1 थिस्सलुनीकियो 2:12 - बारेली पावरी

¹² कि तुमरो चाल चलन परमेश्वर काजे बराबोर होय, जो तुमुक तेरा राजमा एने महिमामा बुलावतलु.

1 थिस्सलुनीकियो 2:12 ပူးပေါင်းရင်းမြစ်များ

रोमी 8:28

आमु काजे मालूम छे कि माणसे परमेश्वर पोर मोंग कोरतेला छे, तिंदरेन कोरता आखा वातोक भेसकीन वारलो पोयदा कोरतेली छे; मतलब तीनुन कोरता जी तेरी मोर्जीन अनसारे बुलवाय गोयला छे.

रोमी 8:30

एने जीनाक चू पेहेलेसी ठेराव्यू तीनुक बुलाव्यू बी, एने जीनुक बुलाव्यू तीनुक धोरमी बी ठेराव्यू एने जीनाक धोरमी ठेराव्यू तीनुक महिमा बी आप्यू.

1 कुरीन्थियो 1:9

परमेश्वर खोरलू छे, जू तुमु काजे आपनु पुऱ्यु आमरा प्रभू येसु मसिहन संगतीमा बुलावलू छे.

2 कुरीन्थियो 4:6

इनान कोरता कि परमेश्वरुत छे, जू कोऱ्यु, “आंदारलामा गोथो विजावो चोमके, एने चू मोनोमा चोमक्यू कि परमेश्वरोन महिमान उवखनोन दिवू येसु मसिहन मुयो पोर विजावो होये.”

गलातियों 5:16

बाकीन मे कोयो, आत्मान अनसारे चालू ती तुमु डीलोन मोर्जी काहना रितीसी पुरा नि कोरे.

इफिसीयो 4:1

इनान कोरता मे जू प्रभूमा बांदायलु छे तुमु काजे विनता कोरो कि जिना बुलावला गोथो तुमुक प्रेषितोन छे तेरे सारखी चाल चालू.

इफिसीयो 5:2

एने मोंगोमा चालू जोसू मसिह तुमरे पोर मोंग कोरलु, एने आमरेन कोरता खुदो काजे सुख आपने वावो सुगंधोन कोरता परमेश्वरोन ओगोव भेट चोळावीन बलिदान कोर देदू.

इफिसीयो 5:8

काहाकि तुमु ते पेहेले आंदारलामा होता बाकीन हिमी प्रभूमा विजावो छे आखरी विजावान पुऱ्या सारखा चालू.

फिलिप्पि 1:27

निसतो ओतरो कोरु कि तुमरो चाल चलन मसिहन वारली खोबरोन लायक रोये कि मे आवीन तुमुक देखो, नीती नी बी आवो, तुमरे बारामा सोमवो कि तुमु एकुत आत्मामा पाका रोयू, एने एक मोन होयीन वारली खोबरोन भुरसान कोरता मेहनतोन कोरता रोयतला.

कुलुस्सि 1:10

काहाकि तुमरी चाल चलन प्रभून लायक जुवे, एने चे आखा चीजोसी खुश होये, एने तुमरेमा आखा चीजोन वारला कामोन फोव लावे, एने तुमु परमेश्वरोन उवखानमा बोढता जावू.

कुलुस्सि 2:6

आखरी जोसा तुमु येसु मसिह काजे प्रभू कोरीन मान लेदा तोसोत तीनामा चालता रोयू.

1 थिस्सलुनीकियो 4:1

इनान कोरता हे भाशो, आमु तुमरेनचा विनता कोरजे एने तुमु काजे प्रभू येसुमा सोमजाडतला छे कि जोसा तुमु आमरे साते खोरलो चाल चालजू एने परमेश्वर काजे खुश कोरनेन सिकला छे, एने जोसा तुमु चालतला भी छे, तोसात एने बोढता जावू.

1 थिस्सलुनीकियो 4:12

काहाकि बारथे वावान तोरोफसी आदोर हासील कोरु, एने तुमु काजे कहानला चीजोन कोमी नि होये.

1 थिस्सलुनीकियो 5:24

तुमुक बुलावनेवावु खोरलू छे, एने चू होसुत कोरसे.

2 थिस्सलुनीकियो 1:10

यो तिने दाहळे होयसे, तेत्यार चू तेरा चुखला माणसोमा महिमा देखणे एने आखा भुरसू कोरणे वावामा नोवलायन वजेसी होयने कोरीन आवसे; काहाकि तुमु आमरी गोवायी पोर भुरसू कोऱ्या.

2 तीमथी 1:9

जू आमरू छुटकारू कोऱ्यु एने चुखला आत्मान बुलाहट सी बुलाव्यू, एने जो आमरा कामन ओनसारे नी बाकीन तेरो मतलब एने तेरी दया ओनसारे छे चू मसिह येसुमा ओमोरकाईसी आमरेपोर होयली छे.

1 पतरस 2:9

पुन तुमु एक खास पिढ्या, एने राज-पदधारी पुजारान सोमाज, एने चुखला माणसे एने परमेश्वरोन नेवाळली माणसे होयसे, एरेन कोरता कि जू तुमु काजे आंदारामा गोथू तेरा अदभूत विजावामा बुलावलु छे, तेरा गुणे ओगोव कोरु.

1 पतरस 3:9

भुंडलान बोदले भुंडलो मा कोरु एने लोळनेण बोदले मा लोळायु, बाकीन इना बोदले आशिष आपु, काहाकि तुमु आशिषोन वरीस होयनेन कोरता बुलावला छे.

1 पतरस 5:10

तुमु इतरीक वार तोकलीत झेलीन आखो दयान परमेश्वर छे, जू तुमु काजे येसु मसिहमा तेरी ओमोरकाईन महिमान कोरता बुलावलु, चू खुद तुमु काजे सिद्ध, पाक्का ताकत वावा एने स्थिर कोरसे.

2 पतरस 1:3

काहाकि तिंदरी परमेश्वरोन ताकत आखो यो जीवन एने भक्तीसी संबंध राखतेलु, आमुक तेरी ची उवखोन लारे आप देदू, जू आमुक आपनीच महिमा एने वारला गुणोन अनसारे बुलाव्यू.

1 योहान 2:6

जो कुदू यो कोयतेलु छे कि मे हिनामा बोनीन रोयतलु, हिनाक जुवे कि आपु बी होसात चाले जोसू होयू चाले.

3 योहान 1:6

ते मंडवीन ओगोव तारा मोंगोन गोवायी आपला छे कोदि तू तीनुक इना रितीसी मुकल देसू तिना रितीसी परमेश्वरोन माणसे साते वारू छे ती वारलो कोरसे.