1 तीमथी 2:6 - बारेली पावरी

⁶ जू खुदो काजे आखान छुटकारान दामोमा आप देदू, एने हेरी गोवायी ठीक टेमो पोर आपाय गोयी.

1 तीमथी 2:6 ပူးပေါင်းရင်းမြစ်များ

मत्ती 20:28

जोसो कि माणसोन पुऱ्यु चू इनान कोरता नि आव्यु कि तेरी सेवा कोरणे नि बाकीन सेवा कोरणे एने घोना सोवटा काजे छुटकारान कोरता आपनु जीव अरपण कोरे.

मरकुस 1:15

एने कोयू, “टेम पुरी होय गोयली छे, एने परमेश्वरोन राज साते आव गोयलो छे; मोन फिरावू एने वारली खोबर पोर भुरसू कोरू.”

मरकुस 10:45

काहाकि माणसोन पुऱ्यु इनान कोरता नि आव्यु कि तेरी सेवा चाकरी कोरावने, बाकीन इनान कोरता आव्यु कि खुद सेवा कोरे, एने घोणा सोवटा काजे छुळावनेन कोरता तेरु जीव आपने.”

योहान 10:15

जोसू बास मेसेक जानतलु छे एने मे बी बास काजे जाणलु-छे एने मे गाडरान कोरता मारू जीव आपतलु छे.

योहान 6:51

जीवनोन रुटू जो सोरगे गोथो उतऱ्यु, मी छे कोबी कुदू इना रुटाम गोथू खाय, ती कायम जीवतलु रोयसे; एने यु रुटू मे जोगोन जीवनोन कोरता आपीस, चो मारो मास छे.”

रोमी 16:26

बाकीन हिमी देखायीन ओमोरकाई परमेश्वरोन आग्यासी भविष्य कोरणे वावान किताबोन लारे आखा जात्या काजे सोमवाळाय गोयो कि चे विश्वासी आग्या पावने वावा होय जाय,

रोमी 5:6

काहाकि जेतार आमु कोमजुर होता ती येसु मसिह सही टेम पोर धोरमीन कोरता मोर गोयू.

1 कुरीन्थियो 1:6

कि मसिहन गोवायी तुमरेमा पाकी निकवी.

2 कुरीन्थियो 5:21

जू जीनाक पाप मालूम नि होतो, चू आपनेन कोरता पाप गीनायो कि आपु तिनामा रोयीण परमेश्वरोन धारमिकता बोन जाय.

गलातियों 1:4

चू खुदो काजे आपना पापोन कोरता आप देदू, काहाकि आपनु परमेश्वर एने बासोन मोर्जीन अनसारे आपुक इनी भुंडला संसारसी छुळावे.

गलातियों 4:4

बाकीन जेतार टेम पुरी होय गोयी ती परमेश्वर आपना पुऱ्या काजे मूकल्यु जू बायरा गोथू जन्मो लेदू एने नियम शास्त्रान तेरे हातोन बोनलु छे.

इफिसीयो 1:17

कि आमरा प्रभू येसु मसिहन परमेश्वर जू महिमान बास छे तुमु काजे आपनी उवखमा ग्यान एने विजावान आत्मा आपे.

इफिसीयो 1:7

आमु ते तिनान लुयोन लारे छुटकारू मतलब पापोन माफी एने परमेश्वरोन दयान धोनोन अनसारे जोळतो कि.

इफिसीयो 3:5

जो ओलोग टेमे माणसोन पुऱ्या काजे ओसो नी देखाळलो होतो जोसो कि आत्मान लारे हिमी तेरा चुखला प्रेषितोन एने भविष्य कोरता पोर प्रगट कोराय गोयो.

इफिसीयो 5:2

एने मोंगोमा चालू जोसू मसिह तुमरे पोर मोंग कोरलु, एने आमरेन कोरता खुदो काजे सुख आपने वावो सुगंधोन कोरता परमेश्वरोन ओगोव भेट चोळावीन बलिदान कोर देदू.

2 थिस्सलुनीकियो 1:10

यो तिने दाहळे होयसे, तेत्यार चू तेरा चुखला माणसोमा महिमा देखणे एने आखा भुरसू कोरणे वावामा नोवलायन वजेसी होयने कोरीन आवसे; काहाकि तुमु आमरी गोवायी पोर भुरसू कोऱ्या.

1 तीमथी 6:15

जीनाक चू वारले टेमो पोर देखाळसे, जू सोयावू एने एखला अधिपती एने राजान राजा एने प्रभून प्रभू छे.

2 तीमथी 1:8

इनान कोरता आत्मा प्रभून गोवायी सी एने माही सी जू तेरु बंदी छे लज्जीत नी होये बाकीन इना परमेश्वरोन ताकतोन ओनसारे वारली खोबरोन कोरता मारे पुठी दुख वेठ्या.

तीतुस 1:3

बाकीन सही टेमो पर तेरा वचन काजे तिना प्रचारन लारे प्रगट कोऱ्यु, जू आमरू छुटकारू आपनेवावा परमेश्वरोन आग्यान अनसारे मेसेक सोपायलो छे.

तीतुस 2:14

जू खुद काजे आमरेन कोरता आप देदू कि आमु होर एक भातीन पापोमा गोथू छुळाव लेय एने चुखा कोरीन आपनेन कोरता एक ओसी जात बोनाव लेये जे वारला-वारला कामोमा तीयार जुवे.

इब्रानियो 9:12

एने बुकळान एने केवळान लुयोन लारे नी बाकीन खुद आपना लुयोन लारे हमेशान कोरता एकुत कावा चुखला जागामा भोराइन ओमोर छुटकारू ली लेदू.

1 पतरस 2:24

चू खुद आपना पापो काजे, आपनी डील पोर लीन ख्रुस पोर चोळ गोयू, जेरेसी आमु पापोन कोरता मोरीन धारमिकतान कोरता जीवन जीवसु, तेरे मार खाणेसी तुमु वारला होया.

1 पतरस 3:18

एरेन कोरता मसिह भी, मतलब अधोरमीन कोरता धोरमी, पापोन वजेसी एक कावा दुख झेललु तेत्यार आमु काजे परमेश्वरोनचा पुगाळे, चू डीलोन भाव से ती माराव देदा, बाकीन आत्मान भावमा जीवतु होय जासे.

1 योहान 4:10

मोंग इनामा नि कि आमु परमेश्वर पोर मोंग कोऱ्या, बाकीन इनाम छे कि चू आमरेपोर मोंग कोऱ्यु एने आमरा पापोन पश्चातापन कोरता हेरा पुऱ्या काजे मूकल्यु.

प्रकाशित वाक्य 1:5

एने येसु मसिह जुव गोथो जू भुरसान योग्य गोवा एने मोरलामा गोथू जीव उठने वावामा पेहेलुत एने धोरतीन राजान हाकिम छे, तुमुक अनुग्रह एने शांती जोळती रोये. चू आमरे पुठी मोंग कोरतेलू, एने चू आपना लुयोन लारे पापोसी छुळावतलो छे,

प्रकाशित वाक्य 5:9

चे यो नोवलो गीत गावणे बाज गोया, “तू इना किताब काजे लेणे, एने तेरा छापा काजे उगाळनेन लायक छे; काहाकि तू जीव आपीन तारा लुयसी होर एक जाती एने भाषान एने माणसे एने जात्यामा गोथू परमेश्वरोन कोरता माणसो काजे मुले ली लेदलु छे,