1 तीमथी 3:15 - बारेली पावरी

¹⁵ कि अगर मारो आवनेमा टेम होय जाय ती तू जान ले कि परमेश्वरोन मंदीरमा जू जीवतला परमेश्वरोन मंडवी छे, एने जो खोरलान खांबु एने पाये छे कोसू रोयनो जुवे.

1 तीमथी 3:15 ပူးပေါင်းရင်းမြစ်များ

मत्ती 16:16

शिमोन पतरस जोवाब आप्यू, “तू जीवतला परमेश्वरोन पुऱ्यु मसिह छे.”

मत्ती 18:18

“मे तुमु काजे छाचलीन कोयो, जो काहीन तुमु धोरती पोर बांधसु, चू सोरगोमा बांधसे एने जो काय तुमु धोरती पोर उगाळसु, चो सोरगोमा उगळसे.

योहान 1:17

इनान कोरता कि नियम शास्त्र ते मुसान लारे आपायलो छे, बाकीन मोंग एने खोरलो येसु मसिहन लारे पूगी.

योहान 14:6

येसु तीनु काजे कोयू, “वाट एने खोरलु एने जीवन मेत छे; बिना मारे विगुर कुदू बासोनचा नि पुग सोकतलु.

योहान 18:37

पिलात तीना काजे कोयू, “तू काय राजा छे?” येसु जोवाब आप्यू, “तू कोये कि मी राजा छे मे इनान कोरता पोयदा होयू एने इनान कोरता जोगोमा आव रोयू कि खोरलायीन गोवायी आपो जो कुदू खोरलायीन छे, चू मारू बुल सोमवतलु छे.”

योहान 6:69

एने आमु भुरसू कोऱ्या एने जानी लेदा कि परमेश्वरोन चुखलो जोणु तुत छे.”

प्रेषित 1:2

तिने दाहळे तोक जेतार चू तीनु सेवक काजे जीनुक चू नेवाळलु होतु पवित्र आत्मान लारे आग्या

प्रेषित 14:15

“हे भाशो यो आखो काय कोरणे बाज रोया? आमु बी ते तुमरे सारखा माणसे छे; एने तुमुक इना रितीसी वारली खोबर कोयजे कि, तुमु इना वायबार चीजोन कामे छुळीन जीवतला परमेश्वर भूनी फिरू जू सोरग धोरती एने दोरीया एने जो काय तेरेमा छे आखाक बोनाव्यू.”

रोमी 3:2

होर एक भातीन घोनो काय. पेहेले यो कि परमेश्वरोन वचन तीनु काजे आप देदा.

रोमी 9:26

एने ओसो होयसे कि जिना जागा पोर तीनु काजे यो कोयो होतो कि तुमु मारी प्रजा नी होय तिनी जागे चे जीवतला परमेश्वरोन पुऱ्या कोवायसे,

1 कुरीन्थियो 10:32

तुमु नी यहुदि, नी युनानी एने नी परमेश्वरोन मंडव्या कोरता ठूकरोन वोजा बोने.

1 कुरीन्थियो 3:16

काय तुमु नी जानता कि तुमु परमेश्वरोन मंदीर छे, एने परमेश्वरोन आत्मा तुमरेमा रोयतलु छे?

2 कुरीन्थियो 3:3

यो प्रगट छे कि तुमु मसिहन चिट्ठी छे, जीना काजे आमु सेवकोन सारखो लिख्या एने चो शाईसी नी बाकीन जीवतला परमेश्वरोन आत्मासी दोगळान पाटीपोर नी बाकीन मोनोन माणसोन रुपोन पाटीपोर लिखला छे.

2 कुरीन्थियो 6:16

एने मुर्त्यान साते परमेश्वरोन मंदीरोन काय रीसतो? काहाकि आमु ते जीवतला परमेश्वरोन मंदीर छे; जोसू परमेश्वर कोयलु छे, “मे तिंदरेमा बोसीस एने तिंदरेमा चाल्या फिऱ्या कोरिस; एने मे हेरु परमेश्वर होयीस, एने चे मारा माणसे होयसे.”

2 कुरीन्थियो 6:7

खोरला मोंगसी, खोरला वचन सी, परमेश्वरोन ताकतसी, धारमिकतान हत्यारसी जे जेवळे-डाखरे हातोमा छे.

गलातियों 2:9

एने जेतार चे इना दयासी जो मेसेक जोळलो होतो, सोमजी गोयू, ती याकुब एने कैफा, एने योहान जे मंडवीन खांबा सोमजता होता, मेसेक एने बरनाबास काजे संगतीन जेवळ्या हात मेवाळयु कि आमु दिसरा जातीन माणसोमा जाय, एने चे सुंता कोरलानचा;

गलातियों 3:1

हे बिनादिमाकोण गलातिन माणसे, कून तुमु काजे मोनवी रोयू? तुमरो ते जोसो तुमरा डूवान सामने येसु मसिह ख्रुस पोर देखाळ छे.

इफिसीयो 4:21

बाकीन छाचलीन तुमु तेरो सोमव्या एने जोसो येसुमा खोरलो छे, तीनामा सिकाळला बी छे.

कुलुस्सि 1:5

तिनी आस कोरली चीजोन वजेसी जो तुमरेन कोरता सोरगोमा मेकली छे, जेरा बारामा तुमु तीना वारली खोबरोन खोरलो वचन काजे सोमवी लेदला छे.

1 थिस्सलुनीकियो 1:9

काहाकि चे खुद आमरा बारामा कोयतेला कि तुमरेनचा आमरो आवनो कोसो होयो; तुमु कोसा मूर्तीनचा गोथा परमेश्वर भूनी फिऱ्या काहाकि जीवतला एने खोरला परमेश्वरोन सेवा कोर.

1 तीमथी 3:14

मे तारे पास छाटू आवनेन आस कोरतेलू पुन यी वात हेरने कोरता लिखलू छे.

1 तीमथी 3:16

इनुमा शंका नी होय कि भोक्तीन फरक गंभीर छे, मतलब होयो जे डीलोमा प्रगट होयलो, आत्मामा धोरमी ठेरायू, सोरग दूत काजे देखायतू दिसरा जातीमा हेरा प्रचार होयलू, जोगोमा हेरे पोर भुरसू कोरलु होतु, एने महिमामा उपर चुटायलु होतु.

1 तीमथी 3:2

यो महत्वान छे कि पुढारी निरदोष होय, एने एकुत बायरोन आदमी, धीर धोरन्यू, घाटावू, वारलु पाहांतराय कोरने वावू, एने सिकाळनेमा हुशार होसे,

1 तीमथी 3:5

जो कुदू आपना घोरोन वारू राखवावी कोरनेन नी जानतू होय, ती परमेश्वरोन मंडवीन राखवावी कोसू कोरसे?

1 तीमथी 4:10

काहाकि आमु मेहनत एने कोशिश एरेन कोरता कोरतेला छे कि आमरी आस हीना जीवतला परमेश्वर पर छे, जू आखो माणसोन एने खास विस्वास्यान छुटकारू आपने वावु छे.

1 तीमथी 6:16

एने ओमोरकाई निसतो तेरो छे एने चू लेके विजावामा रोयतलु छे, एने नि तीनाक काहनलु माणूस नि देख्यू एने नी कोदि देख सके, हेरी महिमा एने राज्य हमेशा रोयसे. आमेन.

2 तीमथी 2:19

ते बी परमेश्वरोन पाकु पायु बोनतलु रोयतलु एने तीना पोर छापू लागलु रोयतलु “प्रभू आपनु काजे उवखतलु एने जो कुदू प्रभून नाव लेतलु चू अधोरमोन सी वाचीन रोये.”

2 तीमथी 2:20

मोटला घोरमा नी निसतो सोनो चांदी पुन लाकळान एने धुवान ठाहरा भी रोयतला, काहना-काहना कामोन, एने काहना-काहना बिना कामोन कोरता.

इब्रानियो 10:21

एने जेतार कि आपना एक ओसलु महान पुजारू छे जू परमेश्वरोन घोरोन अधिकारी छे.

इब्रानियो 12:22

बाकीन तुमरे साते सियोन बोयळानचा जीवतला परमेश्वरोन सोहोर सोरगोन यरुशलेमोन धोळे एने लाखो सोरोग दूत लिखलो छे एने आखान नियाव कोरन्यू परमेश्वर एने तीयार कोरला धोरमीन आत्मान ओगोव.

इब्रानियो 3:12

हे भाशो हुशारीमा रोयू कि तुमरेमा असलो भुंडलो एने अविस्वासीन मोन नि जुवे जो तुमु काजे जीवतला परमेश्वर सी नांबे लीन जात रोये.

इब्रानियो 9:14

ती मसिहन लुय जू आपना खुदो काजे हमेशान आत्मान लारे परमेश्वरोन सामने निरदोष चोळाव गोयू तुमरा मोनो काजे ओवी बी जादा काहा नी चुखो कोरे तुमु जीवतला परमेश्वरोन सेवा कोरु.

1 पतरस 2:5

तुमु बी जीवतलु दोगळान तोसो आत्मिक घोर बानावतला छे, जेरेन कोरता पुजारान चुखला सोमाज बोनीन, ओसो आत्मिक बलिदान चोळावू जू येसु मसिहन परमेश्वर काजे मान्यो छे.

1 पतरस 4:17

काहाकि टेम आव लागली छे, कि परमेश्वरोन घोरोमा गोथो सुरवात छे, आखरी नियावोन सुरवात आमरे गोथो होयसे ती तिंदरू काय पोरीनाम होयसे जे परमेश्वरोन वारली खोबरोक नि मानतेला?

प्रकाशित वाक्य 7:2

पोछु मे एक एने सोरग दूत काजे जू जीवतला परमेश्वरोन छापा लीन पूर्व भूनी गोथू उपोर आवतेलु देख्यू; चू तीनु चार सोरग दुतोसी जीनुक कोवी एने दरियान नुकसान कोरणे कोरीन होक आपाय गोयलो होतो, मोटला बुलोसी आयळीन कोयू,