1 तीमथी 1:10 - बारेली पावरी

¹⁰ व्यभिचारी, पुरुषगामियों, माणसो काजे वेचने वावू, एने इंदरे जागे खोरलु प्रचारोन आखा खिलाप वावान कोरता ठरावली छे.

1 तीमथी 1:10 ပူးပေါင်းရင်းမြစ်များ

योहान 8:44

तुमु तुमरा बास भुतडासी छे एने तुमरा बासोन मोर्जी काजे पुरी कोरणे चाहतला. चू ते सुरवाती गोथूच हत्यारु एने खोरला पोर सुदू नि रोयू, काहाकि खोरलो तीनामा होतो नि जेतार चू झूट बुलतलु, ती तेरा स्वभावमा गोथूच बुलतलू; काहाकि चू झुटू छे एने झुटोन बास छे.

रोमी 1:26

इनान कोरता परमेश्वर तीनु काजे भुंडला कामोमा छुळ देदु; न्या तोक कि तिंदरा बायराबी वारला व्यहवार काजे तीनासी जो स्वभावोन खिलापमा छे बोदली नाख्या.

1 तीमथी 4:6

अगर तू इनू भाशो काजे सोमजाडतू रोयसे, ती मसिह येसुन वारलु दास बोनसे; एने भुरसू एने हेरा वारला प्रचारोन वातो पोर, जो मानतू आव रोयु, तारू देख भाव होयतो रोयसे.

1 तीमथी 6:3

जर कुदू दिसरे भातीन प्रचार कोरतू होसे एने वारली वातोन आमरा प्रभू येसु मसिहन वातो काजे नी मानतू होसे, जो भोक्तीन अनसारे छे.

2 तीमथी 1:13

जी ठारलो वात तू मार मुये सोमोवतलु छे तीनाक भुरसू एने मोंग पुठी जे मसिह येसुन मा छे आपनो वारलु बोनीन मेक.

2 तीमथी 4:3

काहाकि ओसो टेम आवसे जेतार माणसे खोरलु प्रचार नि सहन कोर सोके, पुन कानटामा खुजलीन वोजेह आपनी लालचन कोरता आपनेन कोरता लोकेत प्रचारक हेरे लेसे.

तीतुस 1:13

जी गोवायी छाचलीन छे, इनान कोरता तीनुक कोळक चेतावनी आप्या कर कि भुरसामा पाका होय जाये.

तीतुस 1:9

एने चू भुरसा वावु एने वचन पर जू धर्मान प्रचारोन अनसारे वातळू रोये कि खोरली शिक्षान प्रचार आप सोके एने दुष्मोनोन मूय बी बंद कोर सोके.

इब्रानियो 13:4

वियाव आखामा आदरोन वात सोमजनु जुवे, वियाव-आथरून निरदोष रोये, काहाकि परमेश्वर व्यभिचार कोरणे वावान एने दिसरा बायरा साते ओसो कोरणे वावान नियाव कोरसे.

यहुदा 1:7

जिना रितीसी सदोम एने गोमोरा एने हिंदरा साते वावा गाव, जे हिंदरेन तोसो भुंडला विचार वावा होय गोयलो होतो एने पारका डीलो पोछोव लाग गोयला होता, आगठान ओमोरकाईन दोंडमा पोळीन दाखलु बोन गोयला छे.

प्रकाशित वाक्य 18:13

एने दालचीनी, मोसाला, धुप, इत्तर, लोबान, आंगुरोन रोस, तेल, मोयदा, गोहू, गाय-बुले, गाडरा, बुकळा, घुल्ला, रोथ, दास, एने माणसोन जीव एने डील.

प्रकाशित वाक्य 21:27

बाकीन हेरेमा कुदू विटोव चीजे, नीती भुंडला काम कोरणे वावा, नीती झुटान गाळने वावू काहना रितीसी जाय नि सोके, बाकीन निस्ता चे माणसे जिंदरा नावे गाडरान जीवनोन किताबमा लिखला छे.

प्रकाशित वाक्य 21:8

बाकीन बिहीने वावा, एने अविस्वास्या, एने भुंडला, एने खुन कोरणे वावा एने व्यभिचार कोरणे वावा, एने कुहराय कोरणे वावा, एने मूर्ती पुजा कोरणे वावा, एने आखान झुटान वाटू तीना आगठामा जोळसे जो आगठो एने गोंधोकसी धोपतो रोयतलो छे, यो दूसरो मोरोन छे.

प्रकाशित वाक्य 22:15

बाकीन कुत्रा, एने कुहरायने वावा एने व्यभिचार कोरणे वावा एने खुन कोरणे वावा एने मूर्ती पुजा कोरणे वावा एने होर एक झुटोसी मोंग कोरणे वावा एने गाळने वावू बारथे रोयसे.