1 थिस्सलुनीकियो 5:6 - बारेली पावरी

⁶ एरेन कोरता आपनु दिसरान तोसा सुवतोला मा रोयू, बाकीन जागला एने सावधान रोयू.

1 थिस्सलुनीकियो 5:6 ပူးပေါင်းရင်းမြစ်များ

मत्ती 13:25

बाकीन जेतार माणसे सुवरोया होता ती तेरु दुष्मोन आवीन गोहून इचमा जंगली बीज वेरीन जात रोयू.

मत्ती 24:42

इनान कोरता जागता रोयू काहाकि नी जानतला कि तुमुक प्रभू कानले दाहळे आवसे.

मत्ती 25:13

इनान कोरता जागता रोयू काहाकि तुमु नी तिना दाहळाक जानतला नि तिनी टेमो काजे.

मत्ती 25:5

जेतार दुल्हा काजे आवनेमा मुळू होय गोयू, ती चे आखा डूलक्या लेने बाज गोया, एने सुव गोया.

मत्ती 26:38

तेत्यार चू तीनु काजे कोयू, “मारू जीव निकवने बाज रोयू, न्या तोक कि मारू जीव निकोवने हिंडे, तुमु न्यात उबा रोयू एने मारे साते जागता रोयू.

मरकुस 13:37

एने यो मे तुमु काजे कोय कि, चोत आखा काजे कोय, “जागता रोयू.”

लुका 12:37

सोयावा छे जे दास जीनुक मालिक आवीन जागतला देखे; मे तुमु काजे छाचलीन कोयो कि चू कोळ्यो बांदीन तीनुक खाणो खाणे बोसाळसे, एने साते आवीन तिंदरा सेवा कोरसे.

लुका 12:39

बाकीन तुमु यो जान लेवू कि अगर घोरोन मालिक जाने कि चुटू काहनली टेमे आवसे, ती जागलु रोये एने आपना घोरोक लुटायणे नि देय.

लुका 21:36

इनान कोरता जागता रोयू एने होर एक टेमे प्रार्थनामा रोयू कि तुमु इना आखी आवने वावी घोटनामा गोथू वाचने एने माणसोन पुऱ्या सामने उभू रोयनेन लायक बोनो.

लुका 22:46

एने तीनु काजे कोयू, “काहा सुवरोया? उठू, प्रार्थना कोरु कि परीक्षामा नि पोळे.”

प्रेषित 20:31

इनान कोरता जागता रोयू, एने फोम कोरु कि मे तीन साल तोक रात दाहळू आसवा वोयाळी-वोयाळीन होर एक जोना काजे जोताळीन कोयनो नी छुळ्यो.

1 कुरीन्थियो 15:34

धारमिकतान कोरता जाग उठू एने पाप मा कोरू; काहाकि काहनास ओसा छे जे परमेश्वर काजे नी जानतला. मे तुमुक लाजवाडने कोरता यो कोयो.

1 कुरीन्थियो 16:13

जागता रोयू, भुरसामा पाका रोयू, माणसो सारखा रोयू, ताकत वावा बोनु.

इफिसीयो 2:3

इनामा आमु बी आखान आखा पेहेले आपना डीलोन मोर्जीमा दाहळा जावाळता होता एने मोनोन मोर्जी पुरी कोरता होता एने दिसरा माणसो सारखो स्वभाव सी रीसोन पुऱ्या होता.

इफिसीयो 5:14

इनान वोजेसी चू कोयतेलु, “हे सुवनेवावा जाग एने मोरलामा गोथा जीव उठ; ती मसिहन विजावो तार पोर चमकसे.”

इफिसीयो 6:18

हर टेमे एने हर भातीसी आत्मान प्रार्थना, एने विनता कोरता रोयू कि आखा चुखला माणसोन कोरता जागता रोये कि आखा पवित्र माणसोन कोरता लगातार विनता कोऱ्या कोरु.

फिलिप्पि 4:5

तुमरी नोरमाय आखा माणसोमा प्रगट होये. प्रभू साते छे.

कुलुस्सि 4:2

प्रार्थनामा लागला रोयू, एने धन्यवाद साते आमरेन कोरता जागता रोयू.

1 थिस्सलुनीकियो 4:13

हे भाशो आमु नि जानतला कि तुमु तिंदरा विषयोमा जे सुवतला छे, अनपड रोये; ओसो नि होय कि तुमु दिसरान तोसो शंका कोरे जीनु काजे आस नि होय.

1 थिस्सलुनीकियो 5:10

चू आमरेन कोरता इना वोजेसी मोरलु कि आमु चाहे जागतला रोये, नीती सुवतला रोये, आखा मेवीन तेरे साते जासे.

1 थिस्सलुनीकियो 5:8

बाकीन आपनु जे दाहळान छे, भुरसान एने मोंगोन झीलम पेहेरीन एने छुटकारान आसोन टूपी पेहेरीन सावधान रोयू.

1 तीमथी 2:15

ती भी बायर पुऱ्या काजे जन्मो आपनेने लारे छुटकारू हासील कोरसे, अगर ची धीर साते भुरसू, मोंग, एने चुखलामा एक जागे रोये.

1 तीमथी 2:9

तोसात बायराबी शंका एने धीर साते वारला कापळासी हीनु खुदो काजे सजाळे; नी कि झोटा गुथने एने सोनो एने मोती एने मोहोंगा कापळासी.

1 तीमथी 3:11

इनान कोरता बायोर काजे बी वातळी होयनो जुवे; चुगली लागाळने वावी नी जुवे, पुन चतरावी एने आखी वातोमा भुरसू मेके ओसी जुवे.

1 तीमथी 3:2

यो महत्वान छे कि पुढारी निरदोष होय, एने एकुत बायरोन आदमी, धीर धोरन्यू, घाटावू, वारलु पाहांतराय कोरने वावू, एने सिकाळनेमा हुशार होसे,

2 तीमथी 4:5

पुन तू आखा वातोमा सावधान रोयजी दुख भूगतजी बानमी प्रचारन काम कोरजी एने आपनी सेवा काजे पुरी कोरजी.

तीतुस 2:12

एने आमुक चेतावनी आपे कि आमुक अभक्ती एने संसारन भुंडली मोर्जीसी मन फिरावनीन इना जोगोमा संयम एने धर्म एने भक्तीसी जीवन जिवू.

तीतुस 2:6

ओसुत जुवान्या माणसो काजे बी सोमजाड्या कर कि हदमा रोयू.

1 पतरस 1:13

इना कोरनेसी आपनी-आपनी दिमाकसी कोड्यो बांधीन, एने शुद्धीम रोयीण, तिना दयान आखी आस राखू जी येसु मसिहक प्रकट होयनेन कोरता, टेम तुमु काजे जोळनाय छे.

1 पतरस 4:7

आखा चीजोन नाश होयन्यो छे; एरेन कोरता एक मोन होयीन प्रार्थना कोरता रोयू.

1 पतरस 5:8

शांत एने सावध रोयू, तुमरु दुष्मोन भुतडा डोखारनेवावा नाहारो सारखो इना हेरमा रोयतलु छे, कि कुदा काजे फाडीन खाम.

प्रकाशित वाक्य 16:15

“देख, मे चुटा सारखू आवतेलु छे; सोयावू चू छे जू जागतू रोयतलु, एने आपना छिंदरा तपास कोरतेलु कि उगाडलु नी फिरे, कि माणसे हेरो उगेडला काजे नी देखे.”

प्रकाशित वाक्य 3:2

जागतू होय, एने तीनु चीजो काजे जे बाकी रोय गोयला छे एने जे नाश होयने पोर छे, तीनु काजे पाका कोर; काहाकि मे तारेन कोरता, तारा कानला कामो काजे मारा परमेश्वरोन साते पुरो नी देख्यू.