1 तीमथी 1:12 - बारेली पावरी

¹² मे मारा प्रभू येसु मसिहन जू मेसेक ताकत आपलु छे, धन्यवाद आपो कि होयू मेसेक भुरसान लायक सोमजीन, हेरी सेवान कोरता ठेरावलु.

1 तीमथी 1:12 ပူးပေါင်းရင်းမြစ်များ

मत्ती 20:4

एने तीनु काजे कोयू, “तुमु बी आंगुरोन वाळीमा जावू, एने जे काहीन वारू छे तुमुक आपीस आखरी चे वाळीमा गोया.”

योहान 5:23

कि आखा माणसे जोसो बासोन मान राखतला छे तोसोच पुऱ्यान बी मान राखू. जू पुऱ्यान मान नि कोरे, चू बासोन जू तीनाक मुकललु छे, मान नि राखतलु.

प्रेषित 16:15

जेतार ची एने तेरा घोरानो मेवीन बाप्तिस्मा लेदा ती ची आमु काजे विनता कोरी “अगर तुमु मेसेक प्रभून विस्वासी सोमजी रोया, ती आवीन मारे घोर आवीन रोयू,” एने ची आमु काजे मोनावीन ली गोयी.

प्रेषित 9:15

बाकीन प्रभू कोयू, “तू जात रोय; काहाकि यो ते दिसरा जातीन एने राजान एने इस्राईलोन सामने मारो नाव लेनेन मार नेवाळलु ठहरुलु छे.”

प्रेषित 9:22

बाकीन शाउल एने ताकतवान होयतू होतु एने पोटाळ देदु कि मसिह युत छे, दमिश्क रोयने वावा यहुदिन मूय बंद कोरतू गोयू.

1 कुरीन्थियो 15:10

बाकीन मे जो कायबी छे, परमेश्वरोन दयासी छे. हेरी दया जी मार पोर होई, चो वायबार नी होयो; बाकीन मे हिमी आखा गोथू बोळीन मेहनत बी कोऱ्यु, तीबी यो मारे भूनी गोथो नी होयो बाकीन परमेश्वरोन दयासी जो मार पोर होतो.

1 कुरीन्थियो 3:5

अपुल्लोस काय छे? एने पौलुस काय छे? निस्ता सेवक, जिंदरे लारे तुमु भुरसू कोऱ्या, जोसू होर एक काजे प्रभू आप्यू.

1 कुरीन्थियो 7:25

छोल्लान बारामा काहीन आग्या मेसेक नी जोडी बाकीन भुरसान लायक होयनेन कोरता जोसी दया प्रभू मार पोर कोरलु छे, तेरेत अनसारे सहमती आपो.

2 कुरीन्थियो 4:1

इनान कोरता जेतार आमरे उपर परमेश्वरोन ओसी दया होई कि आमु काजे जी सेवा जोळी ती आमु हिंमत नी छुळतला.

गलातियों 3:26

काहाकि तुमु आखा तिना भुरसान लारे मसिह येसु पोर जे परमेश्वरोन पुऱ्या बोनसे.

गलातियों 3:28

हिमी नी कुदू यहुदि रोयू, नी युनानी, नी कुदू पावोर, नी स्वतंत्र, नी कुदु नोर, नी कुदु नारी, काहाकि तुमु आखा मसिह येसुमा एक छे.

फिलिप्पि 2:11

एने परमेश्वर बासोन महिमान कोरता होर एक जीब कबूल कोर लेये कि येसु मसिह प्रभू छे.

फिलिप्पि 4:13

जू मेसे काजे ताकत आपतलु छे तीनामा मे सोब काय कोर सोकतलु.

कुलुस्सि 1:25

जेरो मे परमेश्वरोन तीना बुलावलान अनसारे सेवक बोन्यू जो तुमरेन कोरीन मेसेक आपाय गोयो काहाकि मे परमेश्वरोन वचन काजे पुरो-पुरो प्रचार कोरो.

1 तीमथी 1:1

पौलुसनचा गोथू जू आमरू छुटकारू आपन्यु परमेश्वर एने आमरी आसोन लारे मसिह येसुन आग्यासी मसिह येसुन प्रेषितोन छे.

1 तीमथी 1:11

यो कि सोयावू परमेश्वरोन महिमान हीना वारली खोबरोन अनसारे छे जो मेसेक आपलो होतो.

1 तीमथी 1:2

तीमथीन नावे जो भुरसामा मारो खोरलु पुऱ्यो छे, परमेश्वर बास एने आमरू प्रभू येसु मसिहनचा गोथू तुसेक अनुग्रह, एने दया एने शांती जोळती रोये.

1 तीमथी 6:13

मे तुसेक परमेश्वरोन जू आखा काजे जीवतलु राखतलु, एने मसिह येसु काजे गोवायी कोरीन जू पुन्तियुस पिलातूसन ओगोव वारलु रोयलु जू आग्या आपो,

2 तीमथी 2:2

एने जे वाते तू लोकेत गोवाय सामने मारेंचा गोथू सोमवतलु छे, तीनुक विश्वासी मोनसी काजे सोप दे; जे दिसरा काजे बी सिकाळनेन लायक छे.

2 तीमथी 4:17

पुन प्रभू मारे साते रोयलु एने मेसेक ताकत आपलु काहाकि मेसेक पुरान पुरा प्रचार होये एने सोब जातोन सोमवी लेये मी सिहान मुयोम गोथू छुळावलु होतु.

तीतुस 1:4

तीतुसन नावे जू भुरसान जुळायला विचारसी मारू खोरलु पुऱ्यु छे; परमेश्वर बास एने आमरू छुटकारू आपने वावु मसिह येसुन अनुग्रह एने शांती जोळती रोये.

फिलेमोन 1:9

ते बी मार सारखा डायला पौलुस काजे जू हिमी मसिह येसुन कोरता बोंदी छे यो ओवी बी वारलो लाग्यो कि मोंगसी विनता कोरो.