2 कुरीन्थियो 10:4 - बारेली पावरी

⁴ काहाकि आमरी लढाइ हत्यार डीलोन नि होय, पुन गळो काजे पाळणेन कोरता परमेश्वरोन लारे ताकत छे.

2 कुरीन्थियो 10:4 ပူးပေါင်းရင်းမြစ်များ

प्रेषित 7:22

एने मुसा काजे मिसरीन आखी विद्यान वाचणे लागाळयु, एने चू वचन एने काम दुयोमा ताकत वावू होतु.

रोमी 13:12

रात लोकेत होय गोयली छे, एने दाहळू निकवनेत वावू छे; इनान कोरता आपनु आंदारलान कामो काजे छुळीन विजावान हत्यार बांध लेवू.

रोमी 6:13

एने नी आपना डीलो काजे धोरमोन हत्यार होयने कोरता पापोन होवाले कोऱ्या एने आपना खुदो काजे मोरलामा गोथा जीव उठनेन जानीन परमेश्वरोन होवाले कोऱ्या एने आपना डीलो काजे अधोरमोन हत्यार होयनेन कोरता परमेश्वर काजे आप देदा.

1 कुरीन्थियो 2:5

इनान कोरता कि तुमरु भुरसू माणसोन ग्यान पोर नी, बाकीन परमेश्वरोन ताकत पोर आधारित छे.

1 कुरीन्थियो 9:7

कून कोबी आपनी पोळनेसी खायीन सिपायळान काम कोरतेलू छे? कून आंगुरोन वाळी लागाळीन हेरो फोव नी खातलो? कून गाडरान राखवावी कोरीन हिंदरो दुद नी पीतलो?

2 कुरीन्थियो 10:8

काहाकि ओगर मे इना होकोन बारामा ओवी बी मोटायकी देखाळो, जू प्रभू तुमरे बिगाडनेन कोरता नि पुन बोढतीन कोरता आमुक आपलु छे, ती लाजवायनो नि.

2 कुरीन्थियो 13:10

इनान वोजेसी मे तुमरा वासा पोछोव जी वात सिकाळो, कि जागे रोयीन मेसेक तिना होकोन अनसारे जिनान प्रभू बिगाडनेन कोरता नी बाकीन बोनावनेन कोरता मेसेक आपलु छे, कोळक रितीसी काहीन कोरनो नी पोळे.

2 कुरीन्थियो 3:5

यो नी कि आपु खुद इनान लायक छे कि आपना तोरोफसी काहीन वातोन विचार कोर सोके बाकीन आमरी लायकी परमेश्वरोन तोरोफसी.

2 कुरीन्थियो 4:7

आपने जुव चो धोन धुवान ठाहरामा मेकलो छे कि यो मोल्यवान ताकत आपने तोरोफसी नी बाकीन परमेश्वर तोरोफसी ठेरे.

2 कुरीन्थियो 6:7

खोरला मोंगसी, खोरला वचन सी, परमेश्वरोन ताकतसी, धारमिकतान हत्यारसी जे जेवळे-डाखरे हातोमा छे.

1 थिस्सलुनीकियो 5:8

बाकीन आपनु जे दाहळान छे, भुरसान एने मोंगोन झीलम पेहेरीन एने छुटकारान आसोन टूपी पेहेरीन सावधान रोयू.

1 तीमथी 1:18

हे पुऱ्या तीमथी, इना भविष्यवाणीन अनसारे जो पेहेले तारा बारामा होयली होती, मे यी आग्या आपो कि तू हेरे अनसारे वारली लोळायी काजे लोळायतू रोय,

2 तीमथी 2:3

येसु मसिहन वारला सैनिक सारखु मारे पुठी दुख झेल.

इब्रानियो 11:30

भुरसासी यरीहोन सोहोरोन भीतडा बी पोळ गोया, जेतार चे सात दाहळे तेरे धोळे फिरता रोया.