1 थिस्सलुनीकियो 2:16 - बारेली पावरी

¹⁶ एने चे दिसरा जातीसी तिंदरू छुटकारान कोरता वाते कोरणेसी आमुक रुके कि कायम आपना पापोन माप भोरता रोये; पुन तीनु पोर परमेश्वरोन घोन मोटू दोंड आवतेलु छे.

1 थिस्सलुनीकियो 2:16 ပူးပေါင်းရင်းမြစ်များ

मत्ती 12:45

तेत्यार चू जायीन तेर गोथी सात भुंडली आत्मा काजे तेरे साते लीन आवतेली, एने चे चा वास कोरे एने तिना माणसोन पेहली दशासी पोछली दशा जादा भुंडी होय जातली छे. इनी कोवीन भुंडला माणसोन हालत बी ओसीत होयसे.”

मत्ती 23:32

आखरी तुमु आपना बाप दादान पापोन घोळू भोर देवू.

मत्ती 24:14

एने राज्यान जी वारली खोबर आखा जोगोमा प्रचार कोराये जासे कि आखा जाती पोर गोवायी होये, तेत्यार आखरी आव जासे.

मत्ती 24:6

तुमु लोळाय एने लोळायीन वाते सोमवसु, ती बिहता झुनी काहाकि इंदरो होयनो जोरुरी छे, बाकीन तिनी टेमे आखरी नि होये.

मत्ती 3:12

तेरो सुपळो तेरा हातोमा छे, एने चू आपना खोवा काजे वारला रितीसी साफ कोरसे, एने आपना गोहू काजे ते कुठीमा एखठो कोरसे, बाकीन भूसाक तिना आगठामा धोपाळसे जो उलाये नि.

मरकुस 16:16

जू भुरसू कोरे एने बाप्तिस्मा लेये तेरूत छुटकारू होयसे, बाकीन जू भुरसू नी कोऱ्या चा गुणावा ठेराय जासे.

प्रेषित 13:45

बाकीन जेतार यहुदि भिळ काजे देख्या ती चे हेवाय कोरणे बाज गोया एने बुराई कोरता जायीन पौलुसोन कोयली वातो काजे रुकने बाज गोया.

प्रेषित 13:50

बाकीन यहुदि भोक्त एने कुलीन बायर एने सोहोरोन अधिकारी काजे भोनकाव्या एने पौलुस एने बरनाबास काजे तोकलीत आपीन गावोन बारथे निकाव देदा.

प्रेषित 14:19

बाकीन अन्ताकिया एने इकुनियुम गोथा यहुदि आव्या एने चे गोरदी काजे आपने भूनी वावीन पौलुस काजे दोगळा देदा एने तीनाक मोर गोयू सोमजीन गावोन बारथे घिसळीन लीजायीन नाख देदा.

प्रेषित 14:2

बाकीन जे यहुदि भुरसू नि कोऱ्या, चे दिसरा जातीन मोनोमा भुंडली वाते भोराइन तिंदरा मोनोमा भाशोन विरोधमा भोळकाव्या एने भुंडलो कोय देदा.

प्रेषित 14:5

बाकीन जेतार दिसरा जाती मायला एने यहुदि तीनुक बोदनाम एने तीनु काजे दोगळा देणे कोरता तिंदरा सरदार साते दौडीन गोया.

प्रेषित 17:13

बाकीन जेतार थेस्सलुनीका वावा यहुदि जान लेदा कि पौलुस बिरीयामा बी परमेश्वरोन वचन सोमवाळतलु, ती चा बी आवीन माणसो काजे उचकावने एने गरबळ कोरणे बाज गोया.

प्रेषित 19:9

बाकीन जे काय माणसे काठला बोनीन तेरी नी मान्या नी तेत्यार माणसोन सामने तिनी वाट काजे बुरो कोयने बाज गोया, ती चु तीनु काजे छुळ देदु एने चेला काजे ओलोग कोर देदू, एने दाहळीन तुरनूस शाळामा वाद विवाद कोऱ्या कोरतू होतु.

प्रेषित 21:21

तीनु काजे बायरामा सिकाळ देदला छे कि तू दिसरा जातीमा रोयने वावा यहुदिया काजे मुसा पोछु फिरनेन सिकाळतलु, एने कोयतेला कि आपना पुऱ्यान सुंता कोरावू एने तिनी रिती पोर चालु.

प्रेषित 23:12

जेतार दाहळू उग्यु ती यहुदि योजना बोनाव्या एने कोसोम खादा कि जेतार तोक पौलुस काजे मार नि नाखजे तेत्यार तोक नि खाजे नि पीजे.

प्रेषित 24:9

यहुदि तीनाक साथ देता जायन कोया जी वात इना रितीसी छे.

प्रेषित 25:2

तेत्यार डाहालू पुजारू एने यहुदिन पुढारी माणसे पौलुस पोर यरुशलेम फिर्याद विनता कोऱ्या.

प्रेषित 25:7

तेरेनचा चा पुगणे पोर यरुशलेममा गोथा आवला यहुदि तेरेनचा धोळे उबरोय गोया एने तीना पोर भुंडला गुणू लागाळने बाज गोया जेरो तिंदरे जुव काहनो सबूत नि होतु.

प्रेषित 4:12

काहनास दिसरान लारे छुटकारू नी होय काहाकि सोरगोन तोवे एने माणसोमा दिसरो नाव नी आपायलो छे जिनान लारे आमुक छुटकारू जोळे.

प्रेषित 9:23

जेतार लोकेत दाहळा जात रोया ती यहुदि आखा मेवीन तीनाक मारनेन डाव धोऱ्या.

1 कुरीन्थियो 10:33

जोसू मे बी आखा वातोमा खुश रोयतलु छे, एने आपनो नी बाकीन जादा जोनान फायदु हेरतलु छे कि तीनुक छुटकारू जोळे.

गलातियों 5:11

बाकीन हे भाशो, ओगर मे हिमी तोक सुंतान प्रचार कोरो ती काहा हिमी तोक मेसेक सताव रोया? तेत्यार ते ख्रुसोन ठूकर जादा रोयो.

इफिसीयो 3:13

इनान कोरता मे विनता कोरो कि जो दुख तुमरेन कोरता मेसे काजे होय रोयो तेरे वजेसी हिंमत मा छुळू काहाकि तीनामा तुमरी महिमा छे.

इफिसीयो 3:8

मारे पोर जे चुखला माणसो मायला नानासी ते नानू यो मोंग होयो कि मे दिसरा जातीन काजे मसिहन घोन मोटो धोनोन वारली खोबर सोमवाळे.

1 थिस्सलुनीकियो 1:10

एने तेरा पुऱ्यान सोरगोपोर गोथू आवनेन वाट जुवता रोयू जीनाक चू मोरलामा गोथू जीवाळ्यु, मतलब येसुन, जो आवने वावा मोटला दोंडोन गोथो वाचाडलो छे.

2 थिस्सलुनीकियो 2:10

एने नाश होयने वावान कोरता अधोरमोन आखा रितीन धोका साते होयसे; काहाकि चू खोरला पुठी मोंग नि कोऱ्यु जिनासी तेरु छुटकारू होयतलु.

1 तीमथी 2:4

जो यु चाहतलु कि आखा माणसोन छुटकारू होये एने खोरला काजे वारू रितीसी जान लेये.

इब्रानियो 6:8

बाकीन अगर ची काटा कुसवा उगाळे ती ची रिकामी एने शापित होयने पोर एने तेरो आखरी धोपाळनो छे.

प्रकाशित वाक्य 22:11

जू अन्याय कोरतेलू छे, चू अन्यायुत कोरतू रोये; एने जू भुंडलु छे, चू भुंडलुत बोनीन रोये; एने जू धोरमी छे, चू धोरमी बोनीन रोये; एने जू पवित्र छे; च चुखला बोनीन रोये.”