1 थिस्सलुनीकियो 3:3 - बारेली पावरी

³ कि कुदु इना तोकलीतोन वोजेसी कोमजुर नी होय जाय काहाकि तुमु खुद जानतला छे कि आमु इंदरेन कोरता ठेरावला छे.

1 थिस्सलुनीकियो 3:3 ပူးပေါင်းရင်းမြစ်များ

लुका 21:12

बाकीन इनी आखी वातोसी पेहेले चे मारे नावोन वाजेशी तुमु काजे धोरसे, एने तोकलीत देसे, एने पंचायतोन हवाले कोरसे, एने जेलमा घालाड देसे, एने राजा एने पुढारीन सामने लीजासे.

योहान 16:2

चे तुमु काजे प्रार्थना घोरोमा गोथो निकाव देसे, बाकीन ची टेम आवली छे, कि जो कुदु तुमुक मार नाखसे चू समजसे कि मे परमेश्वरोन सेवा कोरतेलु छे.

योहान 16:33

मे जे वाते तुमु काजे इनान कोरता कोयलु छे कि तुमुक मारेमा शांती जोळे जोगोमा तुमुक दुख होयतलो छे, बाकीन हिंमत धरु, मे जोगो काजे जीक लेदलु छे.

प्रेषित 14:22

एने चेलान मोनो काजे पाका कोरता एने भुरसामा टीकिन रोयनु जुवे कोरीन तीनु काजे धीर आपता गोया, “आमु काजे जुदो तोकलीत कोरीन परमेश्वरोन राजमा जाणो छे.”

प्रेषित 2:25

काहाकि दाऊद तेरे बारामा कोयु कि “मी प्रभू काजे हमेशा आपने साते देखतू रोयू, काहाकि चू मारे जेवळे धोळे छे, ताकि मे पोळी नि जाम.”

प्रेषित 21:11

चू आमरेनचा आवीन पौलुस काजे तेरे साते लीन तेरु कोळ्यान पोटटू लीन तेरा हात पाय बांधिन कोयू, “पवित्र आत्मा यो कोयो कि जिना माणसोन यो कोळ्यान पोटटू छे, तीना काजे यरुशलेममा यहुदि इना रितीसी बांधसे, एने परराष्ट्रीयान हातोमा आप देसे.”

प्रेषित 21:13

बाकीन पौलुस जोवाब आप्यू, “तुमु काय कोरणे बाज रोया कि रोडी-रोडीन मारो मोन दुखाळतला? मे ते प्रभू येसुन नावोसी यरुशलेममा नि सुतू बांधायनेन नी बाकीन मोरनेन कोरता बी तीयार छे.”

प्रेषित 9:16

एने मी तीनाक देखाळीस कि मारा नावोन कोरीन तीनाक कोतरो दुख सहन कोरनो पोळसे.

रोमी 5:3

निस्तु योत नी, बाकीन आमु तोकलीतमा भी मोटाय कोरु यो सोमजीन कि तोकलीतसी धीर,

1 कुरीन्थियो 15:58

इनान कोरता हे मारा मोंगावा भाशो, पाका एने जागेत रोयू, एने प्रभून कामोमा आखामा बोढता जावू, काहाकि यो जानतला छे कि तुमरो मेहनत वायबार नी होय.

1 कुरीन्थियो 4:9

मारा सोमोजमा परमेश्वरोन आमु प्रेषित काजे आखान ओवतेन तिना माणसोन सारखो ठेरावला छे, जिंदरो मोरनेन आग्या होय गोयली छे; काहाकि आमु जोग एने सोरग दूत एने प्रेषितोन कोरता तोमासु ठेरला छे.

इफिसीयो 3:13

इनान कोरता मे विनता कोरो कि जो दुख तुमरेन कोरता मेसे काजे होय रोयो तेरे वजेसी हिंमत मा छुळू काहाकि तीनामा तुमरी महिमा छे.

फिलिप्पि 1:28

एने कानलीत वातोमा विरोधीसी बिक नी लागतलो, यो तिंदरेन कोरता छुटकारान एने यो परमेश्वर तोरोफसी छे.

कुलुस्सि 1:23

अगर तुमु भुरसान पाया पोर पाका उबरोय रोये एने तीना वारली खोबरोन आस काजे जिनाक तुमु सोमवला छे मा छुळू, जिनान वारली खोबर सोरगोन नेळो आखो जोगोमा कोराय गोयो एने जेरू मे पौलुस सेवक बोन्यू.

1 थिस्सलुनीकियो 5:9

काहाकि परमेश्वर आपनुक रीसोन कोरता नि, बाकीन एरेन कोरता ठोरावला छे कि आमु खुद प्रभू येसु मसिहन लारे छुटकारू हासील कोरे.

2 थिस्सलुनीकियो 1:4

या तोक कि आमु खुद परमेश्वरोन मंडवीमा तुमरा बारामा घोमंड कोरतेला कि जेतार संकट एने तोकलीत तुमु सोहोन कोरतेला इनू आखामा तुमरू धीर एने भुरसू देखायतलु छे.

2 तीमथी 1:8

इनान कोरता आत्मा प्रभून गोवायी सी एने माही सी जू तेरु बंदी छे लज्जीत नी होये बाकीन इना परमेश्वरोन ताकतोन ओनसारे वारली खोबरोन कोरता मारे पुठी दुख वेठ्या.

1 पतरस 2:21

एने तुमु एरेन कोरता बुलावला छे, काहाकि मसिह भी तुमरेन कोरता दुख झेलीन तुमु काजे एक वारलो नमुनु आपीन गोयलु छे, कि तुमु भी तिंदरा पायोन निशानी पोर चालू.

प्रकाशित वाक्य 2:10

जे दुख तुसेक झेलणो पोळसे, तीनु काजे मा बिहे काहाकि देखू, भुतडू तुमरेमा गोथू काहनास काजे जेल खाणामा घालणेमा छे, काहाकि तुमु पारखाय जावू एने तुमु काजे दोस दाहळा तोक दुख झेलणो पोळसे जीव आपता तोक विश्वासी रोयजी, ती मे तुसेक जीवनोन मुकुट आपीस.

प्रकाशित वाक्य 2:13

मे जो जानतलु छे कि तू चा रोयतलु छे, जा भुतडान सिहासन छे; तू मारा नावो पोर चात रोयतलु छे, एने मार पोर भुरसू कोरणेसी तीनु दुयूमा बी पोछु नी होट्यु, जीनामा मारा भुरसान लायक गोवाह अन्तिपास, तुमरे इचमा तिना जागा पोर खुन कोराय गोयू, जा भुतडू रोयतलु छे.”