2 कुरीन्थियो 10:18 - बारेली पावरी

¹⁸ काहाकि जू आपनी खुदोन बोढाई कोरतेलु चू नि, बाकीन जिनान बोढाई प्रभू कोरतेलु चोत स्वीकार कोरतेला.

2 कुरीन्थियो 10:18 ပူးပေါင်းရင်းမြစ်များ

लुका 16:15

चू तीनु काजे कोयू, तुमु ते माणसोन सामने खुदो काजे धोरमी ठेरावणेन, बाकीन परमेश्वर तुमरो मोन जानतेला छे, काहाकि जो चीज माणसोन नोजोरसी महान छे, चू परमेश्वरोन साते भुंडला छे.

योहान 12:43

काहाकि माणसो भूनी गोथी गोवायी तीनु काजे परमेश्वर भूनी गोथी बोढाईन आस जादा मोंगावी लागती होती.

प्रेषित 2:22

हे मारा दोस्त इस्राईल जे वाते सोमवू, कि येसु नासरी माणूस होतु, जेरो परमेश्वरोनचा गोथू होयनेन सोबूत तीना ताकत वावा काम एने मोटला कामोन, एने निशाणीसी देखाळ देदू एने परमेश्वर तुमरे बिचमा तेरे लारे कोरीन देखाळ्यू, जीना काजे तुमु खुद जानतेला छे.

रोमी 14:18

जू कुदू इना रितीसी मसिहन सेवा कोरतेलु चू परमेश्वरोक गोवतेलु एने माणसोमा स्वीकारोन लायक ठेरायतलु छे.

रोमी 16:10

अप्पीलेस काजे जू मसिहमा खोरलू निकव्यू, नमस्कार अरिस्तुबुलुसन घोराना काजे नमस्कार.

रोमी 2:29

बाकीन यहुदि चा छे, जा डीलमा छे, एने सुंता छे, जो मोनोन एने आत्मामा छे, नि ते लेखोन, असो कि बोडाय माणसोनचा गोथा नि, बाकीन परमेश्वरोनचा छे.

1 कुरीन्थियो 11:19

काहाकि भेदभाव बी तुमरेमा जरूर होसे; इनान कोरता कि जे माणसे तुमरेमा खोरला छे चे देखनो जुवे.

1 कुरीन्थियो 4:5

इनान कोरता जेतार तोक प्रभू नी आवे, टेमोन पेहेले काहणी वातोन नियाव मा कोरू; चू आंदारलाम डूकायली वाते विजावामा देखाळसे, एने मोनोन अभीप्राय काजे प्रकट कोरसे, तेत्यार परमेश्वरोनचा गोथो होर एकोन बोळाय होयसे.

2 कुरीन्थियो 10:12

काहाकि आमुक यो हिंमत नि होय कि आमु खुदो काजे तिंदरेमा गोथा कोसा कुदा पुठी नीती चे तीनु काजे आपनुक भेटाळे, जे आपनी बोढाई खुद कोरतेला, एने खुदो काजे आपोसमा गिनतला मापतेला एक दिसरा पुठी मेवान बिन ओकली ठेरायतेला.

2 कुरीन्थियो 13:7

आमु आपना परमेश्वरोनचा जी प्रार्थना कोरतेला छे, कि तुमु काहणी बुराई नी कोरे, इनान कोरता नी कि आमुक खोरलो देखाय पोळे, बाकीन इनान कोरता कि तुमु बुराई कोरु, भोले आमु बिन कामोन ठेराये.

2 कुरीन्थियो 3:1

काय आपनु पोछा आपनी बोढाई कोरणे बाज गोया? नि ती आमु काजे दिसरा सारखो सिफारीसोन चिट्ठी तुमरेनचा लावनो कि तुमरेनचा गोथो लेनो छे?

2 कुरीन्थियो 5:12

आमु तेरी आपनी बोढाई तुमरे सामने नी कोरतेला बाकीन आमु आमरा बारामा तुमु काजे मोटाय कोरणेन मोकू आपतला कि तुमु तीनु काजे तुमु तीनु काजे जोवाब आप सोके, जे मोनोपोर नी बाकीन बोनावली वातो पोर मोटाय कोरतेला.

2 कुरीन्थियो 6:4

बाकीन होर एक वात परमेश्वरोन सेवक सारखो आपना वारला गुणे सामने लावे, घोना हिंमतसी, तोकलीतसी, गोरीबोमा, संकोटोमा.

2 तीमथी 2:15

खुदो काजे परमेश्वरोक स्वीकार कोरनेन लायक एने ओसा कामे कोरने वावू ठेरावनेन कोशिश कोरतेला जू लोजित नी होये एने जुवे खोरला वचन काजे वारला रितीसी काममा लावतलु.

1 पतरस 1:7

एने जो एरेन कोरता छे तुमरु पारखायलु भुरसू, जू आगठामा तातलो कोरीन नाशवान सोना गोथो बी जाफा, किमती छे, परमेश्वरोन येसु मसिह प्रकट होयने से बोळाय एने महिमा एने आदर कोरनेन ठेरावसे.