1 थिस्सलुनीकियो 2:14 - बारेली पावरी

¹⁴ इनान कोरता तुमु, हे भाशो, परमेश्वरोन मंडवीन तोसी चाल चालने बाज गोया जे यहुदिमा मसिह येसुमा छे, काहाकि तुमु बी तुमरा माणसोनचा गोथा दुख झेलला छे, जोसा चे यहुदिनचा गोथा लेदला छे.

1 थिस्सलुनीकियो 2:14 ပူးပေါင်းရင်းမြစ်များ

प्रेषित 11:19

आखरी, माणसे तिना तोकलीतोन वोजेसी जे स्तेफनुसोन बारामा सुरवात होयली होती वेर-वेर होय गोया, चा फिरता-फिरता फीनीके एने साईप्रस एने अन्ताकियामा पुग्या, बाकीन यहुदिक छुळीन दिसरा काजे वचन नि सोमवाळता होता.

प्रेषित 13:50

बाकीन यहुदि भोक्त एने कुलीन बायर एने सोहोरोन अधिकारी काजे भोनकाव्या एने पौलुस एने बरनाबास काजे तोकलीत आपीन गावोन बारथे निकाव देदा.

प्रेषित 14:19

बाकीन अन्ताकिया एने इकुनियुम गोथा यहुदि आव्या एने चे गोरदी काजे आपने भूनी वावीन पौलुस काजे दोगळा देदा एने तीनाक मोर गोयू सोमजीन गावोन बारथे घिसळीन लीजायीन नाख देदा.

प्रेषित 14:2

बाकीन जे यहुदि भुरसू नि कोऱ्या, चे दिसरा जातीन मोनोमा भुंडली वाते भोराइन तिंदरा मोनोमा भाशोन विरोधमा भोळकाव्या एने भुंडलो कोय देदा.

प्रेषित 14:4

बाकीन देसो मायला माणसोमा फुट पोळ गोयी जीनाम गोथा काहीन यहुदिन पक्षामा एने काहना प्रेषितोन पक्षामा होय गोया.

प्रेषित 14:5

बाकीन जेतार दिसरा जाती मायला एने यहुदि तीनुक बोदनाम एने तीनु काजे दोगळा देणे कोरता तिंदरा सरदार साते दौडीन गोया.

प्रेषित 17:13

बाकीन जेतार थेस्सलुनीका वावा यहुदि जान लेदा कि पौलुस बिरीयामा बी परमेश्वरोन वचन सोमवाळतलु, ती चा बी आवीन माणसो काजे उचकावने एने गरबळ कोरणे बाज गोया.

प्रेषित 18:12

जेतार गल्लीयो अखाया देसोन सरदार होतो ती यहुदि माणसे एक घोरोमा पौलुस पोर चोळीन आव्या, एने तीना काजे नियाव कोरनेन जागा पोर सामने लावीन कोयने बाज गोया.

प्रेषित 8:1

शाउल तेरी मोत सी सहमत होतु, तिने दाहळे यरुशलेमोन मंडवी पोर मोटूत छोळोन सुरवात होय गोयी एने प्रेषितोन काजे छुळीन आखान आखा यहुदिया एने सामरिया देसोमा तितर-बीतर होय गोया.

प्रेषित 8:3

शाउल मंडवी काजे उजाळने बाज रोयू होतु; एने घोर घोरमा भोराईन माणसोक एने बायराक धोरीन घीसी घीसीन बंदी वाळामा नाखतू होतु.

प्रेषित 9:1

शाउल ते हांजू तोक प्रभून चेला काजे धमकी देणे एने मारनेन घातमा होतु, महायाजकोनचा गोयू.

प्रेषित 9:13

हनन्या जवाब आपी, हे प्रभू मी लोकेत इना माणसोन बारामा सोमवाळलू छे कि यु यरुशलेममा तारा चुखला माणसो काजे कोतरू नुकसान कोरलु छे.

प्रेषित 9:31

आखरी आव्या यहुदि, गलील एने सामरिया मंडवी काजे शांती जोळी, एने तेरी बोढती होयती गोयी, एने ती प्रभून बिक मा चालती एने पवित्र आत्मासी बोढती गोयी.

1 कुरीन्थियो 10:32

तुमु नी यहुदि, नी युनानी एने नी परमेश्वरोन मंडव्या कोरता ठूकरोन वोजा बोने.

1 कुरीन्थियो 7:17

जोसू प्रभू होर एक काजे वाटलु छे, एने जोसू परमेश्वर होर एक काजे बुलावलु छे, तोसत चू चाले एने मे आखा मंडव्यामा ओसुत गीनायतेलु छे.

गलातियों 1:22

पुन यहुदि मंडवी जे मसिहमा होता, मारो मूय कोबी नी देखला होता;

1 थिस्सलुनीकियो 1:1

पौलुस एने सिलवानुस एने तीमथी जुव गोथू थेस्सलुनीका काजे मंडवीन नावे जो परमेश्वर बास एने प्रभू येसु मसिहमा छे; दया एने शांती तुमुक जोळती रोये.

1 थिस्सलुनीकियो 1:6

तुमु मोटा तोकलीतमा, पवित्र आत्मान खुशी पुठी, वचन काजे मानीन आमरी एने प्रभून तोसी चाल चालने बाज गोया.

1 थिस्सलुनीकियो 3:4

काहाकि पेहेलेत, जेतार आमु तुमरेनचा होता, ती तुमु काजे कोया कोरता होता कि आपनु काजे तोकलीत झेलणू पोळसे, एने ओसोत होयलो छे, जोसो कि तुमु काजे मालूम छे.

2 थिस्सलुनीकियो 1:1

पौलुस एने सिलवानुस एने तीमथीन तोरोफसी थेस्सलुनीकि देस वावान मंडवीन नावे, जू आमेरू बास परमेश्वर एने प्रभू येसु मसिहमा छे.

2 थिस्सलुनीकियो 1:4

या तोक कि आमु खुद परमेश्वरोन मंडवीमा तुमरा बारामा घोमंड कोरतेला कि जेतार संकट एने तोकलीत तुमु सोहोन कोरतेला इनू आखामा तुमरू धीर एने भुरसू देखायतलु छे.