1 तीमथी 6:4 - बारेली पावरी

⁴ ती होयू अभिमानी होय गोयू, एने काय नी जानतलु नीती हिनाक झोगळू एने वातो पोर शब्द लोळाय कोरनेन बिमारी छे, जिना पुठी मोटाय एने लोळाय, एने बुरायीन वाते एने भुंडला-भुंडला शंका,

1 तीमथी 6:4 ပူးပေါင်းရင်းမြစ်များ

प्रेषित 15:2

तेत्यार पौलुस एने बरनाबास इंदरे साते मतभेद एने वाद विवाद होयो ती पाको कोऱ्या कि पौलुस, बरनाबास एने तिनी मायला दिसरा माणसे इना तकलीपोन बारामा प्रेषित एने पुढारी इंदरेनचा यरुशलेममा आव्या.

प्रेषित 18:15

बाकीन यु जोखळाये बुले एने नावे तुमरे न्या वावान नियमोन बारामा छे, ती तुमु जाणू काहाकि मे इनी वातोन न्यायी बोनावने चाहतोलू

प्रेषित 8:9

इनान पेहेले इना सोहोरोमा शिमोन नावोन एक माणूस होतु, जू जादू मोंतोर कोरीन सामरिया माणसोक खुश कोरीन एने खुदो काजे एक मोटूत माणूस देखाळतू होतु.

रोमी 12:16

आपसमा एक सारखो मोन मेकू; मोटमोटी वातो पोर मोन मा लागाळू बाकीन गोरीबोन साते; रोयू; आपनी नोजोरमा बुद्धिमान मा बोनु.

रोमी 13:13

जोसो दाहळा काजे शोभा आपतलु, तोसोच आपनु बी सुधा चाल चालनो, नी कि खाण्या पिण्या एने मोंदळ्या एने मोटकाईमा नी भुंडला विचारमा एने काम कोरनेन मोर्जीमा, एने नी झोगळामा एने नी रीस धोरणेमा.

रोमी 14:1

जू भुरसामा कोमजुर छे, तीनुक आपने साते कोरु, पुन तिंदरा शंकापोर जो विवाद कोरनेन कोरता नि.

रोमी 2:8

बाकीन जू विवादी छे एने खोरला काजे नि मानतेलु बाकीन अधोरमोन काजे मानतलु तीनु पोर रीस पोळसे,

1 कुरीन्थियो 11:16

बाकीन ओगर कुदु वाद विवाद कोरणे हिंडे, ती यो जान लेये कि नी आमरी एने नी परमेश्वरोन मंडव्यान ओसली रिती छे.

1 कुरीन्थियो 11:18

काहाकि पेहेले टेमे यो सोमोवतलु कि जेतार तुमु मंडवीमा एखठा होयतला ते बी तुमरेमा फुट पोळतेली, एने मे इनापोर थुलो-थुलोक भुरसू कोरतेलू.

1 कुरीन्थियो 3:18

कुदू आपना खुदो काजे खुवू मा कोदि तुमरेसी कुदू इना संसारमा आपना खुदो काजे ग्यानी सोमजे, ती कोम दिमाक वावा ग्यानी होय जावू.

1 कुरीन्थियो 3:3

काहाकि हिमी तोक डीलवावा छे इनान कोरता कि जेतार तुमरेमा कुहराय एने झोगळू छे, ती काय तुमु डीलवावा नि होय? एने काय माणसोन रिती पोर नि चालतला?

2 कुरीन्थियो 11:20

काहाकि जेतार तुमुक कुदू पावोर बोनाव लेये नीती खाय जाय, नीती फोसाळ देये नीती खुदो काजे मोटू सोमजे नीती तुमरा मुयो पोर थापुळ देये, ती तुमु सोह लेतला.

गलातियों 5:15

पुन ओगर तुमु एक दिसरा काजे दाते कोरीन चावतला एने फाळीन खातला ती हुशारीमा रोयू एक दिसरान भुंडला मा कोरु.

गलातियों 5:26

आपनु घोमंडी होयीन एक दिसरा काजे मा छेळू एने एक दिसरा पोर रीस मा कोरु.

गलातियों 6:3

काहाकि ओगर कुदू काहीन बी नी होयने पोर बी खुदो काजे काहीन सोमजतलु छे, ती खुदो काजे धोकू देतलु छे.

फिलिप्पि 1:15

काहनास ते दोगा एने झोगळान वोजेसी मसिहन प्रचार कोरतेला एने काहनास वारली मोर्जीसी.

फिलिप्पि 2:14

आखो काम बिना कुरकुर कोरे एने बिना विवादोन कोऱ्या कोरु.

फिलिप्पि 2:3

विरोध नीती झुटी बोढाईन कोरता काय मा कोरु, बाकीन एक दिसरा काजे आपनेसी वारू सोमजू.

कुलुस्सि 2:18

कुदू माणूस आत्माहीनता एने सोरग दूतोन पूजा कोरावीन तुमु काजे दोवोळनेन फोवोसी छेटा नि कोरे. ओसलु माणूस देखला वातोमा लागला रोयतला छे एने आपनी डीलोन समजपोर बिना वजहसी रीसवायतला.

2 थिस्सलुनीकियो 2:4

जे विरोध कोरतेला छे, एने होर एक साते जे परमेश्वरोन आराधना कोवायतेलो छे, खुदो काजे मोटलु ठेरावतलु छे, न्या तोक कि चू परमेश्वरोन मंदीरमा बोसीन खुदो काजे परमेश्वर ठेरावतलु छे.

1 तीमथी 1:4

एने तिनी काहानीन एने ओमोरकाईन पिढीपोर मोन नि लागाळे, जेरे पुठी झोगळू होयतलु छे, एने परमेश्वरोन तिना पुरतीन अनसारे नी, जो भुरसा पोर आधारित छे, तोसोत ओवी बी कोयो.

1 तीमथी 1:7

एने शास्त्रध्यापक ते होयनेन कोरतेला छे पुन जी वात कोयतेला एने जीनुक हिंमतसी कोयतेला छे, हिनुक सोमझतला बी नी.

1 तीमथी 3:6

ती यो कि नवला चेला नि होय, ओसो नी होय कि मोटाय कोरीन भुतडान तोसु दोंड जोळे.

2 तीमथी 2:14

इनी वातोन फोम तीनुक आप एने प्रभून सामने जोताळ दे कि बुली पोर जोखळी नी कोरजू जीनासी काहीन फायदु नी होयतलु बाकीन सोमवने वावा विसरी जातला.

2 तीमथी 2:23

बाकीन बिन ओकल्यान ओकोल ओलोग से, काहाकि तुसेक मालूम छे कि इनापोरसी झोगळा पोयदा होयतला छे.

2 तीमथी 3:4

भुरसू तुडने वावु, ठीठ, घोमोंडी एने परमेश्वरोन नी बाकीन सुखविलासन भी चाहनेवावा होयसे.

तीतुस 3:9

बाकीन बिन ओकोलोन विवाद एने पोयदावारी एने खिलाप एने झोगळासी जी आग्यान बारामा होय, वाचीन रोय; काहा चे बिना फोवोन एने वायबार छे.

याकुब 1:19

हे मारा मोंगावा भाशो, जी वात तुमु जान लेवू होर एक माणूस सोमवनेन कोरता साटू एने बुलनेमा धीर एने रीसमा धीरूस होये.

2 पतरस 2:12

बाकीन जे माणसे बिना दिमाकोन जोनावर सारखा छे, जे धोराय जाणे एने नाश होयनेन कोरता पोयदा होयला छे; एने जिना वातो काजे उवेखतला नि तिंदरा बारामा दिसरा काजे वारलो भुंडलो कोयतेला छे चे आपनी सोळलामा खुद सोळ जासे.

2 पतरस 2:18

चे वायबार मोटायन वाते कोरीन लुचळान कामोन लारे, तिना माणसोन डीलोन भुंडली मोर्जी आपतला छे जे भोटकलामा गोथा हिमी निकवनेण बाजरोयला छे.

यहुदा 1:10

बाकीन ये माणसे जिनी वातो काजे नि उवख तेला तीनुक भुंडो-वारू कोयतेला, एने जिनी वातो काजे उचला लाव डीलोन जोनावरे सारको स्वभाव सी जानतला लाव छे, तिनामा आपना खुदो काजे नाश कोरतेला छे.

यहुदा 1:16

ये ते असनतूष्ट कुरकुर कोरणे वावा एने आपना भुंडला मोर्जीन अनसारे चालने वावा छे, एने आपना मुयोसी मोटायन वाते बुलतला छे एने चे फायदान कोरता मुये देखीन बोढाई कोरतेला छे.

प्रकाशित वाक्य 3:17

तू कोये कि मे मालदार छे एने धोनवान होय गोयलु छे, मेसेक कानला चीजोन कोमी नी होय; एने यो नी जानतू कि तू अभागा एने वीटवलु गोरीब एने आंदवू एने उगाळलु छे.