1 थिस्सलुनीकियो 4:8 - बारेली पावरी

⁸ इनान वोजेहसी जू तिनाक कोम मानतलु छे चू माणसो काजे नि बाकीन परमेश्वर काजे कोम लेखतलु, पवित्र आत्मा तुमुक आपतलु छे.

1 थिस्सलुनीकियो 4:8 ပူးပေါင်းရင်းမြစ်များ

लुका 10:16

“जू तुमरी सोमवतलु, चू मारी सोमवतलु; एने जू तुमु काजे नेचू सोमोजतलु, चू मेसे काजे नेचू सोमोजतलु; एने जू मेसेक नेचू सोमोजतलु, चू मेसेक मुकोलने वावा काजे नेचू सोमोजतलु”.

योहान 12:48

जू मेसेक वीटवलु माणसे एने मारा वातोन भुरसू नि कोरतेलू तीनाक गुणावू ठेरावने वावू ते एक छे मतलब जो वचन मे कोयलु छे, चोत ओगला दाहळामा तीनाक गुणावू ठेरावसे.

प्रेषित 13:41

हे बुराई कोरणे वावा देखू नोवलाय कोरु एने नाश होय जावू काहाकि मे तुमरा दाहळामा एक काम कोर रोयू चो काम ओसो कि, जो कुदू तुमु काजे वात कोयने से तीना पोर तुमु भुरसू नि मेके.

रोमी 5:5

एने आस सी लाज नी आवतेली काहाकि पवित्र आत्मा जू आमु काजे आपलो छे तिनान लारे परमेश्वरोन मोंग आमरा मोनोन भोर देदला छे.

1 कुरीन्थियो 2:10

बाकीन परमेश्वर तीनुक आपना आत्मान लारे आपनेपोर देखाळ्यू, काहाकि आत्मा आखी वाते, नीती परमेश्वरोन गुढ वाते बी जाच कोरतेला छे.

1 कुरीन्थियो 7:40

बाकीन जोसो छे कोबी तोसाच रोये ती मारा विचारमा ओवी बी सोयावा छे; एने मे सोमजो कि परमेश्वरोन आत्मा मारेमा बी छे.

2 कुरीन्थियो 1:22

जू आमरेपोर छापू बी लागाळ देदलो छे एने बोयानमा आत्मा काजे आमरा मोनोमा आप्यू.

गलातियों 4:6

एने तुमु जा पुऱ्या छे एरेन कोरता परमेश्वर आपना पुऱ्यान आत्मा काजे, जो छे हे अब्बा, हे बास कोयीन आयेळतेलु; आमरा मोनमा मूकल्यु.

1 पतरस 1:12

तीनु पोर जो प्रकट होये कि चू आपनी नि पुन तारी सेवान कोरता जी वात कोया कोरतू होतु, जिनान खोबर हिमी तुमु काजे तिंदरे लारे जोळलो जे पवित्र आत्मान लारे जू सोरगोम गोथू मुकेल्ला छे, तुमुक वारली खोबर कोयलु; एने इनी वातोन काजे सोरग दूत भी मोन लागाळीन देखनेन मोर्जी राखताला छे.

2 पतरस 1:21

काहाकि खुद बी भविष्यवाणी माणसोन मोर्जी सि कुदुबी नी होये, बाकीन भक्त जोन पवित्र आत्मान लारे उबा रोयता जाईन परमेश्वरोनचा बुलता होता.

1 योहान 3:24

जू तेरा आग्या काजे पावतलु चू तेरेमा एने चू तीनामा बोनीन रोयतलु, एने इनामा मतलब तिना आत्मा जुव गोथो जो चू आमुक आपलु छे कि चू आमरेमा बोनीन रोयतलु.

यहुदा 1:8

तिना रितीसी जे सोपनो देखणे वावा बी आपना-आपना डीलो काजे विटोव कोरतेला, एने प्रभूता काजे विटोव जानतेला छे, एने उचला पोदो वावा काजे वारु भुंड कोयतेला छे.