1 थिस्सलुनीकियो 4:6 - बारेली पावरी

⁶ इना वातोमा कुदू आपना भाश काजे नि ठोगे, एने नि तीना पोर दोगु चालाळे, काहाकि प्रभू इनी आखा वातोन बदलू लेणे वावु छे; जोसो कि आमु पेहेले तुमु काजे कोयला एने जोताळला भी होता.

1 थिस्सलुनीकियो 4:6 ပူးပေါင်းရင်းမြစ်များ

मरकुस 10:19

तु आग्या काजे ते जानतलु छे, ‘खुन नि कोरनो, व्यभिचार नि कोरनो, चुरी नि कोरनो, झुटी गोवा नि आपनो, बुराई नि कोरनो, आपना बासोन एने आपनी आशोन मान कोरनो.’”

लुका 12:5

मे तुमु काजे जोताळो कि तुमु कुनी काजे बिहनो जुवे, मारनेन ओवते जीना काजे नोरोगमा नाखनेन होक छे, तीना काजे बिहू; होव, मे तुमु काजे कोयो, तीनात काजे बिहू.

लुका 16:28

काहाकि मारा पाच भाश छे; चू तिंदरे सामने इनी वातोन गोवायी आपे, ओसो नि होये कि चे इनी पिळान जागामा आवे.”

रोमी 1:18

परमेश्वरोन रीस ते तीनु माणसोन विभक्ती कोरणे वावा एने अधोरमी पोर सोरगसी प्रगट होयतेलो छे, जे खोरला काजे अधोरमीसी दाबीन राखतला छे,

रोमी 12:19

हे मोंगावा बोदलु नी लेनो, बाकीन परमेश्वरोन रीसो काजे टेम आपु काहाकि लिखलो छे, “बोदलू लेनो मार काम छे, प्रभू कोये कि मे बोदलु आपीस.”

रोमी 13:4

काहाकि चू तारी वारलान कोरता परमेश्वरोन सेवक छे बाकीन ओगर तू बुरायी कोरे, ती बिह, काहाकि तलवार वायबार लेदलु नी होय; एने परमेश्वरोन सेवक छे कि तेरा रीसोन अनसारे भुंडा काम कोरणे वावाक दोंड आपसे.

2 कुरीन्थियो 7:11

हिमी देखू, इनी वातोसी कि तुमुक परमेश्वरोन भोक्तीन दुख होयो, तुमरेमा कोतरी खुशी एने पोछो बुलनो एने रीस, एने बिक, एने मोर्जी, एने आवाज, एने सजा आपनेन विचार पोयदा होयो? तुमु आखा भातीन यो तीयार कोरीन देखाळ्या कि तुमु इनी वातोमा चुखला रोये.

गलातियों 5:21

डाव मोतलोबी हेवा एने तिंदरे सारखा एने लोकेत कामे छे, इंदरा बारामा तुमु काजे पेहलेन कोय दोम जोसू पेहेले बी कोयलु छे, कि ओसा-ओसा कामे कोरने वावा परमेश्वरोन राजान वारीस नी होये.

इफिसीयो 4:17

इनान कोरता यो कोयो कि एने प्रभूमा विनता कोरो कि जोसा दिसरा जातीन माणसे आपना मोनोन दिसरा रिती पोर चालतला तुमु आखा हिमी गोथा ओसा मा चालु.

इफिसीयो 4:28

चुरी कोरणे वावू ओवी चुरी नि कोरे, बाकीन वारला कामे कोरणेमा आपनो हातसी मेहनत कोरु इनान कोरता कि जीनाक गोरोज से तीनाक आपनेन कोरता तेरे जुव काहीन रोये.

इफिसीयो 5:6

कुदू तुमुक वायबार वातोसी धुकू नी देनो जुवे काहाकि इनान कामोन वोजेसी परमेश्वरोन रीस आग्या नि मानने वावा पोर पोळतेली छे.

1 थिस्सलुनीकियो 2:11

तुमुक मालूम छे, जोसू बास आपना पुऱ्या पुठी वेहवार कोरतेलु तोसात आमु बी तूमरे मायला हर एक जोनानु काजे प्रचार कोरतेला, एने महिमामा बुलावतला.

2 थिस्सलुनीकियो 1:8

एने जे परमेश्वरोक नि उवेखतला एने आमरा प्रभू येसुन वारली खोबर नि मानतला तिंदरो हिसाब लेसे.

इब्रानियो 13:4

वियाव आखामा आदरोन वात सोमजनु जुवे, वियाव-आथरून निरदोष रोये, काहाकि परमेश्वर व्यभिचार कोरणे वावान एने दिसरा बायरा साते ओसो कोरणे वावान नियाव कोरसे.

इब्रानियो 2:6

बाकीन काहनुस का यो गोवायी आप्यू, “माणूस काय छे कि तू तेरो फोम कोरे? ओगर माणसोन पुऱ्यु काय छे कि तू तेरी चिंता कोरतेलू?”

याकुब 2:6

पुन तुमु तिना भिकारीण अपमान कोऱ्या काहा मातभोर माणसे तुमरे पोर जुलूम नि कोरतेला एने काय चा तुमुक पंचूमा घीसीन-घीसीन नि लीजातला?

याकुब 5:4

देखू, जे कामगार तुमरा खेत काटला, तिंदरी जी दाहाळकी तुमु मेक लेदला छे आयळी रोय, एने चूपने वावान विनता सेनान प्रभून कानटे तोक पुग गोयली छे.