1 तीमथी 4:6 - बारेली पावरी

⁶ अगर तू इनू भाशो काजे सोमजाडतू रोयसे, ती मसिह येसुन वारलु दास बोनसे; एने भुरसू एने हेरा वारला प्रचारोन वातो पोर, जो मानतू आव रोयु, तारू देख भाव होयतो रोयसे.

1 तीमथी 4:6 ပူးပေါင်းရင်းမြစ်များ

मत्ती 13:52

येसु तीनु काजे कोयू, “इनान कोरता होर एक शास्त्री जू सोरगोन राजोन चेलू बोनलू छे, तिना घोरोन सारखू छे जू आपना भोंडारमा गोथू नोवली एने जुनली चीजे निकावतलु छे.”

लुका 1:3

इनान कोरता, हे माहाराज थियुफिलुस, मेसेक बी यो वारूत मालूम होयो कि इनी आखी वातोन आखी हाल आखान पेहेलेन खोरो-खोरो तोपास कोरीन, तीना काजे तारे जुगू आकळावारी लिखो.

प्रेषित 1:15

तीनु दाहळान पतरस भाशोन इचमा जे एकसोव वीस माणसोन लगभग होता, उभा रोयीण कोयने बाज गोयू,

प्रेषित 20:31

इनान कोरता जागता रोयू, एने फोम कोरु कि मे तीन साल तोक रात दाहळू आसवा वोयाळी-वोयाळीन होर एक जोना काजे जोताळीन कोयनो नी छुळ्यो.

प्रेषित 20:35

मे तुमुक आखो कोरीन देखाळ्यू कि इना रितीसी मेहनत कोरतो जायीन कोम ताकत वावा काजे सोमावनो एने प्रभू येसुन वचन फोम राखणेन जोरुरी छे, जो चू खुदुत कोयलु छे “लेणे सी आपनो सोयावा छे.”

रोमी 15:15

ते बी का-का फोम देवाळणे कोरीन तुमुक जुदो हिंमत कोरीन लिखलू छे यो तिना दयान वजेसी होयो जो परमेश्वर मेसे काजे आपलु छे.

1 कुरीन्थियो 4:17

इनान कोरता मे तीमथी काजे जू प्रभूमा मारू मोंगावू एने भुरसान लायक पुऱ्यु छे, तुमरेनचा मुकली रोयू. चू तुमुक येसु मसिहमा मारो जीवन फोम कोरावसे, जोसू कि मे होर जागा पोर होर एक मंडव्यामा प्रचार कोरतेलू छे.

2 कुरीन्थियो 11:23

काय चेत मसिहन सेवक छे. मे गांडान तोसु कोयो, मे तिंदरेसी बोढीन छे, जादा मेहनत कोरणेमा; घोळी-घोळी बोंदी होयनेमा; चाबका खाणेमा; घोळी-घोळी मोतोन सोंकोटमा.

2 कुरीन्थियो 3:6

जू आपनु काजे नोवला वायदान सेवक बोननेन लायक बी बोनाव्यू बुलनोन सेवोक नी बाकीन आत्मान, शब्द मारतलु छे एने आत्मा जीवाळतलु छे.

2 कुरीन्थियो 6:4

बाकीन होर एक वात परमेश्वरोन सेवक सारखो आपना वारला गुणे सामने लावे, घोना हिंमतसी, तोकलीतसी, गोरीबोमा, संकोटोमा.

इफिसीयो 6:21

तुखीकुस, जू मोंगावा भाश एने प्रभूमा विश्वासी सेवक छे, तुमुक आखा वाते देखाळसे कि तुमु बी मारी हालत सोमजसु कि मे कोसू रोयतलु.

फिलिप्पि 2:20

काहाकि मारेंचा ओसला स्वभावोन कुदू नी होय जू चुखला मोनोसी तुमरी चिंता कोरे.

फिलिप्पि 2:22

बाकीन तीना काजे ते तुमु पारखी एने जानी बी रोया कि जोसू पुऱ्यु बास साते कोरतेलू तोसोत वारली खोबरोन कोयनेमा मारे साते मेहनत कोरतेलु.

फिलिप्पि 3:16

इनान कोरता जा तोक आपनु पुगला छे, तिनान अनसारे चाले.

कुलुस्सि 2:19

एने तीना शिरोमणि काजे धोरीन नि मेलतला जीनासी आखा डील जुळायला एने पोट्टान लारे पालन पोषण लीन एने एखठो परमेश्वर भूनी बोळतो जातला.

कुलुस्सि 3:16

मसिहन वचन काजे आपना मोनोमा जादा बोसने देवू, पाका ग्यान साते दिसरा काजे सिकाळू एने जोताळू, एने तुमरा मोनोमा मोंग साते परमेश्वरोन कोरता भजन, एने धन्यवादन गीत एने आत्मिक गीत गावू.

कुलुस्सि 4:7

मोंगावा भाश एने भुरसान लायक सेवक, तुखीकुस; जु प्रभूमा मारू सहकारी छे, मारी आखी वाते तुमुक देखाळसे.

1 थिस्सलुनीकियो 3:2

एने आमु तीमथीस काजे जू मसिहन वारली खोबरमा आमरू भाश एने परमेश्वरोन सेवक छे इनान कोरता मूकल्यु कि चू तुमुक पाका कोरे एने तुमरु भुरसान बारामा तुमु काजे सोमजाडे.

1 तीमथी 1:10

व्यभिचारी, पुरुषगामियों, माणसो काजे वेचने वावू, एने इंदरे जागे खोरलु प्रचारोन आखा खिलाप वावान कोरता ठरावली छे.

1 तीमथी 4:16

तुमरी एने तुमरा प्रचारन तोपास कोर. इनू वातो पोर एक जागे रोय, काहाकि अगर ओसू कोरतू रोयीस ती तू तारा एने तारा सोमोवने वावान कोरता बी छुटकारान वोजा होयसे.

1 तीमथी 6:3

जर कुदू दिसरे भातीन प्रचार कोरतू होसे एने वारली वातोन आमरा प्रभू येसु मसिहन वातो काजे नी मानतू होसे, जो भोक्तीन अनसारे छे.

2 तीमथी 1:6

इनान वोजेसी मे तुसेक फोम देवाळो कि तू परमेश्वरोन इना वरदान काजे जे मारे हाते मेकनेन लारे तुसेक जोळला छे विजावो कोर दे.

2 तीमथी 3:10

बाकीन तू प्रचार, चाल चलन, मोर्जी, भुरसू, सहनशक्ती, मोंग, धीर, एने वेला पाळेने, एने दुख उठावनेमा मारू साथ देदलु;.

2 तीमथी 4:3

काहाकि ओसो टेम आवसे जेतार माणसे खोरलु प्रचार नि सहन कोर सोके, पुन कानटामा खुजलीन वोजेह आपनी लालचन कोरता आपनेन कोरता लोकेत प्रचारक हेरे लेसे.

तीतुस 2:1

बाकीन तू ओसला वाते कोया कोर, जे खोरला प्रचारोन लायक छे.

1 पतरस 2:2

नोवीन जन्मो लेदला पुऱ्यान तोसो चुखलो आत्मिक दुधोन मोर्जी कोरु, तेरेन कोरता तेरे लारे छुटकारू जोळनो जुवे कोरीन ओगोव जावू,

2 योहान 1:9

जो कुदू मसिहन भोननेमा ओगोव बोळ जातला छे, एने तिंदरेमा नि रोयतला, तिंदरे जुव परमेश्वर नि होय; जू कुदू हिंदरी प्रचारमा पाका रोयतला, तिंदरेजू बास बी छे एने पुऱ्यु बी.

यहुदा 1:5

बाकीन कोदापी तुमु आखा वाते एक कावार जान गोयला छे, ती भी मे तुमुक इनी वातोन फोम देवाळणे हिंडो कि प्रभू एक जात काजे मिसर देसोसी छुळावने बाद भुरसू नी मेकने वावा नाश कोर देदु.