4 बाकीन हे भाशो; तुमु ते आंदारलामा नि होय कि चू दाहळू तुमरे पोर दोगळान तोसो ओगोव आवीन पोळे.
मे तुमु काजे छाचलीन कोयो कि नियावोन दाहळे तिना सोहोरोन हालोत सदोम एने गोमोरा सोहोरोन हालोत जादा सोचणेन कोरता रोयसे.
इनान कोरता हुशारीमा रोयू, ओसो नि होये कि तुमरा मोन खुमारीमा, एने मोंदळ्यामा, एने इना जीवनोन चिंतामा पोड जाय, एने चू दाहळू तुमरे पोर फासी सारखु आवीन पोळे.
कि तू तिंदरा डूवा उगाळे इनान कोरता कि चे आंदारामा गोथा विजावामा भुतडान राजम गोथा परमेश्वरोन राजमा आवे, जीनासी चे पापोन माफी एने तीनु माणसो साते होक ली लेये जू मारे पोर भुरसू कोरनेन लारे चुखला होयला छे.
चु आमु काजे आंदारलान बंधनमा गोथू छुळावीन आपनु मोंगावा पुऱ्यान राजमा पुगाळ्यु,
काहाकि तुमु बोराबर जानतला छे कि जोसू राती चुटू आवतेलु छे, तोसोत प्रभून दाहळू बी आवने वावु छे.
बाकीन प्रभून दाहळू चुटान सारखो आवी जासे, तिने दाहळे सोरगोमा मोटलो आवाज बुलोसी जातु रोयसे एने कोवी जाताच ताती होयीन पीगवी जासे एने कोवी एने तिना पोरला कामे बी बोवी जासे.
ते बी मे तुमुक नोवीन आग्या लिखो, एने यो तीनामा एने तारेमा खोरली ठेरायली छे; काहाकि आंदारलो मिटायतू जातलु छे, एने खोरलान विजावो हिमी चोमोकने लागलो छे.
“देख, मे चुटा सारखू आवतेलु छे; सोयावू चू छे जू जागतू रोयतलु, एने आपना छिंदरा तपास कोरतेलु कि उगाडलु नी फिरे, कि माणसे हेरो उगेडला काजे नी देखे.”
इनान कोरता फोम कोर कि तू कोसली शिक्षा हासील कोरलु छे एने सोमवलू होतु, एने तीनामा बोनीन रोय एने मोन फिराव कोदा माईन तू जागतू नी रोये ती मे चुटा सारखो आव लागीस, एने तू कोदि नी जान सोके कि मे कानले टेमे तारेनचा आव लागीस.