1 तीमथी 1:17 - बारेली पावरी

¹⁷ हिमी कायमोन राजा मतलब अविनाशी, नी देखतला चे, एक मात्र परमेश्वरोन आदर एने महिमा पिढ्यान पिढ्या होयती रोये. आमेन.

1 तीमथी 1:17 ပူးပေါင်းရင်းမြစ်များ

मत्ती 25:34

तेत्यार राजा तेरे जेवळे धोळे वावा काजे कोयसे, “हे मारा बासोन सोयावा माणसे आवू इना राजोन अधिकारी बोन जावू, जो जोगोन पेहेले गोथो तुमरेन कोरता तियार कोरलु छे.”

मत्ती 28:20

एने चे आखा वाते जो मे तुमु काजे आग्या आपलु छे, मानने सिकाळ एने देखू, मे जोगोन आखरी तोक कायम तुमरे साते छे.”

मत्ती 6:13

एने आमु काजे परीक्षामा मा लावे, बाकीन बुराईसी वाचाड; काहाकि राज एने पराक्रम एने महिमा हमेशा तारीत छे’ आमेन.”

योहान 1:18

परमेश्वर काजे कुदुबी कबी नि देख्यो, एखलुत पुऱ्यु जू बासोन खुवामा छे चू तीनाक सामने लाव्यू.

योहान 5:44

तुमु जो एक दिसरासी मान जुवे ती एने चो आदर जो एक मात्र परमेश्वर जू गोथो छे, नि जुवतलो, कहानला रितीसी भुरसू कोर सोकतला छे?

रोमी 1:20

तेरो नी देखलो गुणू मतलब तेरी ओमोरकाईन ताकत एने परमेश्वरोन, जोग काजे बोनावनेन टेमे गोथो तेरे कामोन लारे देखणेमा आवतेलो छे न्या तोक कि चे रिकामो छे.

रोमी 1:23

एने अविनाशी, नी नाश होयने वावा परमेश्वरोन महिमा काजे नाश होयने वावू माणसोन एने चार पायोन जोनावर, चिल्ला एने घीसळायने वावा जंतून रुपकाजे सोमानतामा बोदल देदा.

रोमी 11:36

काहाकि तिनानचा गोथो, एने तिनान लारे, एने तिनान कोरता आखो काहीन छे तेरी महिमा कायम होयती रोयसे. आमेन.

रोमी 16:27

तिना एक एखलु बुद्धिमान परमेश्वरोन येसु मसिहन लारे कायम महिमा होयतो रोये, आमेन.

रोमी 2:10

बाकीन महिमा एने आदर एने कल्याण होर एक काजे जोळसे जे वारलो कोरतेला छे, पेहेले यहुदा काजे ओवतेन युनानी काजे.

रोमी 2:7

जू वारला कामोन एकुत जागे उबो रोयीण, महिमा एने, आदर, एने ओमोर हेरेमा छे तीनुक चू ओमोर जीवन आपसे;

कुलुस्सि 1:15

चू ते नि देखाये ओसलु परमेश्वरोन प्रतिरूप एने आखा जोगोमा पेहेलू छे.

इब्रानियो 11:27

भुरसासी चू राजान रीससी नी बिह्तु जायीन मिसर देस काजे छुळ देदु, काहाकि चू नी देखला काजे जोसो देखला सारकू पाकु बोनीन रोयू.

इब्रानियो 2:7

तू तीना सोरोग दूतो सी थुलोक कोम कोऱ्यु; तू तीना पोर महिमा एने आदरोन मुकुट मेक्यू, एने आपना हातोन कामो पोर होक आपलु छे.

1 पतरस 5:11

तेरो राज कायम रोये. आमेन.

2 पतरस 3:18

बाकीन आमरा प्रभू एने छुटकारू आपने वावु येसु मसिहन दयामा बोढता जावू, तिनान महिमा हिमी बी छे एने कायम होयती रोयसे. आमेन.

1 योहान 4:12

बाकीन परमेश्वर काजे, कोबी कुदू नि देख्यो अगर आमु आपनेन इचमा मोंग कोरती, ती परमेश्वर आपनेमा रोयतलु एने तेरो मोंग आमरेमा सिद्ध होय गोयलो छे.

यहुदा 1:25

तिना एकुत परमेश्वर आमरू छुटकारू कोरणे वावान महिमा एने गौरव एने पराक्रम एने होक, आमरू प्रभू येसु मसिहन लारे जोसो संसारोन पेहेले गोथो छे, हिमी बी होये एने हमेशा-हमेशा रोये. आमेन.

प्रकाशित वाक्य 15:3

चे परमेश्वरोन दास मुसान गीत, एने गाडरान गीत गावीन-गावीन कोयता होता, “हे आखी ताकत वावा प्रभू परमेश्वर, हे युगान युग राजा, तारी चाल ठीक एने खोरली छे.”

प्रकाशित वाक्य 17:14

चे गाडरा पुठी लोळायसे, एने गाडरो तिंदरे पुठी जय हासील कोरसे, काहाकि चू प्रभून प्रभू एने राजान राजा छे, एने जे बुलावला एने नेवाळला एने विस्वासी छे, चे तेरे पुठी छे; चे बी जय हासील कोरसे.

प्रकाशित वाक्य 19:1

हेरेन ओवतेन सोरगोमा माणू मोटली गोरदी काजे यो उचला बुलोसी कोयतेला सोमव्यू, “हालेलुया, छुटकारू एने महिमा एने ताकत आमरा परमेश्वरो जून छे.

प्रकाशित वाक्य 19:16

तेरा छिंदरापोर एने तेरा जागा पोर यो नाव लिखलो छे, “राजान राजा एने प्रभून प्रभू.”

प्रकाशित वाक्य 19:6

पोछो मोटली गोरदीन तोसो एने जादा पाणी तोसो बुल, एने गाजला सारखो मोटलो बुल सोमव्यू, “हालेलुया, काहाकि आमरू प्रभू आमरू परमेश्वर आखा गोथू ताकत वावू राज कोरतेलू छे.

प्रकाशित वाक्य 7:12

“आमेन, आमरे परमेश्वरोन स्तुती एने गौरव एने ग्यान धन्यवाद एने मान एने ताकत एने शक्ती हमेशा-हमेशा बोनीन रोये आमेन.”