1 तीमथी 6:2 - बारेली पावरी

² जिंदरु मालिक विश्वासी छे तीनुक होयू भाश होयनेन वोजेह कमी नी माने, एने हिंदरी चाकरी कोरे काहाकि या गोथू फायदू लेने वावू विश्वासी एने मोंगावू छे इनू वातोन प्रचार आपतू रोयु एने सोमजाडतू रोय.

1 तीमथी 6:2 ပူးပေါင်းရင်းမြစ်များ

मत्ती 23:8

बाकीन तुमु गुरुजी झुन कोयता, काहाकि तुमरू एकुत गुरु छे, एने तुमु आखा भाश छे.

मत्ती 25:40

तेत्यार राजा तीनुक जोवाब आपसे, “मे तुमु काजे छाचलीन कोय कि, तुमु जे मारा नानामा नाना भाशोमा गोथा काहना एका साते कोऱ्या चो मारे साते कोऱ्या.”

मत्ती 6:24

“काहनलु माणूस दुय मालक्यान सेवा नि कोर सोकतलु, काहाकि चू एक पोर दुष्मोनी एने दिसरा पोर मोंग कोरसे, नि ती एक पुठी साते रोयसे एने दिसरा काजे विटेवलु माणसे तुमु परमेश्वरोन एने धोन दुयोन सेवा नी कोर सोकतला”.

प्रेषित 1:15

तीनु दाहळान पतरस भाशोन इचमा जे एकसोव वीस माणसोन लगभग होता, उभा रोयीण कोयने बाज गोयू,

रोमी 11:17

पुन ओगर काहना डाव्या काटनेमा आव्यो, एने तू जंगली जेतुन बोनीन तिंदरेमा छाटाय गोयो, एने जेतुनोन मुव थुलोक नोरमायीन भागीदार होय गोयलो छे.

रोमी 8:29

काहाकि जीनु काजे चे पेहेलेसी सोमजी गोयला छे तीनु काजे पेहेलेसी ठेराय गोयलो छे कि तेरा पुऱ्यान रुपमा छे, काहाकि चू भाशोमा पेहेलु ठेराये.

गलातियों 5:6

मसिह येसुमा संता वावा एने नी सुंता कोरला काय कामोन नी होय, बाकीन निसतू भुरसू, जू मोंगोन लारे प्रभाव पाळतलु.

इफिसीयो 1:1

पौलुस तोरोफसी जी परमेश्वरोन मोर्जीसी येसु मसिहन प्रेषित छे तिना चुखला एने प्रभू येसु मसिहमा विश्वासी माणसोन नाव जो इफिसमा छे.

इफिसीयो 1:15

इना रितीसी, मे बी तीना भुरसान जो तुमु माणसोमा प्रभू येसु पोर छे एने आखा चुखला माणसोन कोरता मोंगोन वारली खोबर सोमवीन.

इफिसीयो 3:6

मतलब यो कि मसिह येसुमा वारली खोबरोन लारे दिसरा जातीन माणसे विरासत मा भागी से एने एक डीलन एने वायदान भागी छे.

कुलुस्सि 1:2

मसिहमा तिना चुखला एने विश्वासी भाशोन नावे जे कुलुसोमा रोयतला आमरू बास परमेश्वर तोरोफसी तुमु काजे दया एने शांती जोळती रोये.

कुलुस्सि 1:4

काहाकि आमु सोमवला कि मसिह येसु पोर तुमरू भुरसू छे एने आखा चुखला भाशोसी मोंग राखतला छे,

कुलुस्सि 4:1

हे मालिक आपना-आपना पावोर साते नियाव एने ठीक-ठीक व्यहवार कोरु, यो सोमजीन कि सोरगोमा तुमरु बी एक मालिक छे.

2 थिस्सलुनीकियो 1:3

हे भाशो, तुमरा बारामा आमु काजे होर टेमे परमेश्वरोन धन्यवाद कोरनो जुवे, एने यो सही बी से इनान कोरता कि तुमरू भुरसू जादा बोडतो जातलू, एने तुमरे आखान मोंग एक दिसरामा जादा बोळतू जातलु.

1 तीमथी 4:11

इनी वातोन आग्या आप एने सिकाळतु रोय.

1 तीमथी 5:1

काहना डाहला काजे मा लोळे, पुन हिनाक बास जानीन सोमवाळ दे एने जुवान्या काजे भाश जानीन;

तीतुस 2:1

बाकीन तू ओसला वाते कोया कोर, जे खोरला प्रचारोन लायक छे.

तीतुस 2:15

आखा अधिकारी पुठी जे वाते कोय एने सोमजाड, एने सिकाळतू रोय. कुदु तुसेक कम समजनो नि जुवे.

तीतुस 3:8

जी वात खोरली छे, एने मेसेक लागे कि, तू इनी बारामा नि बिहता बुले इनान कोरता कि जे परमेश्वर पोर भुरसू कोरला छे चे वारला-वारला कामोमा एने माणसोन फायदान होयो.

इब्रानियो 3:1

इनान कोरता हे चुखला भाशो, तुमु जे सोरगोन बुलावनेन सहभागी छे, तिना प्रेषित एने महायाजक येसु पोर जीनाक आमु मानतला मोन लागाळू.

इब्रानियो 3:14

अगर आमु आपना पेहेला भुरसा पोर आखरी तोक मजबुतीमा पाका रोये ती आमु मसिहन भागीदार बोन गोयला छे.

1 पतरस 5:1

एरेन कोरता मी जो तुमु आखा डाह-डाहा छे, मसिहन दुखोन गोवा छे, एने देखायने वावी महिमामा भागी होयीन तीनुक यो सोमजाडो,

2 पतरस 2:10

विशेष कोरीन तीनु काजे यो खिलाप लालचोन पोछोव, डीलोन लारे चालतला एने ओसोर काजे विटोव मानतला चे ठीक एने हट्टी छे एने उचला पोदो वावा काजे भुंडला कोयनासी नि बिहीतेला.

यहुदा 1:8

तिना रितीसी जे सोपनो देखणे वावा बी आपना-आपना डीलो काजे विटोव कोरतेला, एने प्रभूता काजे विटोव जानतेला छे, एने उचला पोदो वावा काजे वारु भुंड कोयतेला छे.