1 थिस्सलुनीकियो 1:5 - बारेली पावरी

⁵ काहाकि आमरी वारली खोबर तुमरेनचा निस्तो बुलोमा नि पुन ताकत एने पवित्र आत्मा एने मोटला पाका वातो पुठी पुगलो छे; जोसो तुमुक मालूम होयो कि आमु तुमरा इनाम कोसा बोन गोयला होता.

1 थिस्सलुनीकियो 1:5 ပူးပေါင်းရင်းမြစ်များ

मरकुस 16:20

एने चे निकवीन होर जागे प्रचार कोऱ्या, एने प्रभू तिंदरे साते काम कोरतू रोयू एने तीना चिन्हान लारे यो साते-साते होयतो होतो, वचन काजे मजबूत कोरतू रोयू आमेन.

लुका 1:1

लोकेत जोना तिनी वातो काजे आमरे इचमा वीतली छे, इतिहास लिखनेमा हात लागाळला छे,

प्रेषित 11:21

प्रभून हात तिंदरे पोर होतु एने घोणा सोवटा माणसे भुरसू कोरीन प्रभूनचा वोव गोया.

प्रेषित 16:14

लुदिया नावोन थुआतीरा देसोन जामन्या रोगोंन कापळा वेचने वावी एक भोक्तोन बायर सोमवी रोयी होती, प्रभू तेरु मोन उगाळ देदू कि ची पौलुसोन वातो पोर ध्यान लागाळे.

प्रेषित 2:33

इना रितीसी परमेश्वरोन जेवळे हातोसी आखान मोटो पोद एने बासोनचा गोथो पवित्र आत्मा लीन जेरो वायदू कोरलो होतो चू उतार देदू चू तुमु देख रोया एने सोमवी रोया.

रोमी 1:16

काहाकि मे वारली खोबरोन प्रचारोन कोरनेन कोरता नी लाजवायतू, इनान कोरता कि चू होर एक जे भुरसू कोरणे वावान कोरता पेहेले ते यहुदि ओवतेन युनानीन कोरता छुटकारू वोजेसी परमेश्वरोन ताकत छे.

रोमी 15:13

परमेश्वर जू आसोन दाता छे तुमुक भुरसू कोरणेमा आखा रितीन खुशी एने शांतीसी पुरेपूर कोरे, कि पवित्र आत्मान ताकतसी तुमरी आस बोढती जाय.

रोमी 2:16

जीने दाहळे परमेश्वर मारा वारली खोबरोन अनसारे येसु मसिहन लारे माणसोन डूकायला वातोन नियाव कोरसे.

1 कुरीन्थियो 1:24

बाकीन जे बुलावला छे, काय यहुदि काय युनानी, तिंदरे साते मसिह परमेश्वरोन ताकत एने परमेश्वरोन ग्यान छे.

1 कुरीन्थियो 10:33

जोसू मे बी आखा वातोमा खुश रोयतलु छे, एने आपनो नी बाकीन जादा जोनान फायदु हेरतलु छे कि तीनुक छुटकारू जोळे.

1 कुरीन्थियो 3:16

काय तुमु नी जानता कि तुमु परमेश्वरोन मंदीर छे, एने परमेश्वरोन आत्मा तुमरेमा रोयतलु छे?

1 कुरीन्थियो 3:6

मे लागाळयू एने अपुल्लोस एखठो कोऱ्यु, बाकीन परमेश्वर बोढायु.

1 कुरीन्थियो 4:20

काहाकि परमेश्वरोन राज वातोमा नी बाकीन ताकत छे.

1 कुरीन्थियो 9:14

इना रितीसी प्रभू ठेराव्यु कि जे माणसे वारली खोबर सोमवाळतला छे, तिंदरो जीवन वारली खोबरसी होये.

2 कुरीन्थियो 3:6

जू आपनु काजे नोवला वायदान सेवक बोननेन लायक बी बोनाव्यू बुलनोन सेवोक नी बाकीन आत्मान, शब्द मारतलु छे एने आत्मा जीवाळतलु छे.

गलातियों 2:2

मारो जाणो परमेश्वरोन विजावान अनसारे होये; एने जी वारली खोबर मे दिसरा जातीन माणसोमा प्रचार कोरतेलू, तीतुस काजे मे कोय देतलु, बाकीन एखलामा तीनु काजे जा मोटला गीनायला, काहाकि ओसो नी होये कि मारी इना टेमोन पोछली दोवोळ वायबार ठेराये.

गलातियों 5:5

काहाकि आत्मान लारे आपनु भुरसासी, आस कोरली धारमिकतान वाट जुवतला छे.

इफिसीयो 2:10

काहाकि आपनु तेरा बोनावला एने मसिह येसुमा तिना वारला कामोन कोरता बोनवाय गोयला जीनु काजे परमेश्वर पेहेले गोथो आपना काजे कोरणेन कोरता तीयार कोऱ्यु.

इफिसीयो 3:20

हिमी जो ताकत वावू छे कि आमरी विनता एने समज सी घोन सोवटो काम कर सोकतलु, तिना ताकत अनसारे जो आपनेमा काम कोरे.

फिलिप्पि 2:13

काहाकि परमेश्वर ओतरू छे जू तेरी खुदोन मोर्जीन कोरता तुमरा मोनोमा मोर्जी एने काम, दुयू वातो काजे कोरनेन ओसोर नाख्यू.

फिलिप्पि 4:9

जे वाते तुमु मारेसी सिकला छे एने ग्रहण कोरला छे, एने सोमव्या, एने मारेमा देख्या, तिंदरोत पालन कोऱ्या कोरु, तेतार परमेश्वर जु शांतीन झोरु छे, तुमरे साते रोयसे.

कुलुस्सि 2:2

काहाकि तिंदरे मोनोमा शांती जोळे एने चे मोंगसी आपसामा जुळायीन रोये एने चो पुरा समाजोन आखो धोन ली लेये एने परमेश्वर बासोन भेद काजे, मतलब येसु मसिह काजे उवखी लेये.

1 थिस्सलुनीकियो 2:13

इनान कोरता आमु बी परमेश्वरोन धन्यवाद एक सारखा कोरतेला कि जेतार आमरे लारे परमेश्वरोन वचन तुमरेनचा पुग्यू, ती तुमु तिना काजे माणसोन नि बाकीन परमेश्वरोन वचन सोमजीन (एने छाचलीन यो ओसोत छे) स्वीकार कोऱ्या; एने चू तुमरा विश्वासीमा जे भुरसू कोरतेला, ताकत वावा छे.

2 थिस्सलुनीकियो 2:14

जिनान कोरता चू तुमुक आमरा वारली खोबरोन लारे बुलाव्यू, कि तुमु आमरू प्रभू येसु मसिहन महिमा काजे ली लेये.

2 तीमथी 2:10

इनान वोजेसी मे नेवाळला माणसोन कोरता आखो काय सोब देदलु छे, कि चे बी इना छुटकारू काजे मसिह येसुमा छे, ओमोर महिमा पुठी जोळे.

2 तीमथी 2:8

येसु मसिह काजे फोम कोर, जू दाऊदन पिढीमा गोथू होयू एने मोरलामा गोथू जीव उठ्यू एने चू मारा वारली खोबरोन अनसारे.

इब्रानियो 10:22

ती आवू आपु खोरला मोनोसी एने पुरा भुरसू साते एने विचारो काजे छेटा कोरणेन मोनोपोर पोर तेळा लीन, एने डीलो काजे चुखला पाणीसी धुवीन परमेश्वर साते आवू.

इब्रानियो 6:11

आखरी मोर्जी छे कि तुमरेमा गोथू आखा आपनी आसोन पुरो निश्चय काजे नी लेये कि आखरी तोक कोशिशमा रोये.

1 पतरस 1:12

तीनु पोर जो प्रकट होये कि चू आपनी नि पुन तारी सेवान कोरता जी वात कोया कोरतू होतु, जिनान खोबर हिमी तुमु काजे तिंदरे लारे जोळलो जे पवित्र आत्मान लारे जू सोरगोम गोथू मुकेल्ला छे, तुमुक वारली खोबर कोयलु; एने इनी वातोन काजे सोरग दूत भी मोन लागाळीन देखनेन मोर्जी राखताला छे.

1 पतरस 1:3

आपने प्रभू येसु मसिहन परमेश्वर एने बासोन धन्यवाद होये, जिना काजे येसु मसिहन मोरलाम गोथू जीव उठनेन लारे, तेरी मोटली दया से आमु काजे जीवतली आसोन कोरता नोवलो जन्मो आप्यू,

1 पतरस 5:3

जे माणसे तुमु काजे आपला छे, तिंदरे पोर मसिहमा देखाळू, बाकीन आपना टूवू कोरने वावा बोनु.

2 पतरस 1:10

एरेन कोरता हे भाशो, आपनुक बुलाय जाणे, एने नेवाळाय जानेन सिद्ध करणेन वारला रितीन कोशिश कोरता जावू, काहाकि कोबी ओसो कोरसु ती कोबी बी ठूकर नि खाये.

2 पतरस 1:19

आमरे साते जो भविष्य कोरने वावान वचन छे, चू इनी घटनासी पको ठोहऱ्यो, तुमु यो वारलो कोरतेला जू या सोमजीन तिंदरे पोर ध्यान कोरतेला कि चू एक दिवू छे, जू आंदाराला जोगोमा तीने टेमे तोकून विजावो कोरतू रोयतलु जेतार तोकून कि पाय नि फाट जाय फाटे एने सोंदारेन चांदणी तुमरा डीलोम नि चोमके.