1 तीमथी 2:8 - बारेली पावरी

⁸ हेरेन कोरता मारी मोर्जी छे कि आखे जागे माणूस, बिना रीस एने झोगळान चुखला हातो काजे उचा कोरीन प्रार्थना कोऱ्या कोरे.

1 तीमथी 2:8 ပူးပေါင်းရင်းမြစ်များ

मत्ती 21:21

येसु तीनु काजे जोवाब आप्यू, “मे तुमु काजे छाचलीन कोयो कि अगर तुमु भुरसू राखे एने शंका नी कोरे, ती नी नीसतो ये कोरसू, जू इना गुलरोन झाड साते होयलो छे, बाकीन ओगर इना बोयळा काजे बी कोयसे, ‘उखवीन जा एने दोरीयामा जायीन पोळ ती यो होय जासे,

मत्ती 5:44

बाकीन मे तुमु काजे यो कोय कि आपना दुष्मोन पोर मोंग कोरजू एने आपनुक तोकलीत आपनेवावान कोरता प्रार्थना कोरु,

मत्ती 6:12

एने जिना रितीसी आमु आमरा गुणावावा काजे माफ कोरला छे, तोसुत तू बी आमरा गुणा काजे माफ कोर.

लुका 23:34

तेत्यार येसु कोयू, “हे बासो, इनुक माफ कोर, काहाकि जे जानता नि कि काय कोर रोया,” एने चे चिठ्या नाखीन तेरा छिंदरा वाट लेदा.

लुका 24:50

तेत्यार चू तीनुक बैतनिय्याह तोक बारथे ली आव्यु, एने आपनु हात उचा कोरीन तीनु काजे आशिष आप्यू;

योहान 4:21

येसु तिनी काजे कोयू, “हे पूराय, मारा वातोन भुरसू कोर कि टेम आव रोयी कि तुमु नि ते इना बोयळा पोर बासोन आराधना कोरसू, नि ती यरुशलेममा.”

प्रेषित 10:2

चू भक्त होतु, एने आपना आखा घोरल्या पुठी परमेश्वरोक बिह्तु होतु, एने यहुदि माणसो काजे घोनो दान आपतू होतु, एने बारबार परमेश्वरोन प्रार्थना कोरतू होतु.

प्रेषित 10:31

एने कोयने बाज गोयू, “हे कुरनेलियुस, तारी प्रार्थना सोमवाय गोयली छे एने तारो दान परमेश्वरोन सामने फोम कोराय गोयलो छे.”

प्रेषित 10:4

चू तीनाक ध्यानसी देख्यू एने बिहीन कोयू, “हे प्रभू काय छे?” चू तीनाक कोयू “तारी प्रार्थना एने तारू दान फोम कोरीन परमेश्वरोन ओगोव पुगलो छे.”

प्रेषित 21:5

जेतार चे दाहळा पुरा होय गोया ती आमु चा गोथा चाल पोळ्या; एने आखा बायरा एने पुऱ्या साते आमु काजे देसोन बारथे तोक पुगाळ्या; एने आमु काठे मांडा टेकिन प्रार्थना कोऱ्या.

प्रेषित 7:60

एने मांडा टेकविन उचात बुलोमा आयळू, “हे प्रभू यो पाप इंदरे पोर झुन लागाळे एने यो कोयीन चू मोर गोयू.”

1 कुरीन्थियो 1:2

परमेश्वरोन तिना मंडव्यान नावे यो कुरिन्थमा छे, मतलब तिंदरा नावे ये मसिह येसुमा पवित्र कोराय गोया, एने पवित्र होयनेन कोरता बुलवाय गोयलो छे; एने हिंदरा आखान नाव बी जे होर एक जागे आमरा एने प्रभू येसु मसिहन नावोसी प्रार्थना कोरतेला छे.

1 कुरीन्थियो 7:7

मेसेक यो जुवे कि जोसू मे छे, तोसाच आखा माणसे रोये; बाकीन होर एक काजे परमेश्वरोनचा गोथो खास वरदान जोळला छे; काहना काजे कानला रितीन, एने कानला काजे काहना एने रितीन.

2 कुरीन्थियो 2:14

बाकीन परमेश्वरोन धन्यवाद होये जू मसिहमा आमु काजे तीहीवारोमा खुशी लीन फिरतलु छे एने, आपना ग्यानोन गोंद आमरे लारे आखे जागे फैलतलु.

फिलिप्पि 1:12

हे भाशो, मारी मोर्जी छे कि तुमु यो सोमजी लेवू कि मारे पोर जो वितलो छे, तीनासी वारली खोबरोन बोढती होयली छे.

1 थिस्सलुनीकियो 1:8

काहाकि तुमरेनचा गोथा जी मकीदुनीया एने अखायामा प्रभून वचन सोमवाळ्या बाकीन तुमरा भुरसान जो परमेश्वर पोर छे, हर जागे ओसी वात पोसरी गोयली कि आमुक कोयनेन जोरुरत नि होय.

1 तीमथी 5:14

हेरेन कोरता मे चाहो कि जुवान रोंडायला, वियाव कोरे एने पुऱ्या पोयदा कोरे एने घोर-बार सोमावे दुसरा दुष्मोन काजे बदनाम कोरनेन टेममा आपु.

तीतुस 3:8

जी वात खोरली छे, एने मेसेक लागे कि, तू इनी बारामा नि बिहता बुले इनान कोरता कि जे परमेश्वर पोर भुरसू कोरला छे चे वारला-वारला कामोमा एने माणसोन फायदान होयो.

इब्रानियो 10:22

ती आवू आपु खोरला मोनोसी एने पुरा भुरसू साते एने विचारो काजे छेटा कोरणेन मोनोपोर पोर तेळा लीन, एने डीलो काजे चुखला पाणीसी धुवीन परमेश्वर साते आवू.

याकुब 4:8

परमेश्वरोनचा आवू ती चुबी तुमरे साते आवसे, हे पापी माणसो, आपना हाते चुखा कोरु; एने हे दुयो मोनोन माणसे आपना मोन काजे चुखा कोरु.

1 पतरस 3:7

तोसोत हे ओदमी, तुमु भी बुद्धिमान बायर साते जीवन जोग्या कोरु, एने बायरोन कोमजुरी जानीन तिंदरू आदर कोरु, जो सोमजीन कि आमु दुयू जीवनोन वरदानोन वरीस छे, इनासी तुमरी प्रार्थना थामे नि.