2 कुरीन्थियो 11:13 - बारेली पावरी

¹³ काहाकि ओसा माणसे झुटा प्रेषित, एने तोकलीत पुठी काम कोरणे वावा एने मसिहन प्रेषितोन रूप कोरणे वावा छे.

2 कुरीन्थियो 11:13 ပူးပေါင်းရင်းမြစ်များ

मत्ती 25:24

तेत्यार जीनाक एक तुळा आपलु होतु, चू आवीन कोयू, “हे माहाराज, मेसेक मालूम होतो कि तू रीसावू माणूस छे; तू जा नि वेरतलु चा काटतेलु छे, एने जा वेरायलो नि होय चा गोथू टुवू कोरतेलू,”

प्रेषित 15:1

थुलाक माणसे यहुदियामा गोथा आवीन भाशो काजे सिकाळने बाज गोया, “जेतार तोक मुसान रितीन अनसारे तुमरी सुंता नि होये ती तुमुक छुटकारू नि जोळे.”

प्रेषित 15:24

जेतार आमु सोमव्या कि आमरे मायला काहनास आमरे आदेश बिगुर आमरी वातोसी तुमु काजे बिगाळ देदा, एने तुमरा मोनो काजे कोमजुर कोर देदला छे.

प्रेषित 20:30

तुमरेत इचमा मे बी ओसला-ओसला माणसे उठसे, जू चेला काजे आपने पोछोव हापकी लेणेन एने वाकडी-तिकडी वाते कोयसे.

रोमी 16:18

काहाकि ओसला माणसे आमरा प्रभू मसिहन नी, बाकीन आपना पेटोन सेवा कोरतेला छे; एने चिकनी चूपडी वातोसी सुदा-सादा मोनोन माणसो काजे बोहोकाव देतला.

2 कुरीन्थियो 11:15

इनान कोरता तेरा सेवक भी धोरमान सेवकोन सारखो रूप लेये, ती काय मोटी वात नी होय, बाकीन तिंदरो आखरी तिंदरा कामोन अनसारे होयसे.

2 कुरीन्थियो 2:17

काहाकि आपनु तीनु घोणा सोवटान सारखा नी जे परमेश्वरोन वचनमा भेसकायने कोरतेला छे; बाकीन मोनोन खोरलासी एने परमेश्वर भूनी गोथो परमेश्वर काजे आपने साते छे जानीन मसिहमा बुलतेला छे.

2 कुरीन्थियो 4:2

बाकीन आमु लाजोन डूकायला कामो काजे छुळ देदा एने नी हुशारी चालता एने नी परमेश्वरोन वचनमा भेसोक कोरतेला; बाकीन खोरला काजे सामने लावीन परमेश्वरोन सामने होर एक माणसोन सद्वी विवेक बुद्धीमा तिंदरी भोलाई बोसाळतला छे.

गलातियों 1:7

बाकीन चू दिसरी वारली खोबर होय नी, पुन वात जी छे कि कोतरा ओसा जा तुमुक बिहाळ देतला एने मसिहन वारली खोबर काजे बिगाळनेन देखतला छे.

गलातियों 2:4

जो इना झुटा भाशोन वोजेसी होये, जे चुरी कोरनेसी भोराय गोयला होता, कि इना छुटकारान जू मसिह येसुमा आमु जोळलु छे, भेद लीन आमु बोंदी बोनाव्यू.

गलातियों 4:17

ती काय तुमरे साते दोस्त बोनावने ते कोरता होता बाकीन वारला मोनोसी नी बाकीन तुमु काजे ओलोग कोरणे वावा होता कि तुमु तीनु काजे दोस्त बोनावू बाकीन वारला उद्देशसी नी.

गलातियों 6:12

जे माणसे डीलोन दिखावू कोरणेन कोरतेला, चेत तुमरी सुंता कोरणे वावान कोरता दबाव नाखतला, निस्ता इनान कोरता कि चे मसिह काजे ख्रुसोन वोजेसी वेला नी पाळावे.

इफिसीयो 4:14

काहाकि आपनु ओगा पुऱ्या नी रोये चे माणसोन झुटा विद्या एने हुशारीमा तिंदरा भ्रोमोन विचारोन एने प्रचारोन होर एक वावाक उछवाय जाय इंखुर तिन्खुर फिराव देतला छे.

फिलिप्पि 3:18

काहाकि घोणा सोवटा ओसी चाल चालतला छे, जेरी वात मे तुमु काजे घोळी-घोळी कोयलु छे, एने हिमी बी रोडी-रोडीन कोयो कि चे आपनी चाल-चालने सी मसिहन ख्रुसोन रीसावा छे.

फिलिप्पि 3:2

कुत्रा सी हुशारीमा रोयू, तीनु भुंडला काम कोरणे वावासी हुशारीमा रोयू, तीनु काटने वावा गोथा हुशारीमा रोयू.

कुलुस्सि 2:4

यो मे इनान कोरता कोयो कि कहानुस माणूस तुमुक भडकावनेवावी वातोसी धोकू नि आपे.

कुलुस्सि 2:8

हुशारीमा रोयू कि कुदु तुमु काजे तीना तत्व ग्यान एने वायबार धोकान वजेसी आपनो अपमान नि कोराय लेये, जू माणसोन रिती रीवाज एने जोगोन पेहेली शिक्षान अनसारे ते छे, बाकीन मसिहन अनसारे नि.

1 योहान 2:18

ए पुऱ्या यु आखरी टेम छे; एने जोसो तू सोमवलू छे कि मसिहक रुकने वावु आवन्यू छे, हीनान अनसारे हिमी बी लोके जोना मसिह रुकने वावा उठीन उबा रोय गोयला छे; इनुसी आमु जानतला छे कि यु आखरी टेम छे.

1 योहान 4:1

हे मोंगावा, एक आत्मान तेरेन तोसो मा कोरु, नि ती आत्मा काजे पारखू कि चे परमेश्वर जुव गोथा छे कि नि; काहाकि झुटा भविष्य कोरणे वावा जोगोमा निकवीन आव लागला छे.

यहुदा 1:4

काहाकि कोतरा ओसा माणसे चुराये आमरेमा आवीन मेवायला छे, जिंदरो इना दोंडोन बारामा जुनले टेमोमा पेहेले गोथो लिखाय गोयलो होतो, ये भोक्ती नी कोरने वावा छे, एने आमरा परमेश्वरोन दया काजे लुच्चायमा बोदोल देतला छे, एने आमरू एकुत मालिक प्रभू येसु मसिहन इनकार कोरतेला छे.

प्रकाशित वाक्य 19:20

चो जोनावर, एने तेरे पुठी चू झुटू भविष्य कोरणे वावू धोराय गोयू जू हेरे सामने ओसलो निशाणी देखाळतू होतु जेरे लारे चू हिनुक भूलवाडयु जिना पोरसी तिना जोनावरोन छापू होतु एने जो हेरे मूर्तीन पूजा कोरता होता, जे दुयू जीवतला तिना आगठान झीलमा, जी गोंधकसी धोपतली छे, घालाय गोया.

प्रकाशित वाक्य 2:2

मे तारो काम, एने तारी मेहनत, एने तारा धीरो काजे जानतलु छे एने जो भी कि तू भुंडला माणसो काजे देख नी सोकतलु, एने जे आपना खुदो काजे प्रेषितोन कोयतेला छे, एने नी होय, तीनुक तू पारखीन झुटू देख्यू.

प्रकाशित वाक्य 2:20

बाकीन मेसेक तारा खिलापमा यो कोयनो छे कि तू ची बायर इजबेल काजे रोयने देतलु छे ची आपना खुदो काजे भविष्य कोरणे वावी कोयतेली छे, एने मारा दासो काजे व्यभिचार कोरणे एने मुर्त्यान ओगोव चोळावला चीजे खाणेन सिकाळीन फोसाळतली छे.

प्रकाशित वाक्य 2:9

‘मे तारा दुख एने गोरीबी काजे जानतलु छे (बाकीन तू धोन वावू छे,) एने जे माणसे आपना खुदो काजे यहुदि कोयतेला छे एने होय नी, बाकीन भुतडान मीटिंग छे, तिंदरे बुराई काजे बी जानतलु छे.’”