2 कुरीन्थियो 10:14 - बारेली पावरी

¹⁴ काहाकि आमु आपना हदसी बारथे खुदो काजे बोळावनो नि जुवता जोसा कि तुमरेनचा तोक पुगाळने वावा होता, बाकीन मसिहन वारली खोबर सोमवाळता जायीन तुमरेनचा तोक पुग गोयला छे.

2 कुरीन्थियो 10:14 ပူးပေါင်းရင်းမြစ်များ

मरकुस 1:1

परमेश्वरोन पुऱ्यु येसु मसिहन बारामा वारली खोबरोन प्रचारोन सुरवात.

प्रेषित 20:24

बाकीन मे मारा जीव काजे काय नी सोमज्यु कि तीनाक मोंगावू जाणो, बाकीन यो कि मे मारा दोवळना काजे एने तिनी सेवा काजे पुरी कोरो, जो मे परमेश्वरोन दयान वारली खोबर पोर गोवायी आपनेन कोरता प्रभू येसु जुव गोथू ली लेदलु छे.

रोमी 1:16

काहाकि मे वारली खोबरोन प्रचारोन कोरनेन कोरता नी लाजवायतू, इनान कोरता कि चू होर एक जे भुरसू कोरणे वावान कोरता पेहेले ते यहुदि ओवतेन युनानीन कोरता छुटकारू वोजेसी परमेश्वरोन ताकत छे.

रोमी 16:25

हिमी जो तुमु काजे मारी वारली खोबर मतलब येसु मसिहन सोंदेसोन प्रचार अनसारे पाको कोरतू रोयतलु छे, तिना भेदोन विजावान अनसारे जो ओमोरकाईसी डूकाय रोयो,

रोमी 2:16

जीने दाहळे परमेश्वर मारा वारली खोबरोन अनसारे येसु मसिहन लारे माणसोन डूकायला वातोन नियाव कोरसे.

1 कुरीन्थियो 2:10

बाकीन परमेश्वर तीनुक आपना आत्मान लारे आपनेपोर देखाळ्यू, काहाकि आत्मा आखी वाते, नीती परमेश्वरोन गुढ वाते बी जाच कोरतेला छे.

1 कुरीन्थियो 3:10

परमेश्वरोन तीना दयान अनसारे जो मेसेक आपाय गोयलो छे, मे बुद्धिमान राजमिश्री सारखो पायु नाख्यो, एने दिसरू तिना पोर कोरतेलू छे बाकीन होर एक माणूस हुशारीमा रोये कि चू तिना पोर पोसु कोसू रद्दा मेकतलु छे.

1 कुरीन्थियो 4:15

काहाकि कोदि मसिहमा तुमुक सिकाळने वावा दस हजार बी रोयता, तीबी तुमरा बास जादा नी; इनान कोरता कि मसिह येसुमा वारली खोबरोन लारे मे तुमरू बास होयू.

2 कुरीन्थियो 2:12

जेतार मे मसिहन वारली खोबर सोमवाळने त्रोआसमा आव्यु एने प्रभू मारेन कोरता एक झोपलु उगाळ देदू.

2 कुरीन्थियो 4:4

एने तीनु अविस्वासन कोरता जिंदरी बुद्धी इना संसारोन भोगवान आंदवी कोर देदलु छे, काहाकि मसिह जू परमेश्वरोन प्रतिरूप छे, तेरे विजावान वारली खोबरोन विजावो तीनु पोर चोमके.

कुलुस्सि 1:5

तिनी आस कोरली चीजोन वजेसी जो तुमरेन कोरता सोरगोमा मेकली छे, जेरा बारामा तुमु तीना वारली खोबरोन खोरलो वचन काजे सोमवी लेदला छे.

1 तीमथी 1:11

यो कि सोयावू परमेश्वरोन महिमान हीना वारली खोबरोन अनसारे छे जो मेसेक आपलो होतो.