1 थिस्सलुनीकियो 2:5 - बारेली पावरी

⁵ काहाकि तुमु जानतला छे कि आमु ते कोबी कोपटी वाते नि कोऱ्या, एने नि कोबी लालुचोन कोरता, बाहानो कोरता होता, परमेश्वर गोवा छे;

1 थिस्सलुनीकियो 2:5 ပူးပေါင်းရင်းမြစ်များ

मत्ती 22:16

ओवतेन चे आपना चेलानुक हेरोदोन हाते येसुनचा यो कोयने मुकल्या कि, “हे गुरु, आमु जानतेला कि तू खोरलु छे, एने परमेश्वरोन वात खोरला रितीसी सीखाळतलु, एने कुदान पोरवा नी कोरतेलू, काहाकि तू माणसोन मूय देखीन वाते नी कोरतेलू.”

मत्ती 23:13

“हे दोगावा शास्त्री एने फरुशी, तुमरे पोर हाय तुमु माणसोन कोरता सोरगोन राजोन झोपलू बोंद कोरतेला नीती खुद मा जाणेन नी कोरतेला एने तीनामा जे जाणेन कोरतेला तीनु काजे जाणे नी देतला.”

प्रेषित 20:33

मे काहना काहनासोन चांदी, सोनो नीती छिंदरा लालूच नी कोऱ्यु.

रोमी 1:9

परमेश्वर जेरी सेवामा आपनी आत्मा काजे तेरा पुऱ्यान वारली खोबरोन बारामा कोयतेला छे होयुत मारू गोवा छे कि मी तुमु काजे काहना रितीसी हमेशा फोम कोरतू रोयतेलू.

रोमी 16:18

काहाकि ओसला माणसे आमरा प्रभू मसिहन नी, बाकीन आपना पेटोन सेवा कोरतेला छे; एने चिकनी चूपडी वातोसी सुदा-सादा मोनोन माणसो काजे बोहोकाव देतला.

रोमी 9:1

मे मसिहमा खोरो कोयो, मे झूट नी बुल रोयू एने मारी सद विवेक बुद्धी बी पवित्र आत्मान गोवायी आपतली.

2 कुरीन्थियो 12:17

भोलोत, जीनुक मे तुमरेनचा मूकल्यु, काय हीनुमा गोथा काहनासून लारे नी छोळ कोरीन तुमरेसी काहीन ली लेदू?

2 कुरीन्थियो 2:17

काहाकि आपनु तीनु घोणा सोवटान सारखा नी जे परमेश्वरोन वचनमा भेसकायने कोरतेला छे; बाकीन मोनोन खोरलासी एने परमेश्वर भूनी गोथो परमेश्वर काजे आपने साते छे जानीन मसिहमा बुलतेला छे.

2 कुरीन्थियो 4:2

बाकीन आमु लाजोन डूकायला कामो काजे छुळ देदा एने नी हुशारी चालता एने नी परमेश्वरोन वचनमा भेसोक कोरतेला; बाकीन खोरला काजे सामने लावीन परमेश्वरोन सामने होर एक माणसोन सद्वी विवेक बुद्धीमा तिंदरी भोलाई बोसाळतला छे.

2 कुरीन्थियो 7:2

आमुक तुमरा मोनोमा जागू आपु, आमु नी कुदा साते अन्याय कोऱ्या, नि कुदा काजे बिगाड्या, एने नि कुदा काजे ठोग्या.

गलातियों 1:20

जे वाते मे तुमु काजे लिखने बाज रोयू, देखू परमेश्वरोन उपस्थीती जानीन कोयो कि चे झुटा नी होय.

1 थिस्सलुनीकियो 2:10

तुमु खुद गोवा रोयू एने परमेश्वर बी गोवा छे कि तुमु विश्वासीन आमरू वेहवार कोसू पवित्र एने धोरमी एने निरदोष होयनो जुवे.

1 तीमथी 3:3

दारकुट्यू या ठूकने वावू नि रोयनो जुवे; बाकीन सुवावू रोये, एने नी झगळावू, नी पोयशान लालची रोये.

1 तीमथी 3:8

तोसोत सेवक काजे भी वातळा होयनो जुवे, इमानदार सी चालन्यू, मोंदळ्यु एने भुंडला कामोन कोमाय कोरने वावू एने लालची नी जुवे;

तीतुस 1:7

काहाकि पुढारी काजे परमेश्वरोन भंडारी होयनेन वजा निरदोष होयनो जुवे, नि जिद्दी, नि रीसावू, नि मोंदळ्यु, नि लोळाय कोरणे वावु, एने भुंडला कोमायीन लालच्यु नि रोयनो जुवे.

1 पतरस 5:2

कि आपना इचमा परमेश्वरोन टूवान राखवावी कोरो, एने जो कानला दोबावसी नि बाकीन परमेश्वरोन मोर्जीन अनसारे खुशीसी, गोलोत कोमायीन कोरता नि बाकीन मोन लागाळीन कोरु.

2 पतरस 2:18

चे वायबार मोटायन वाते कोरीन लुचळान कामोन लारे, तिना माणसोन डीलोन भुंडली मोर्जी आपतला छे जे भोटकलामा गोथा हिमी निकवनेण बाजरोयला छे.

2 पतरस 2:3

चे लुबोन कोरता वाते गाळीन तुमु काजे आपना लाभोन कोरता बोनावसे, एने तिंदरा पोर पेहेलेसी होय रोई तेरे आवनेसी काहीन टेम नि होय, एने तिंदरा नाश सुवतलु नि.

यहुदा 1:11

तिंदरे पोर हाय काहाकि चे केनोन तोसी चाल चाले, एने दाहाळकीन कोरता बिलामोन तोसा खतोम होय गोयला छे, एने कोरहन तोसा खिलाप होयीन खतोम होय गोयला छे.