1 तीमथी 3:16 - बारेली पावरी

¹⁶ इनुमा शंका नी होय कि भोक्तीन फरक गंभीर छे, मतलब होयो जे डीलोमा प्रगट होयलो, आत्मामा धोरमी ठेरायू, सोरग दूत काजे देखायतू दिसरा जातीमा हेरा प्रचार होयलू, जोगोमा हेरे पोर भुरसू कोरलु होतु, एने महिमामा उपर चुटायलु होतु.

1 तीमथी 3:16 ပူးပေါင်းရင်းမြစ်များ

मत्ती 1:23

“देख, एक कुवारी भारीस होयसे एने एक पुऱ्याक जन्मो आपसे, एने तेरो नाव इम्मानुएल मेकायसे,” जेरो मतलब छे-परमेश्वर आमरे पुठी से.

मत्ती 13:11

येसु जोवाब आप्यू, “तुमु काजे सोरगोन राजोमा भेदोन सोमोज आपाय गोयलो छे, बाकीन तीनु काजे नी.

मत्ती 28:2

एने देखू, एक मोटलो भुंकप होयो, काहाकि प्रभून एक दूत सोरगसी उतऱ्यु एने साते आवीन चू दोगळा काजे ढोबवाव देदु, एने तीना पोर बोस गोयू.

मत्ती 3:16

एने येसु बाप्तिस्मा लीन तेतारुत पाणीमा गोथू उपोर आव्यु, एने, तेरेन कोरीन सोरग खुल गोयो, एने चू परमेश्वरोन आत्मा काजे पेरवा सारखो उतेरलो एने आपने उपोर आवतेलो देख्यू.

मत्ती 4:11

तेत्यार भुतडू तेरे साते गोथू जात रोयू, एने देखू, सोरग दूत आवीन हेरी सेवा कोरणे बाज गोया.

मरकुस 1:13

बोयळामा चावीस दाहळा तोक भुतडू तेरी परीक्षा कोऱ्यु; एने चू बोयळा मायला जोनावर साते रोयू, एने सोरग दूत तेरी सेवा कोरता रोया.

मरकुस 16:19

प्रभू येसु तिंदरे साते वात कोरनेन ओवतेन सोरग पोर चुटाय गोयू, एने परमेश्वरोन जेवळे धोळे बोस गोयू.

मरकुस 16:5

मोळवाट्यामा माहाय जायीन चे एक जुवान काजे धोव्वा छिंदरा पेहरीन जेवळे धोळे बोसलू देख्या, एने घोन जुदा वाहराय गोया.

लुका 2:32

कि चू दिसरा जाती काजे विजावो आपनेन कोरता दिवू, एने तारा प्रेषितोन माणसे इस्राईलोन महिमा होये.”

लुका 20:44

दाऊद ते तिनाक प्रभू कोयतलु छे, “ती चु तीनाक पुऱ्या कोसू कोयसे?”

लुका 22:43

तेत्यार सोरगोमा गोथू एक दूत तीना काजे देखाय पोळ्यु चू तीनाक ताकत आपतू होतु.

लुका 24:4

जेतार चे इनी वातोसी शोंकामा होता ती देख्या, दुय माणसे चोमोकने वावा डोगला पेहेरीन तिंदरे साते आवीन उभा रोया.

लुका 24:51

एने तीनुक आशिष आपतू जाईन ओलोग होय गोयू एने सोरगोमा चुटाय गोयू.

योहान 1:14

एने वचन देहधारी होयो; एने दया एने खोरलायसी पुरो होईन आमरे इचमा वस्ती कोऱ्यु, एने आमु तेरी ओसी महिमा काजे देख्या, जोसो बासोन एखला जून महिमा.

योहान 13:3

येसु, यो जानीन कि बास आखो काहीन मारा हातोमा कोर देदलु छे एने मे परमेश्वरोनचा गोथू आव रोयू एने परमेश्वरोनचा जाम,

योहान 15:26

बाकीन जेतार चू मदतगार आवसे, जोसो मी तुमरे साते बासो जुव गोथो मुकलीस, बाकीन खोरलायीन आत्मा जो बासो जूव गोथो निकवतलो छे, ती चू मारी गोवायी आपसे;.

योहान 16:28

मे बासो जुव गोथू जोगोमा आवलु छे; मे पोछु जोगो काजे छुळीन बासोनचा जाम.

योहान 17:5

हिमी हे बासो, तू आपने साते मारी महिमा तिनी महिमासी कोर जो जोगोन कोवोन पेहेले, मारी तारे साते होती.”

योहान 20:12

दुय सोरग दूतो काजे धोव्वा छिंदरा पेहेरला एक काजे मुंडीशा एने दिसरा काजे पायता बोस रोयला देखी, जा येसुन धोळ मेकायलो होतो, चे तिनी काजे कोया, “हे बाय, तू काहा रोडे?” ची तीनु काजे कोयी, “चे मारा प्रभू काजे चूटली गोया एने मी नि जानती कि हिना काजे कां मेक रोया.”

योहान 6:62

कोदि तुमु माणसोन पुऱ्या काजे जा चू पेहेले होतु, चा उपोर जातलू देखसे, ती काय होयसे?

प्रेषित 1:19

इनी वातो काजे यरुशलेममा रोयने वावा जान गोया, न्या तोकून कि तीना खेतोन नाव तिंदरी भाषामा “हकलदमा” मतलब “लुयोन खेत पोड गोयो).”

प्रेषित 10:34

तेत्यार पतरस कोयू, “हिमी मेसेक पक्को मालूम होयो कि छाचलीन परमेश्वर कुदान भेदभाव नि कोरे.”

प्रेषित 14:27

चा पुगीण चे मंडवी काजे एखठा कोऱ्या एने जो काहीन परमेश्वर तिंदरे साते कोरलु होतु तीनाक कोयीन सोमवाळ्या एने यो बी कि काहना भातीन परमेश्वर दिसरा जातीन कोरता विस्वासोन झोपलु उगाळलो छे.

प्रेषित 20:28

इनान कोरता आपनी एने आखा टूवान तोपास कोरु जीनामा पवित्र आत्मा तुमुक पुढारी ठरावलु छे, कि तुमु परमेश्वरोन मंडव्यान राखवावी कोरे, जीनाक चू आपना लुयसी मुले लेदला छे.

रोमी 10:12

यहुदि एने युनानीमा काहनास भेदभाव नी होय, इनान कोरता कि चू आखान प्रभू छे एने आपना आखान नाव लेणे वावा सपन्न कोरे.

रोमी 10:18

बाकीन मे कोयो कि काय चे नी सोमव्या? सोमवे ती वारू छे; काहाकि लिखलो छे “तिंदरा आवाजे आखा धोरती पोर एने तिंदरो वचन जोगोन कुपरे तोक पुग गोयला छे.”

रोमी 16:25

हिमी जो तुमु काजे मारी वारली खोबर मतलब येसु मसिहन सोंदेसोन प्रचार अनसारे पाको कोरतू रोयतलु छे, तिना भेदोन विजावान अनसारे जो ओमोरकाईसी डूकाय रोयो,

रोमी 16:26

बाकीन हिमी देखायीन ओमोरकाई परमेश्वरोन आग्यासी भविष्य कोरणे वावान किताबोन लारे आखा जात्या काजे सोमवाळाय गोयो कि चे विश्वासी आग्या पावने वावा होय जाय,

रोमी 3:4

कोदि बी नी, बाकीन परमेश्वर खोरलू एने होर एक माणूस झुटू ठेरायसे, जोसो लिखलो छे “जीनासी तू आपनी वातोमा धोरमी ठेरावणे एने नियाव कोरनेन टेमे तुसेक जीत जोळे.”

रोमी 8:3

काहाकि जो काम नियम डीलोन वोजेसी कमजोर होयीन नि कोर सोकी, तीनुक परमेश्वर कोरलु छे, मतलब तेरात पुऱ्या काजे पापमय डीलोन सारखो, एने पापोन बलिदान होयनेन कोरता मूकल्यु, डीलोमा पापोन दोंडोन आग्या आप्यू.

रोमी 9:5

डाह-डाहा बी तिंदरा छे एने मसिह बी डीलोन रूपसी तीनुमा गोथू होयू जू आखान उपोर परम परमेश्वर पिढ्यान पिढ्या सोयावा होये. आमेन.

1 कुरीन्थियो 15:47

पेहेले माणूस धुवान होतु; दिसरू माणूस सोरगोन छे.

1 कुरीन्थियो 2:7

बाकीन आमु परमेश्वरोन चो डूकायला वावोत ग्यान, भेदन रिती पोर कोयतेला छे, जीनाक परमेश्वर कायम सी आमरी महिमान कोरता ठेराव्यू.

2 कुरीन्थियो 1:19

काहाकि परमेश्वरोन पुऱ्यु येसु मसिह जेरो आमरे लारे मतलब मारा एने सिलवानुस एने तीमथीन लारे तुमरे इचमा प्रचार होयू, हिनामा “हाव” एने “नी” दुयू नी होता, बाकीन हिनामा “होव कि होव होय.”

गलातियों 2:8

काहाकि जू पतरस काजे सुंता होयला माणसोमा प्रेषितोन काम मोटा ताकत साते कोराव्या, चू मेसेक बी दिसरी जातीन माणसोमा ताकत काम कोराव्यू.

गलातियों 4:4

बाकीन जेतार टेम पुरी होय गोयी ती परमेश्वर आपना पुऱ्या काजे मूकल्यु जू बायरा गोथू जन्मो लेदू एने नियम शास्त्रान तेरे हातोन बोनलु छे.

इफिसीयो 1:9

काहाकि चू आपना मोर्जीन भेद तिना वारला विचार एरे अनसारे आमु काजे देखाळ्यू जीनासी चू आपना खुदोमा विचार कोऱ्यु.

इफिसीयो 6:19

एने मारेन कोरता बी मेसेक बुलनेन टेम ओसला प्रबळ वचन आपाय जाय कि साहसोन साथ वारली खोबरोन भेद देखाळ सोकू.

कुलुस्सि 1:23

अगर तुमु भुरसान पाया पोर पाका उबरोय रोये एने तीना वारली खोबरोन आस काजे जिनाक तुमु सोमवला छे मा छुळू, जिनान वारली खोबर सोरगोन नेळो आखो जोगोमा कोराय गोयो एने जेरू मे पौलुस सेवक बोन्यू.

कुलुस्सि 1:27

जीनु पोर परमेश्वर प्रकट कोरणेन कोऱ्यु तीनुक ग्यान जोळे कि दिसरा जातीमा तीना भेदोकाजे महिमान किमोत काय छे, एने चू जो छे कि मसिह जू महिमान आस छे तुमरेमा रोयतलु छे.

कुलुस्सि 1:6

जो तुमरेनचा पुगलो छे एने जोसो जोगोमा बी फोव लावे एने बोढतो जातलो छे, तोसोत जिने दाहळे गोथो तुमु तीनाक सोमव्या एने खोरायसी परमेश्वरोन दया उवखी लेदा तुमरेमा बी ओसोत कोरतेला छे.

कुलुस्सि 2:2

काहाकि तिंदरे मोनोमा शांती जोळे एने चे मोंगसी आपसामा जुळायीन रोये एने चो पुरा समाजोन आखो धोन ली लेये एने परमेश्वर बासोन भेद काजे, मतलब येसु मसिह काजे उवखी लेये.

2 थिस्सलुनीकियो 1:10

यो तिने दाहळे होयसे, तेत्यार चू तेरा चुखला माणसोमा महिमा देखणे एने आखा भुरसू कोरणे वावामा नोवलायन वजेसी होयने कोरीन आवसे; काहाकि तुमु आमरी गोवायी पोर भुरसू कोऱ्या.

2 थिस्सलुनीकियो 2:7

काहाकि अधोरमोन भेद हिमी बी काम कोरे, बाकीन हिमी बी रुकने वावु छे, एने जेतार तोक चू नांबे नि होय जाय चू रुक रोयसे.

1 तीमथी 3:9

बाकीन भुरसान भेद काजे चुखलो विचारसी सोमावीन राखे.

इब्रानियो 1:3

चू तेरी महिमान विजावो एने परमेश्वरोन रुपोन प्रतिरूप छे, एने आखा चीजो काजे हेरो ताकतोन वचनोन लारे सोमावतेलु छे, चू पापो काजे धुवीन उचला जागा पोर महामहीमोन जेवळे धोळे बोस रोयू.

इब्रानियो 12:2

एने भुरसान कोरता एने पुरो कोरणे वावा येसु भूनी तुमरी नोजोर लागाळ रोयू, जू तिना खुशीन कोरता जो तेरे ओगोव मेकलो होतो लाजवायनेन चिंता नी कोरीन ख्रुसोन दुख झेल्यू, एने परमेश्वरोन सिहासनोन जेवळे धोळे जायीन बोश्यू.

इब्रानियो 7:7

इनामा शंका नी होय कि नानलु मोटलासी आशिष लेतलु,

इब्रानियो 8:1

हिमी जी वाते आमु कोय देदला छे, तीनामा खास वात यी छे कि आमरू ओसलु महायाजक छे, जू सोरगोमा परम सोयावान सिहासनोन जेवळे धोळे जायीन बोठलु छे.

1 पतरस 1:12

तीनु पोर जो प्रकट होये कि चू आपनी नि पुन तारी सेवान कोरता जी वात कोया कोरतू होतु, जिनान खोबर हिमी तुमु काजे तिंदरे लारे जोळलो जे पवित्र आत्मान लारे जू सोरगोम गोथू मुकेल्ला छे, तुमुक वारली खोबर कोयलु; एने इनी वातोन काजे सोरग दूत भी मोन लागाळीन देखनेन मोर्जी राखताला छे.

1 पतरस 1:20

तेरो ग्यान ते जोगोन घोडनेन पेहेलेसी जान लेदलु होतु, पुन हिमी आखरी युगमा तुमरेन कोरता प्रकट होयलू.

1 पतरस 1:21

तेरे लारे तुमु तिना परमेश्वर पोर भुरसू कोरतेला छे, जीनाक मोरलामा गोथो जीवाळ्यो एने महिमा आप्यू कि तुमरु भुरसू एने आस परमेश्वर पोर होयसे.

1 पतरस 3:18

एरेन कोरता मसिह भी, मतलब अधोरमीन कोरता धोरमी, पापोन वजेसी एक कावा दुख झेललु तेत्यार आमु काजे परमेश्वरोनचा पुगाळे, चू डीलोन भाव से ती माराव देदा, बाकीन आत्मान भावमा जीवतु होय जासे.

1 पतरस 3:22

चू सोरग पोर जाईन परमेश्वरोन जेवळे धोळे बोठ गोयू; एने सोरग दूत एने अधिकारी एने ताकत वावा तेरे अधीन कोराय गोयला छे.

1 योहान 1:2

यो जीवन प्रगट होयो, एने आमु तीनाक देख्या एने तेरी गोवायी आपतला, एने तुमुक तिना ओमोर जीवनोन वारली खोबर आपतला जू बासो साते होतो एने आमरेपोर प्रगट होयू.

1 योहान 3:5

तुमु जानतला छे कि चू इनान कोरता प्रगट होयू कि पापो काजे हारवी देय; एने तेरा स्वभाव पाप नि होय.

1 योहान 3:8

जू कुदू पाप कोरतेलु छे चू भुतडा जुव गोथो छे काहाकि भुतडू सुरुसी पाप कोरतू आवलु छे, परमेश्वरोन पुऱ्यु इनान कोरता प्रगट होयू कि भुतडान कामोन नाश कोरु.

प्रकाशित वाक्य 17:5

तेरा माथा पोर यो नाव लिखलो होतो, “भेद-मोटला बाबेलोन कोवीन वेश्यान एने भुंडला चीजोन आया.”

प्रकाशित वाक्य 17:7

तेत्यार चू सोरग दूत मेसे काजे कोयू, “तू काहा वाहाराय रोयु? मे तिनी बायर एने तिनी जोनावरोन, जीना पोर ची बोस रोय होती एने जेरा सात मुंडका एने दोस सिंगडा छे तुसेक भेद देखाळो.

प्रकाशित वाक्य 7:9

येरेन ओवतेन मे नोजोर नाख्यू कि, एने देख्यू, हर एक जाती एने कुल एने माणसे एने भाषामा गोथो एक ओसी मोटली गोरदी, जीनाक कुदू गिन नी सोकतो होतो, धोव्वा छिंदरा पेहेरला एने आपना हातोमा खोजुरोन डाव्या लीन सिहासनोन ओगोव एने गाडरान ओगोव उबरोयली छे,