25 हे भाशो आमरेन कोरता प्रार्थना कोरु.
हे भाशो आमरू प्रभू येसु मसिह पवित्र आत्मान मोंगोन फोम देवाळीन मे तुमु काजे विनता कोरो कि मारेन कोरता परमेश्वरोनचा प्रार्थना कोरणेमा मारे साते मेवीन लागला रोयू.
तुमु बी मेवायीन प्रार्थनान लारे आमरी मदत कोरसु कि जो वरदान जादा जोनान लारे आमुक जोळ्यो, तिनान वोजेसी जादा माणसे आमरे भूनी गोथा धन्यवाद कोरे.
काहाकि मेसेक मालूम छे कि तुमरी प्रार्थनान लारे, एने येसु मसिहन आत्मान दानोन लारे, एरो प्रतीफोव मारो छुटकारू होयसे.
एने इना साते-साते आमरेन कोरता बी प्रार्थना कोरता रोयू, कि परमेश्वर आमरेन कोरता वचन सोमवाळनेन ओसू झोपलु उगाळ देदू कि आमु मसिहन तिना भेदोन वर्णन कोर सोके जिनान वजेसी मे बंदीमा छे.
एने यो बी कि मारेन कोरता रोयनेन जागा तीयार राख. मेसेक आस छे कि तुमरी प्रार्थना लारे मे तुमुक आपाय जाश.
