2 कुरीन्थियो 1:19 - बारेली पावरी

¹⁹ काहाकि परमेश्वरोन पुऱ्यु येसु मसिह जेरो आमरे लारे मतलब मारा एने सिलवानुस एने तीमथीन लारे तुमरे इचमा प्रचार होयू, हिनामा “हाव” एने “नी” दुयू नी होता, बाकीन हिनामा “होव कि होव होय.”

2 कुरीन्थियो 1:19 ပူးပေါင်းရင်းမြစ်များ

मत्ती 17:5

पतरस बुलतु होतु कि एक धोव्वो वादवो तिंदरे पोर छावाय गोयो, एने तिना वादवा गोथू यु बुल निकव्यू “यु मारू मोंगावू पुऱ्यु छे, जीनासी मे खुश छे तेरी सोमवू.”

मत्ती 24:35

सोरग एने धोरती टोव जासे, बाकीन मारी वाते कोबी नी टोवे.

मत्ती 27:40

एने जे कोयता होता, “हे मंदीर काजे ढावने वावू एने तीन दाहळामा बोनावने वावू, आपना खुदो काजे ते वाचाड! ओगर तू परमेश्वरोन पुऱ्यु छे, ती ख्रुस पोर गोथू उतोर जा.”

मत्ती 27:54

तेत्यार सुभेदार एने जे हिंदरे साते येसुन पेहरु दि रोया होता, भूकंप एने जो काय होयलो होतो तीनाक देखीन जादा बिह गोया एने कोया, “छाचलीन यु परमेश्वरोन पुऱ्यु होतु”

मत्ती 3:17

एने जी सोरग वाणी होयी, यु मारू मोंगावू पुऱ्यु छे, जीना पोर मी खुश छे.

मत्ती 4:3

ती पारखने वावू तेरे साते आवीन तीना काजे कोयू, “ओगर तू परमेश्वरोन पुऱ्यु होय, ती कोय दे, कि यु दोगळू रुटा बोन जाय.”

मरकुस 1:1

परमेश्वरोन पुऱ्यु येसु मसिहन बारामा वारली खोबरोन प्रचारोन सुरवात.

लुका 1:35

सोरगो दूत तिनी काजे जोवाब आप्यू, पवित्र आत्मा तारे पोर आवसे, एने परमप्रधानोन ताकत तारे पोर सहावू कोरसे; इनान कोरता चू पवित्र जू पोयदा होयने वावू छे, परमेश्वरोन पुऱ्यु कोवायसे.

योहान 1:34

एने मे देख्यू, एने गोवायी आप्यू कि युत परमेश्वरोन पुऱ्यु छे.”

योहान 1:49

नथनेल तीनाक जोवाब आप्यू, “हे रब्बी, तू परमेश्वरोन पुऱ्यु छे; तू इस्राईलोन महाराजा छे.”

योहान 19:7

यहुदि माणसे तीना काजे जोवाब आप्या, “आमरो बी नियम शास्त्रो छे एने तीना शास्त्र नुसार चू मार नाखनेन लायक छे, काहाकि चू खुदो काजे परमेश्वरोन पुऱ्यु बोनाव्यू.”

योहान 20:28

यो सोमवीन थोमा जोवाब आप्यू, “हे मारा प्रभू, हे मारा परमेश्वर.”

योहान 20:31

बाकीन जे इनान कोरता लिखाय गोयला छे कि तुमु भुरसू कोरे कि येसु परमेश्वरोन पुऱ्यु मसिह छे, एने भुरसू कोरीन हेरे नावोसी जीवन लेये.

योहान 3:16

काहाकि परमेश्वर जोगो पोर ओसू मोंग कोऱ्यु कि तेरु मोंगावू पुऱ्यु आप देदु, काहाकि जू कुदू तीना पोर भुरसू कोरे चू नाश नी होये, बाकीन तीनाक ओमोर जीवन जोळे.

योहान 6:69

एने आमु भुरसू कोऱ्या एने जानी लेदा कि परमेश्वरोन चुखलो जोणु तुत छे.”

योहान 8:58

येसु तीनु काजे कोयू, “मी तुमु काजे छाचलीन-छाचलीन कोयो, कि अब्राहामन पेहेले, मी छे.”

प्रेषित 15:22

जेतार पुरी मंडवी साते प्रेषितोन एने काहना काजे यो वारलो मालूम पोढ्यो कि आपना इचमा काहना माणसोक नेवाळीन बरसब्बा कोवायतलु यहुदा एने सिलास काजे यु भाशोमा पुढारी होतु, तीनुन पौलुस एने बरनाबास साते अन्ताकिया मूकले.

प्रेषित 16:1

ओवतेन चू दिरबे एने लुस्त्रमा बी गोयू, चा तीमथी नावोन एक चेलु होतु जू काहना विश्वासी यहुदिन पुऱ्यु होतु बाकीन तेरु बास युनानी होतु.

प्रेषित 18:5

जेतार सिलास एने तीमथी मकीदुनीया गोथा आव्या, ती पौलुस वचन सोमवाळनेन धूनमा यहुदि काजे गोवायी आपने बाज गोयू कि येसुत मसिह छे.

प्रेषित 8:36

वाटे चालता-चालता चे एक पाणीन जागा पोर पुग गोया तेत्यार ग्यानी कोयू, “देख चा पाणी छे, हिमी मेसेक बाप्तिस्मा लेनेमा काय रुकावट नि होय.”

प्रेषित 9:20

“एने चू मामार प्रार्थना घोरमा येसुन प्रचार कोरणे बाज गोयू, युत परमेश्वरोन पुऱ्यु छे.”

2 कुरीन्थियो 1:1

पौलुसोन भूनी गोथो जी परमेश्वरोन मोर्जी मसिह येसुन प्रेषितोन छे, एने भाश तीमथी भूनी गोथो परमेश्वरोन तिनी मंडवीन नावे, यो कुरिन्थमा छे, एने आखा अखायान चुखला माणसोन नावे.

1 थिस्सलुनीकियो 1:1

पौलुस एने सिलवानुस एने तीमथी जुव गोथू थेस्सलुनीका काजे मंडवीन नावे जो परमेश्वर बास एने प्रभू येसु मसिहमा छे; दया एने शांती तुमुक जोळती रोये.

2 थिस्सलुनीकियो 1:1

पौलुस एने सिलवानुस एने तीमथीन तोरोफसी थेस्सलुनीकि देस वावान मंडवीन नावे, जू आमेरू बास परमेश्वर एने प्रभू येसु मसिहमा छे.

1 तीमथी 3:16

इनुमा शंका नी होय कि भोक्तीन फरक गंभीर छे, मतलब होयो जे डीलोमा प्रगट होयलो, आत्मामा धोरमी ठेरायू, सोरग दूत काजे देखायतू दिसरा जातीमा हेरा प्रचार होयलू, जोगोमा हेरे पोर भुरसू कोरलु होतु, एने महिमामा उपर चुटायलु होतु.

इब्रानियो 1:11

चे ते नाश होय जासे, बाकीन तू बोनलु रोयसे, एने चे आखा छिंदरा सारखा जुना होय जासे.

इब्रानियो 13:8

येसु मसिह काल ने आज कायम एक सारखु छे.

1 पतरस 5:12

मी सिलवानुसोन लारे, जेरेसी मी भुरसान योग्य भाश मानतलु छे, वारू रितीसी लिखीन तुमु काजे सोमजाडलु छे एने यी गोवायी आपलु छे कि परमेश्वरोन खोरलु दया छे इनामा वातडा बोनीन रोयु.

2 पतरस 1:17

काहाकि जेतार चू परमेश्वर जून आदर एने महिमा जोडी एने प्रतापमय महिमासी जी आवाज आयु, “यु मारा मोंगावा पुऱ्यु छे, जेरेसी मी खुश छे.”

1 योहान 1:3

जो काय आमु देख्या एने सोमवतला छे तेरो वारली खोबर तुमु काजे बी आपजे, इनान कोरता कि तुमु बी आमरे पुठी भागीदारी होयू; एने आमरी जी सहभागीता बास पुठी एने तेरु पुऱ्यु येसु मसिह पुठी छे.

1 योहान 5:20

एने यो बी जाणेजे, परमेश्वरोन पुऱ्यु आव रोयू एने चू आमुक सोमज आपलु छे, हिमी तिनी खोराइ काजे जानजे, एने आमु तीना माइली जी खोराइ छे, मतलब परमेश्वरोन पुऱ्यु येसु मसिहमा रोयतला. खोरलू परमेश्वर ओमोरकाईन जीवाय यित छे.

2 योहान 1:9

जो कुदू मसिहन भोननेमा ओगोव बोळ जातला छे, एने तिंदरेमा नि रोयतला, तिंदरे जुव परमेश्वर नि होय; जू कुदू हिंदरी प्रचारमा पाका रोयतला, तिंदरेजू बास बी छे एने पुऱ्यु बी.

प्रकाशित वाक्य 1:11

“जो काय तू देखतलु छे तीना किताबमा लिखीन सात मंडव्या काजे मुकली दे, मतलब इफिस, स्मुरना, पीरगमून, थुआतीरा, एने सर्दीस, एने फिलादिलफिया, एने लौदीकिया काजे.”

प्रकाशित वाक्य 1:17

तेत्यार मे तीनाक देख्यू ती तेरा पाय पोर मोरलू ओसू पोड गोयू, तेरा मुयो पोर आपनु जेवळ्या हात मेकीन कोयू, “मा बिहे; मे पेहेलु एने आखरी एने जीवतलु छे.”

प्रकाशित वाक्य 1:8

प्रभू परमेश्वर जो छे जो होतो एने जो आपने वावो छे, जू आखा गोथू ताकत वावु छे, जो कोयतलु “मेत सुरवात एने आखरी छे.”

प्रकाशित वाक्य 2:18

थुआतीरा मंडव्या दूतो काजे यो लिख, “परमेश्वरोन पुऱ्यु जेरा डूवा आगठान ज्वालान तोसो, एने जेरा पाय वारला पितोवोन तोसा छे, चू यो कोये कि,