1 थिस्सलुनीकियो 2:6 - बारेली पावरी

⁶ एने हांजू तोक आमु मसिहन प्रेषित होयनेन वोजेह तुमरे पोर बोझ नाख सोकता होता ते बी आमु माणसो जुव गोथा मान सन्मान नी मांगता होता, एने नी तुमरे जुव गोथा नी एने कुदा जुव गोथा.

1 थिस्सलुनीकियो 2:6 ပူးပေါင်းရင်းမြစ်များ

योहान 12:43

काहाकि माणसो भूनी गोथी गोवायी तीनु काजे परमेश्वर भूनी गोथी बोढाईन आस जादा मोंगावी लागती होती.

योहान 5:41

मेसेक माणसोजू गोथू मान नि जुवतू.

योहान 5:44

तुमु जो एक दिसरासी मान जुवे ती एने चो आदर जो एक मात्र परमेश्वर जू गोथो छे, नि जुवतलो, कहानला रितीसी भुरसू कोर सोकतला छे?

योहान 7:18

जू आपनेनचा गोथो काहीन कोरतेलु छे, चू आपनीत बोढाई चाहतलु छे; बाकीन जो आपुक मुकलने वावान महिमा जुवतली छे चू खोरलू छे, एने तीनामा अधोरमोन नि होय.

1 कुरीन्थियो 11:9

एने ओदमी बायरोन कोरता नी तीयार कोराय गोयू, बाकीन बायर ओदमीन कोरता तीयार कोराय गोयली छे.

2 कुरीन्थियो 13:10

इनान वोजेसी मे तुमरा वासा पोछोव जी वात सिकाळो, कि जागे रोयीन मेसेक तिना होकोन अनसारे जिनान प्रभू बिगाडनेन कोरता नी बाकीन बोनावनेन कोरता मेसेक आपलु छे, कोळक रितीसी काहीन कोरनो नी पोळे.

2 कुरीन्थियो 4:5

काहाकि आपनु काजे बी बाकीन येसु मसिह वारली खोबर प्रचार कोरतेला कि चू प्रभू छे; एने आपना बारामा यो कोयतेला कि आमु येसुन वोजेसी तुमरा सेवक छे.

गलातियों 1:10

हिमी मे काय माणसोक मोनावतलु नीती परमेश्वर काजे? काय मे माणसो काजे खुश कोरणेन मारी मोर्जी छे? ओगर मे हिमी तोक माणसो काजे खुश कोरतू रोयतू ती मसिहन दास नी रोयतू.

गलातियों 5:26

आपनु घोमंडी होयीन एक दिसरा काजे मा छेळू एने एक दिसरा पोर रीस मा कोरु.

गलातियों 6:13

काहाकि सुंता कोरणे वावा खुद ते नियमोपोर नि चालतला पुन तुमरी सुंता एरेन कोरता कोरणे हेरतेला कि तुमरो डीलोन हालत पोरसी घोमंड कोरे.

1 थिस्सलुनीकियो 2:9

काहाकि हे भाशो तुमु आमरा कामोन एने मेहनतोन फोम कोरतेला; आमु ते इनान कोरता रात दाहळू काम धोंदू कोरता जायीन तुमरेमा परमेश्वरोन वारली खोबरोन प्रचार कोऱ्या कि तुमरे मायला कुदा पोर भार नी पोळे.

1 तीमथी 5:17

जे डाह-डाहा वारला पुरती कोरतेला छे, खास कोरीन चे जे वचन सोमवाळने एने सिकाळनेमा मेहनत कोरतेला छे, दुय गुणा आदरन लायक समजनो जुवे.