1 थिस्सलुनीकियो 4:3 - बारेली पावरी

³ काहाकि परमेश्वरोन मोर्जी जी छे, कि तुमु चुखला बोनु, मतलब व्यभिचारसी वाचीन रोयू.

1 थिस्सलुनीकियो 4:3 ပူးပေါင်းရင်းမြစ်များ

मत्ती 12:50

काहाकि जो कुदु मारा सोरगोन बासोन मोर्जी पोर चाले, चेत मारा भाशे एने बहोनिशा, एने मारी आया छे.”

मत्ती 15:19

काहाकि भुंडला विचार, खुन, सिनावो, भुंडला विचार, चुरी, झुटी गोवायी एने बुराई, मोनोसी निकवतली छे.

मत्ती 5:32

बाकीन मे तुसे काजे यो कोय कि यो कुदु आपनी लाडी काजे भुंडला विचार सीवाय काहनला वोजेसी छुळ देये, ती चू तेरे जुव गोथू व्यभिचार कोरतेलु छे; एने यो कुदु तिनी छुळली पुठी वियाव कोरे, चू व्यभिचार कोरतेलू छे.”

मत्ती 7:21

“जे मेसेक, हे प्रभू! हे प्रभू! कोयतेला तिंदरे माहीन होर एक जोन सोरगोन राजोमा नी जाय, बाकीन चेत जे मारा सोरगोन बासोन मोर्जी पोर चालतला,

मरकुस 3:35

काहाकि जू कुदू परमेश्वरोन मोर्जीसी चालतलु, चू मारू भाश एने बहोनिश एने आश छे.”

योहान 4:34

येसु तीनु काजे कोयू, “मारो खाणो यो छे कि मेसेक मुकलने वावान मोर्जीन अनसारे चालो एने तेरो काम पुरो कोरो.

योहान 7:17

कोदि कुदू तेरी मोर्जी पोर चालनेन कोरे, ती चू इना सिकापोनोन बारामा जान लेसे कि यो परमेश्वर जुव गोथो छे कि मे मारे जुव गोथू कोरतेलू छे.

प्रेषित 15:20

बाकीन तीनु काजे लिखीन मुकलो कि चे मूर्तीन भुंडला मा गोथा सिनावासी छुळ देयेगोवा दाबीन मारला जोनावरे मास एने लुयसी नांबे रोयजू.

प्रेषित 15:29

कि तुमु मूर्ती पोर बलिदान चोळावला चीजोसी, लुयसी, गोवू दाबीन मारलो जोनावर मास सी, एने सिनावो सी छेटा रोयजू इंदरेसी वाचीन रोयजू तुमरो भोलो होयसे.

प्रेषित 20:32

एने हिमी मे तुमुक परमेश्वर काजे, एने तेरा दयान वचन सोप दोम; जू तुमरी बोढती कोर सोकतलु छे एने आखा चुखलो कोरायला माणसोमा साजी कोरीन वाडी आप सोकतलु छे.

प्रेषित 26:18

कि तू तिंदरा डूवा उगाळे इनान कोरता कि चे आंदारामा गोथा विजावामा भुतडान राजम गोथा परमेश्वरोन राजमा आवे, जीनासी चे पापोन माफी एने तीनु माणसो साते होक ली लेये जू मारे पोर भुरसू कोरनेन लारे चुखला होयला छे.

रोमी 1:29

इनान कोरता चे आखा भातीन अधोरमोन एने रीस, खुन कोरनो, एने ओहळायने, एने छोळ एने रीससी घोणा घेरवाय गोया, एने चुगली कोरण्या,

रोमी 12:2

इना संसारोन तोसा मा बोनु, बाकीन तुमरो मोन नोवला होयनेसी तुमरी चाल-चलन बी बोदेलतो जाय, जिनासी तुमु परमेश्वरोन वारली एने गोवणे वावो, एने पाकी मोर्जी अनुभव सी मालूम कोरता रोयू.

रोमी 6:22

बाकीन हिमी पापोमा गोथा छुटकारू होयीन एने परमेश्वरोन दास बोनीन तुमु काजे फोव जोळे जीनासी चुखलाय जोळतली छे तेरो ओमोरकाईन जीवन छे,

1 कुरीन्थियो 1:30

बाकीन हेरे जुव गोथोत तुमु मसिह येसुमा छे, जो परमेश्वर जुव गोथो आमरेन कोरता ग्यान ठोऱ्यु एने मतलब धारमिकता, एने चुखला, एने छुटकारू.

1 कुरीन्थियो 7:2

बाकीन व्यभिचारोन बिकोसी होर एक माणसोन लाडी एने होर एक बायरोन पाहणू रोये.

2 कुरीन्थियो 12:21

एने कोदि ओसो नी होयनो जुवे कि मारू परमेश्वर मारो पोछोव तुमरेनचा पोछो आवने पोर दोबाव नाखे एने मेसेक ज्यादा जोनान कोरता पोछो एने दुख कोरनो पोळे, जे पेहेले पाप कोरला होता एने भुंडला कामे एने भुंडलु विचार एने लुचळायसी, जो चे कोऱ्या, मोन नि फिराव्या.

गलातियों 5:19

डीलोन काम ते प्रगट छे, मतलब भुंडला विचार, भुंडला कामे, कामोन लालोच.

इफिसीयो 5:17

इनान वोजेसी बिन ओकल्या मा होयू पुन ध्यानसी सोमजू कि प्रभून मोर्जी काय छे.

इफिसीयो 6:6

माणसो काजे खुश कोरणे वावा सारखो चाकरी नी कोरीन पुन मसिहन दास सारका मोनसी परमेश्वरोन मोर्जी पोर चालू.

कुलुस्सि 1:9

इनान कोरता जिने दाहळे गोथू यो सोमवलू छे, आमु बी तुमरेन कोरता जी प्रार्थना एने विनता कोरणे नि छुळ्या ती तुमु आखा आत्मिक ग्यान एने सोमोज साते परमेश्वरोन मोर्जीन उवखानमा पुरो होय जाय.

कुलुस्सि 3:5

इनान कोरता आपना इना डीलो काजे मार देवू, जो धोरती पोर छे मतलब व्यभिचार, भुंडला काम, दुष्कामना, बुरी लालच एने लोभ काजे मूर्ती पूजान बराबर छे.

कुलुस्सि 4:12

इपफ्रास जे तुमरेमा गोथा छे एने मसिह येसुन दास छे, तुमुक नमस्कार कोये एने हमेशा प्रार्थनामा कोशिश कोरतेला छे, काहाकि तुमु पाका होयीन पुरा भुरसा साते परमेश्वरोन मोर्जी पोर पाका रोयू.

1 थिस्सलुनीकियो 4:2

काहाकि तुमुक मालूम छे कि आमु प्रभू येसुनचा गोथा तुमुक कानली-कानली आग्या पुगाळला.

1 थिस्सलुनीकियो 4:4

एने तुमरे माहीन होर एक चुखला एने आदोर साते आपनी लाडी काजे हासील कोरने जाणू,

1 थिस्सलुनीकियो 5:18

आखा वातोमा धन्यवाद कोरु; काहाकि तुमरेन कोरता मसिह येसुमा परमेश्वरोन जीत मोर्जी छे.

1 थिस्सलुनीकियो 5:23

शांतीन परमेश्वर तुमु काजे आखी रितीसी चुखलो कोरे; एने तुमरी आत्मा एने जीव एने डील आपना प्रभू येसु मसिहन आवने तोक पुरो पूर एने निरदोष, एने वारला रोये.

2 थिस्सलुनीकियो 2:13

हे भाशो, एने प्रभून मोंगावा माणसो, जुवे कि आमु तुमरा बारामा सदा परमेश्वरोन धन्यवाद कोरता रोयजे, काहाकि परमेश्वर पेहेले गोथू तुमु काजे नेवाळ लेदलु छे कि आत्मान लारे चुखला बोनीन, एने खोरलान तोसोत भुरसू कोरीन छुटकारू जोळे.

तीतुस 2:14

जू खुद काजे आमरेन कोरता आप देदू कि आमु होर एक भातीन पापोमा गोथू छुळाव लेय एने चुखा कोरीन आपनेन कोरता एक ओसी जात बोनाव लेये जे वारला-वारला कामोमा तीयार जुवे.

इब्रानियो 10:36

काहाकि तुमु काजे धीर धोरणो गोरोजोन छे, कि तुमु परमेश्वरोन मोर्जी पुरो कोरीन इनी वायदान फोव काजे ली लेय.

इब्रानियो 12:16

तुमरेन गोथू काहनुबी माणूस भुंडलु एने एसाव सारखु नी रोये जू एक कावा खाणान कोरता आपना पेहेला पुऱ्यान होक वेच देदु.

इब्रानियो 13:21

तुमरा आखा वारला गुणोसी पुरो कोरे, जीनासी तुमु तेरी मोर्जी पुरी कोरु, एने जो काहीन तेरी नोजोरमा मोंगावू छे चू येसु मसिहन लारे आमरे महाय पुरा कोरे, तेरीत महिमा कायम होयती रोये. आमेन.

इब्रानियो 13:4

वियाव आखामा आदरोन वात सोमजनु जुवे, वियाव-आथरून निरदोष रोये, काहाकि परमेश्वर व्यभिचार कोरणे वावान एने दिसरा बायरा साते ओसो कोरणे वावान नियाव कोरसे.

1 पतरस 1:2

एने परमेश्वर बासन भविष्य ग्यानोन अनसारे, आत्मान चुखला कोरनेन लारे आग्या मानने एने येसु मसिहन लुय काजे शीतळनेन कोरता नेवळाय गोयला छे, तुमु काजे अनुग्रह एने शांती जुदा रितीसी जोळती रोयसे.

1 पतरस 4:2

तेरेन कोरता भविष्यमा आपना रोयला डीलोन जीवन माणसोन भुंडली मोर्जीन अनसारे नि बाकीन परमेश्वरोन मोर्जीन अनसारे जीवे.

1 योहान 2:17

जोग एने हिंदरी भुंडली मोर्जी दुयू नाश होय जातला छे पुन जू परमेश्वरोन मोर्जी पोर चालतलु छे, चू हमेशा बोनी रोयसे.

प्रकाशित वाक्य 21:8

बाकीन बिहीने वावा, एने अविस्वास्या, एने भुंडला, एने खुन कोरणे वावा एने व्यभिचार कोरणे वावा, एने कुहराय कोरणे वावा, एने मूर्ती पुजा कोरणे वावा, एने आखान झुटान वाटू तीना आगठामा जोळसे जो आगठो एने गोंधोकसी धोपतो रोयतलो छे, यो दूसरो मोरोन छे.

प्रकाशित वाक्य 22:15

बाकीन कुत्रा, एने कुहरायने वावा एने व्यभिचार कोरणे वावा एने खुन कोरणे वावा एने मूर्ती पुजा कोरणे वावा एने होर एक झुटोसी मोंग कोरणे वावा एने गाळने वावू बारथे रोयसे.