतमा खुश छे; काहाकि जेतार मे कोमजुर होयतलु छे तेत्यार ताकत वावू होयतलु छे.

2 कुरीन्थियो 12:10 ပူးပေါင်းရင်းမြစ်များ

लुका 6:22

“सोयावा छे तुमु जेतार माणसोन पुऱ्यान कोरता माणसे तुमरे साते दुष्मोनी कोरसे एने तुमु काजे निकाव देसे, एने तुमुक ताकलीत देसे, एने तुमरो नाव बुरो सोमजीन काट देसे”

योहान 15:21

बाकीन चे यो आखो काय चे मारा नावोन कोरता तुमरे साते कोरसे, काहाकि चे मारा मूकलने वावा काजे नि जानतला.

प्रेषित 5:41

चे इनी वातो पोर खुश होईन महासभा ओगोव गोथा जात रोया, कि आमु तेरे नाव कोरता अपमान होयनेन ते ठेहेऱ्या.

रोमी 5:3

निस्तु योत नी, बाकीन आमु तोकलीतमा भी मोटाय कोरु यो सोमजीन कि तोकलीतसी धीर,

1 कुरीन्थियो 4:10

आमु मसिहन कोरता बिना दिमाक वावा छे, बाकीन तुमु मसिहमा दिमाक वावा छे; आमु कोम ताकत वावा छे, बाकीन तुमु ताकत वावा छे, तुमु आदर आपतला छे बाकीन आमु बिना आदर वावा होयतला छे.

2 कुरीन्थियो 1:4

चू आमरा आखा दुखोमा शांती आपतलु छे; काहाकि आमु तिनी शांतीन वोजेसी जू परमेश्वर आमुक आपतलु छे, तीनुक भी शांती आप सोके जो कानला रितीन दुखोमा छे.

2 कुरीन्थियो 10:18

काहाकि जू आपनी खुदोन बोढाई कोरतेलु चू नि, बाकीन जिनान बोढाई प्रभू कोरतेलु चोत स्वीकार कोरतेला.

2 कुरीन्थियो 12:9

बाकीन चू मेसे काजे कोयू, “मारी दया तारेन कोरीन सोवटी छे; काहाकि मारो ताकत कोम ताकतसी पुरो होयतेली छे” इनान कोरता मे मोटला खुशीसी मारी कोम ताकत पोर मोटाय कोरीस, मसिहन ताकत मारे पोर छावाय रोयतली छे.

2 कुरीन्थियो 13:4

चू कोम ताकतोन वोजेसी ख्रुस पोर चोळी ते गोयू, ते बी परमेश्वरोन ताकतसी जीवतलु छे आमु बी तेरेमा कोम ताकत वावा छे, बाकीन परमेश्वरोन ताकतसी जो तुमरेन कोरता छे, तेरे साते जीवसु.

2 कुरीन्थियो 13:9

जेतार आमु कोम ताकत वावा छे, एने तुमु ताकत वावा छे, ती आमु खुश होयतला छे, एने जी प्रार्थना बी कोरतेला छे कि तुमु पुरा होय जाये.

2 कुरीन्थियो 4:17

काहाकि आपनो थुलोक वारोन कोरलो दुख आपनेन कोरता जुदो महत्वान एने ओमोर महिमा पोयदा कोरतेला;

2 कुरीन्थियो 4:5

काहाकि आपनु काजे बी बाकीन येसु मसिह वारली खोबर प्रचार कोरतेला कि चू प्रभू छे; एने आपना बारामा यो कोयतेला कि आमु येसुन वोजेसी तुमरा सेवक छे.

2 कुरीन्थियो 5:15

एने चू इना वोजेसी आखान कोरता मोर गोयू कि चू जीवतलु छे चे ओगोव आपनेन कोरता नी जीवे बाकीन तिनान कोरता जू तिंदरेन कोरता मोऱ्यु एने पोछु जीव उठ्यू.

2 कुरीन्थियो 5:20

इनान कोरता आपु मसिहन राजदूत छे; माणू परमेश्वर आपनेन कोरता विनता कोर रोयू, आपु मसिहनचा विनता कोरतेला कि परमेश्वर साते हिव मेवीन कोर लेये.

2 कुरीन्थियो 6:4

बाकीन होर एक वात परमेश्वरोन सेवक सारखो आपना वारला गुणे सामने लावे, घोना हिंमतसी, तोकलीतसी, गोरीबोमा, संकोटोमा.

2 कुरीन्थियो 7:4

मे तुमु काजे जुदु हिंमतसी कोय रोयू, मेसे काजे तुमरे पोर जुदो घोमंड छे; मे शांतीसी मोर गोयलु छे आपना आखा खुदोमा खुशीसी जादा मेवायलु रोयतेलु छे.

इफिसीयो 6:10

इनान कोरता प्रभूमा एने तेरी ताकतोन प्रभावमा ताकत वावा बोनु.

फिलिप्पि 1:29

काहाकि मसिहन वजेसी तुमरे पोर यो गिन होयी कि नी तीनु पोर जो भुरसू कोरे बाकीन तिंदरेन कोरता दुख भी उठाव्यू.

कुलुस्सि 1:24

हिमी मे तीना दुखोन लारे खुशी कोरो कि जो तुमरेन कोरीन उठाळतेलु एने मसिहन दुखोन कोमी तेरा डीलोन कोरता, मतलब मंडवीन कोरता आपना डीलोमा पुरो कोरतेलु.

2 थिस्सलुनीकियो 1:4

या तोक कि आमु खुद परमेश्वरोन मंडवीमा तुमरा बारामा घोमंड कोरतेला कि जेतार संकट एने तोकलीत तुमु सोहोन कोरतेला इनू आखामा तुमरू धीर एने भुरसू देखायतलु छे.

2 तीमथी 3:11

एने ओसला दुखोमा बी जू अन्ताकिया एने इकुनियुम एने लुस्त्रा मार पोर पोळला होता, एने जो दिसरा दुख बी झेललु होसे; पुन प्रभू मेसेक इनू आखान चा गोथू वाचाड लेदलु.

याकुब 1:2

हे मारा भाशो, जेतार तुमु भातीन प्रकारोन परीक्षामा पोळतेला, तेतार तीनाक आखा खुशीन वात सोमजू.

प्रकाशित वाक्य 2:3

तू धीर धोरतलु छे, एने मारा नावोन कोरता दुख झेली झेलीन नि थाक्यू.