1 थिस्सलुनीकियो 4:16 - बारेली पावरी

¹⁶ काहाकि प्रभू एक सोरगो गोथू उतरसे; तिने टेमे ललकार, एने प्रधान दुतोन वात सोमवाय जासे, एने परमेश्वरोन फेपाऱ्यो फुकाय जासे; एने जे मसिहमा मोरला छे, चे पेहेले जीव उठसे.

1 थिस्सलुनीकियो 4:16 ပူးပေါင်းရင်းမြစ်များ

मत्ती 16:27

माणसोन पुऱ्यु आपना सोरग दूत पुठी आपना बासोन महिमा आवसे, एने तिनी टेमे चू होर एक काजे तिंदरा कामोन अनसारे प्रतीफोव आपसे.

मत्ती 16:28

मे तुमु काजे छाचलीन कोयो कि जे न्या उबरोय रोया, इंदरे माहीन कुदु ओसा छे कि चे जेतार तोक माणसोन पुऱ्याक तेरा राजमा आवतेलु नी देखे, तेत्यार तोक मोतोन सोवाद कोबी नि चाखे.

मत्ती 25:31

“जेतार माणसोन पुऱ्यु तेरा महिमामा आवसे एने आखा सोरग दूत तेरे साते आवसे ती चू महिमान सिहासन पोर बोससे.”

मत्ती 26:64

येसु तीना काजे कोयू, “तू आपसुत कोय देदू; बाकीन मे तुमु काजे यो भी कोयो कि हिमी गोथा तुमु माणसोन पुऱ्या काजे सर्वशक्तिमानोन जेवळे धोळे बोसलू एने सोरगोन वादवा पोर आवतेलु देखसु.”

प्रेषित 1:11

एने तीनु काजे कोया, “हे गलीली माणसो तुमु काहा उबरोयीन सोरगोमा देखता रोया? युत येसु तुमरेनचा गोथू सोरगोम चूटायु गोयलु छे जोसा तुमु तीना काजे सोरगोमा जातलू देख्या, तोसुच चू पोछु आवसे.”

1 कुरीन्थियो 15:18

एने ओवी जे मसिहमा सुव गोयला छे, चे बी नाश होय गोया.

1 कुरीन्थियो 15:20

बाकीन छाचलीन येसु मसिह मोरलामा गोथू जीव उठलु छे, एने जे मोर गोयला छे तीनुमा चू पेहलो फोव बोन्यू.

1 कुरीन्थियो 15:23

बाकीन होर एकोन आपना-आपना वाडी पोर पेहेलो फोव येसु मसिह, ओवतेन येसुन आवने पोर तेरा माणसे.

1 थिस्सलुनीकियो 1:10

एने तेरा पुऱ्यान सोरगोपोर गोथू आवनेन वाट जुवता रोयू जीनाक चू मोरलामा गोथू जीवाळ्यु, मतलब येसुन, जो आवने वावा मोटला दोंडोन गोथो वाचाडलो छे.

1 थिस्सलुनीकियो 3:11

हिमी आमरा परमेश्वर एने बास खुदू एने आमरू प्रभू येसु, तुमरेनचा आवनेमा अगवाई कोरे;

2 थिस्सलुनीकियो 1:7

एने तुमु जे तोकलीत झेलतला, आमरे पुठी आराम आपे; तिने टेमे जेतार कि प्रभू येसु आपना ताकत वावा दूतो साते हुळू-हुळू धापतला आगठामा सोरगोमा गोथू प्रकट होयसे,

2 थिस्सलुनीकियो 2:1

हे भाशो, हिमी आपनु आपना प्रभू येसु मसिहन आवनेन एने तिंदरे साते आमरा एखठा होयनेन बारामा तुमु काजे विनता कोरतेला छे.

2 पतरस 3:10

बाकीन प्रभून दाहळू चुटान सारखो आवी जासे, तिने दाहळे सोरगोमा मोटलो आवाज बुलोसी जातु रोयसे एने कोवी जाताच ताती होयीन पीगवी जासे एने कोवी एने तिना पोरला कामे बी बोवी जासे.

यहुदा 1:9

बाकीन प्रधान सोरग दूत मिकाईल, जेतार भुतडासी मुसान धोळन बारामा वाद विवाद कोऱ्यु, ती तीनाक भुंडो-भुंडो कोयीन गुणू लागाळनेन हिंमत नि कोऱ्यु बाकीन यो कोयू, “प्रभू तुसेक लोळे.”

प्रकाशित वाक्य 1:10

मे प्रभून दाहळे आत्मामा आव गोयू एने मार पोछोव फेपाऱ्यो सारखो मोटूत शब्द जो कोयतेला सोमव्यू.

प्रकाशित वाक्य 1:7

देखू, चू वादवा पुठी आवने वावू छे, एने होर एक डूवू तीनाक देखसे, नी तेत्यार जे हिनाक छेळला होता चे बी येसुक देखसे, एने धोरतीन आखा जाती हीनान वोजेसी छाती ठूकसे होव. आमेन.

प्रकाशित वाक्य 14:13

पोछु मे सोरगोमा गोथू यो बुल सोमव्यू, “लिख, जे मोरला प्रभूमा मोरतला छे चे हिमी गोथा सोयावा छे” आत्मा कोये, “होव, काहाकि चे आपना आखा मेहनतसी आराम कोरसे, तिंदरा कामे हिंदरे साते जात रोयतला छे.”

प्रकाशित वाक्य 8:13

जेतार मे पोछु देख्यू, ती सोरगोन इचमा एक घुवळ काजे उळतलु एने उचला बुलोसी यो कोयतलु सोमव्यू, “तीना तीन सोरग दूतोन फेपाऱ्यान बुलोन वोजेसी, जिंदरो फुकनो हिमी बाकी छे, कोवीन रोयने वावा पोर हाय, हाय, हाय.”

प्रकाशित वाक्य 8:2

तेत्यार मे तीनु सात सोरग दूतो काजे देख्यू जे परमेश्वर ओगोव उभा रोयतला छे, एने तीनु काजे सात फेपाऱ्यो आपाय गोया.