1 थिस्सलुनीकियो 3:8 - बारेली पावरी

⁸ काहाकि हिमी ओगर तुमु प्रभूमा पाका रोयू ती आमु जीवतला छे.

1 थिस्सलुनीकियो 3:8 ပူးပေါင်းရင်းမြစ်များ

योहान 15:4

तुमु मारेमा जुळायीन रोयू, एने मे तुमरेमा जोसी डावी आंगुरोन वेलामा जुळायीन नि रोये ती आपना खुदोसी नि फोव सोकतली, तोसोच तुमु बी कोबी मारेमा जुळायीन नि रोये ती नि फोव सोकतला.

योहान 15:7

ओगर तुमु मारेमा जूळायीन रोये एने मारो वचन तुमरेमा बोनीन रोये, ती जो जुवे मांगु एने चो तुमरेन कोरता होय जासे.

योहान 8:31

तेत्यार येसु तीनु यहुदिनुक जे येसु पोर भुरसू कोरता होता, कोयू, ओगर तुमु मारा वचन पोर टेकिन रोयसे, ती छाचलीन मारा चेला ठेरायसु.

प्रेषित 11:23

जेतार चू चा पुगीण परमेश्वरोन मोंगोक देखिन चू खुश होय गोयू एने चू तीनु आखा काजे उत्साहित कोरणे बाज गोयू कि चे पुरा मोनोसी प्रभूनचा चीटकिन रोये.

1 कुरीन्थियो 15:58

इनान कोरता हे मारा मोंगावा भाशो, पाका एने जागेत रोयू, एने प्रभून कामोमा आखामा बोढता जावू, काहाकि यो जानतला छे कि तुमरो मेहनत वायबार नी होय.

1 कुरीन्थियो 16:13

जागता रोयू, भुरसामा पाका रोयू, माणसो सारखा रोयू, ताकत वावा बोनु.

गलातियों 5:1

मसिह आजादोन कोरता आपु काजे आजाद कोरलु छे हिमी तोक इनामा पाका रोयू, एने गुलामोन हातोमा ओवी पोसा मा जावू.

इफिसीयो 3:17

एने भुरसान लारे मसिह तुमरे मोनोमा बोसे कि तुमु मोंगोक वातडो धोरीन एने पायु घालीन.

फिलिप्पि 1:21

काहाकि मारेन कोरता जीवतु रोयनो मसिह छे एने मोर जानो फायदू छे.

फिलिप्पि 1:27

निसतो ओतरो कोरु कि तुमरो चाल चलन मसिहन वारली खोबरोन लायक रोये कि मे आवीन तुमुक देखो, नीती नी बी आवो, तुमरे बारामा सोमवो कि तुमु एकुत आत्मामा पाका रोयू, एने एक मोन होयीन वारली खोबरोन भुरसान कोरता मेहनतोन कोरता रोयतला.

फिलिप्पि 4:1

इनान कोरता हे मारा मोंगावा भाशो जीनामा मारो मोन लागलो रोयतेलो छे, जो मारो खुशी एने मुकुट होये, हे मोंगावा भाशो प्रभूमा इना रितीसी बोनला रोयू.

कुलुस्सि 1:23

अगर तुमु भुरसान पाया पोर पाका उबरोय रोये एने तीना वारली खोबरोन आस काजे जिनाक तुमु सोमवला छे मा छुळू, जिनान वारली खोबर सोरगोन नेळो आखो जोगोमा कोराय गोयो एने जेरू मे पौलुस सेवक बोन्यू.

1 थिस्सलुनीकियो 3:7

इनान कोरता हे भाशो, आमु आपना आखा दुख एने तोकलीतमा तुमरा भुरसासी तुमरे बारामा शांती जोळी.

इब्रानियो 10:23

आवू आपु आपनी आसोन अंगीकार काजे पाका बोनीन हिंमतसी धोर रोयू काहाकि जू वायदू कोऱ्यु कि चू खोरलो छे.

इब्रानियो 3:14

अगर आमु आपना पेहेला भुरसा पोर आखरी तोक मजबुतीमा पाका रोये ती आमु मसिहन भागीदार बोन गोयला छे.

इब्रानियो 4:14

जेतार कि आपनु ओसू मोटलु महायाजक छे, जू सोरगोमा गोथू होयीन गोयू, मतलब परमेश्वरोन पुऱ्यु येसु, ती आवू आपनु आपना स्वीकारला काजे मजबूत धोरीन रोयसू.

1 पतरस 5:10

तुमु इतरीक वार तोकलीत झेलीन आखो दयान परमेश्वर छे, जू तुमु काजे येसु मसिहमा तेरी ओमोरकाईन महिमान कोरता बुलावलु, चू खुद तुमु काजे सिद्ध, पाक्का ताकत वावा एने स्थिर कोरसे.

2 पतरस 3:17

इनान कोरता हे मोंगावा तुमु माणसे पेहेलेत गोथा इनी वातो काजे जानीन हुशार रोयू काहाकि अधोरमी पापोमा फोसीन आपना स्थिरता काजे काहीन हातोमा गोथो मा खुवू.

प्रकाशित वाक्य 3:11

मी तेत्यारुत आवने वावु छे; जो काय तारे जुव छे तीनाक रुकायीन मेक कि कुदू तारू मुकुट हापकी नि लेये”.

प्रकाशित वाक्य 3:3

इनान कोरता फोम कोर कि तू कोसली शिक्षा हासील कोरलु छे एने सोमवलू होतु, एने तीनामा बोनीन रोय एने मोन फिराव कोदा माईन तू जागतू नी रोये ती मे चुटा सारखो आव लागीस, एने तू कोदि नी जान सोके कि मे कानले टेमे तारेनचा आव लागीस.