1 थिस्सलुनीकियो 2:4 - बारेली पावरी

⁴ बाकीन जोसू परमेश्वर आमुक खोरलो ठेरावीन वारली खोबर सोप्यू, आमु तोसोच वर्णन कोरतेला, एने इनाम माणसो काजे नी, बाकीन जो परमेश्वर काजे जो आमरा मोनो काजे पारखतलो खुश कोरतेला.

1 थिस्सलुनीकियो 2:4 ပူးပေါင်းရင်းမြစ်များ

लुका 12:42

प्रभू कोयू, “चू विस्वासयोग्य एने बुद्धीमान भंडारी कून छे, जेरु मालिक तीनाक नोवकोर चाकोर पोर सरदार ठेरावे, कि तीनुक टेम पोर खाणेन समान आप देय.

लुका 16:11

इनान कोरता जेतार तुमु अधोरमोन धोनमा खोरला नि ठेराये, ती खोरलो धोन तुमुक कून सोपसे?

योहान 21:17

चू तिसरे कावार तीना काजे कोयू, “हे शिमोन, योहानोन पुऱ्यु, काय तू मार पोर मोंग कोरतेलू छे?” पतरस नाराज होयू कि येसु हिना काजे तिसरी कावार ओसू कोयू, “काय तू मार पोर मोंग कोरे?” एने तीना काजे कोयू, “हे प्रभू, तुते आखो काय जानतलु छे; तू यो जानतलु छे कि मे तार पोर मोंग कोरतेलू छे” येसु तीना काजे कोयू, “मारा गाडरा काजे चार.

रोमी 8:27

एने मोर्जी पारखने वावू मालूम छे कि आत्मा मोन काय छे? काहाकि चुखला माणसोन कोरता परमेश्वरोन मोर्जीन अनसारे विनता कोरो.

1 कुरीन्थियो 7:25

छोल्लान बारामा काहीन आग्या मेसेक नी जोडी बाकीन भुरसान लायक होयनेन कोरता जोसी दया प्रभू मार पोर कोरलु छे, तेरेत अनसारे सहमती आपो.

1 कुरीन्थियो 9:17

काहाकि कोबी मारी मोर्जीसी यो कोरो ती दाहाळकी मेसेक जोळतली छे, एने कोदि मारी मोर्जीसी नी कोरतू, तीबी पुढारीपोन मेसेक सोपाय गोयलो छे.

2 कुरीन्थियो 2:17

काहाकि आपनु तीनु घोणा सोवटान सारखा नी जे परमेश्वरोन वचनमा भेसकायने कोरतेला छे; बाकीन मोनोन खोरलासी एने परमेश्वर भूनी गोथो परमेश्वर काजे आपने साते छे जानीन मसिहमा बुलतेला छे.

2 कुरीन्थियो 4:2

बाकीन आमु लाजोन डूकायला कामो काजे छुळ देदा एने नी हुशारी चालता एने नी परमेश्वरोन वचनमा भेसोक कोरतेला; बाकीन खोरला काजे सामने लावीन परमेश्वरोन सामने होर एक माणसोन सद्वी विवेक बुद्धीमा तिंदरी भोलाई बोसाळतला छे.

2 कुरीन्थियो 5:11

इनान कोरता प्रभून बिक धोरीन आपना माणसो काजे सोमजाडतेलु; बाकीन परमेश्वर पोर आपनो हाल सामने छे, एने मारी आस जी छे कि तुमरा विवेक बुद्धीपोर बी सामने आव्यो होसे.

2 कुरीन्थियो 5:16

आखरी, हिमी गोथा कुदा काजे डीलोन अनसारे सोमजी रोया होता अगर आपु मसिह काजे बी डीलोन तोसा जानता होता ते बी हिमी गोथा हिना काजे तोसो नी जाने.

गलातियों 1:10

हिमी मे काय माणसोक मोनावतलु नीती परमेश्वर काजे? काय मे माणसो काजे खुश कोरणेन मारी मोर्जी छे? ओगर मे हिमी तोक माणसो काजे खुश कोरतू रोयतू ती मसिहन दास नी रोयतू.

गलातियों 2:7

बाकीन इंदरे सीवाय जेतार चे देख्या कि जोसा सुंता कोरला माणसोन कोरता वारली खोबरोन काम पतरस काजे सोप देदला होता, तोसोच देणे वावान कोरता मेसेक वारली खोबर सोमवाळने काम सोपाय गोयो.

इफिसीयो 3:8

मारे पोर जे चुखला माणसो मायला नानासी ते नानू यो मोंग होयो कि मे दिसरा जातीन काजे मसिहन घोन मोटो धोनोन वारली खोबर सोमवाळे.

इफिसीयो 6:6

माणसो काजे खुश कोरणे वावा सारखो चाकरी नी कोरीन पुन मसिहन दास सारका मोनसी परमेश्वरोन मोर्जी पोर चालू.

कुलुस्सि 3:22

हे सेवक, जे डीलोन अनसारे तुमरा मालिक छे, आखान वातोमा तिंदरा आग्यान पालन कोरु, माणसो काजे खुश कोरणे वावान सारखो देखायनेन कोरता नी, बाकीन मोनोक सुदो एने परमेश्वरोन बिकोसी.

1 तीमथी 6:20

हे तीमथी जो तुसेक आपलो छे तेरी राखवावी कोर; एने जिना ग्यान काजे ग्यान कोयनेन भूल छे, हेरी भुंडली वात एने खिलापोन वातोन गोथू ओलोग रोये.

2 तीमथी 1:14

इनी पवित्र आत्मान लारे जो आमरेमा बोसलो छे, इना वारला सेवा राखवावी कोर.

2 तीमथी 2:2

एने जे वाते तू लोकेत गोवाय सामने मारेंचा गोथू सोमवतलु छे, तीनुक विश्वासी मोनसी काजे सोप दे; जे दिसरा काजे बी सिकाळनेन लायक छे.

तीतुस 1:3

बाकीन सही टेमो पर तेरा वचन काजे तिना प्रचारन लारे प्रगट कोऱ्यु, जू आमरू छुटकारू आपनेवावा परमेश्वरोन आग्यान अनसारे मेसेक सोपायलो छे.

इब्रानियो 4:13

जेरो आमु काजे हिसाब आपनु छे, तेरी नोजोरमा काहनुस जोनावर डीकायलु नी होय तेरा डूवा ओगोव आखो काहीन उगाळलो एने देखायलो छे.

1 पतरस 4:11

जू भी आदेश आपे, चू ओसो आपे माणू परमेश्वरो जून वचन आपलु छे, जू सेवा कोरे तिना ताकत से कोरु जो परमेश्वर आपतलु छे, जीनासी आखा वातोमा येसु मसिहन लारे परमेश्वरोन महिमा होयसे, महिमा एने होक कायम तेरोत छे. आमेन.

प्रकाशित वाक्य 2:23

मे हेरा पुऱ्या काजे मार नाखीस; तेत्यार आखा मंडव्या जान लेसे कि मोन एने मोन पारखने वावू मेत छे, एने मे तुमु होर एक काजे तेरे कामोन अनसारे बोदलु आपीस.