1 तीमथी 5:14 - बारेली पावरी

¹⁴ हेरेन कोरता मे चाहो कि जुवान रोंडायला, वियाव कोरे एने पुऱ्या पोयदा कोरे एने घोर-बार सोमावे दुसरा दुष्मोन काजे बदनाम कोरनेन टेममा आपु.

1 तीमथी 5:14 ပူးပေါင်းရင်းမြစ်များ

रोमी 14:13

आखरी ओगा आमु एक दिसरा पोर गुणू नि लागाळजे, पुन तुमु जो पाको मानतेला कि आपना भाशोन सामने दुख नीती ठूकर खाणेन वोजा होये.

2 कुरीन्थियो 11:12

बाकीन यो मे कोरतेलू, चोत कोरतू रोयीस कि जे माणसे कुहराये हेरतेला तीनुक मे कुहराय नी जोळने दोम, काहाकि जिनी वातोन मोटाय कोरतेला, तिंदरेमा चे आमरे सारखा ठेरे.

1 तीमथी 2:8

हेरेन कोरता मारी मोर्जी छे कि आखे जागे माणूस, बिना रीस एने झोगळान चुखला हातो काजे उचा कोरीन प्रार्थना कोऱ्या कोरे.

1 तीमथी 4:3

जू वियाव कोरनेसी रुकसे, एने खाणेन दिसरा चीजे अलग रोयनेन आग्या आपसे, जीनुक परमेश्वर इनान कोरता सजाड्यू कि एने खोरला पारखन्या काजे धन्यवादन साते खासे.

1 तीमथी 5:11

पुन जुवान रोंडायलान नाव नि लिखनो, काहाकि जेतार चो मसिहन खिलाप कोरीन सुखमा पोड जातली छे, ची वियाव कोरणे कोरतेली.

1 तीमथी 6:1

जोतरा दासोन जुवळा तोवे छे, चे आपना-आपना मालिक काजे आदर कोरे, काहाकि परमेश्वरोन नाव एने प्रचारोन बुराई नी होई.

तीतुस 2:5

एने सोयावी, चुखली बायर घोरोन कारभार देखणे वावी, वारली एने आपना-आपना ओदमीन कोयामा रोयने वावी रोये, काहाकि परमेश्वरोन वचनोन बुराई होयनो नि जुवे.

तीतुस 2:8

एने ओसो खोरलो देखायनो जुवे कि कुदू इनाक कोय सके, जिनासी दुष्मोन आमरेपोर काहनु गुणू लागाळने टेमे नि हरीण लाजवाय जाय.

इब्रानियो 13:4

वियाव आखामा आदरोन वात सोमजनु जुवे, वियाव-आथरून निरदोष रोये, काहाकि परमेश्वर व्यभिचार कोरणे वावान एने दिसरा बायरा साते ओसो कोरणे वावान नियाव कोरसे.