1 थिस्सलुनीकियो 1:3 - बारेली पावरी

³ एने आपना परमेश्वर एने बासोन सामने तुमरा भुरसान काम, एने मोंगोन मेहनत एने आपना प्रभू येसु मसिहमा आसोन धीरोज काजे एक सारखा फोम कोरतेला.

1 थिस्सलुनीकियो 1:3 ပူးပေါင်းရင်းမြစ်များ

योहान 14:15

ओगर तुमु मारे पोर मोंग कोरे ती, मारा आग्या काजे मानजू.

योहान 15:10

कोदि तुमु मारी आग्या काजे मानसु, ती मारा मोंगोमा जुळायीन रोयसू; जोसु कि मे मारा बासोन आग्या काजे मानतलु छे, एने तेरा मोंगमा जुळायीन रोयलु छे.

प्रेषित 10:31

एने कोयने बाज गोयू, “हे कुरनेलियुस, तारी प्रार्थना सोमवाय गोयली छे एने तारो दान परमेश्वरोन सामने फोम कोराय गोयलो छे.”

प्रेषित 3:19

इनान कोरता पश्चताप कोरु एने पोसा फिरू कि तुमरा पापे ढाकाय जाय जीनासी कि प्रभू परमेश्वरोन सामने सुख आरामोन दाहळा आवसे.

रोमी 12:12

आसमा खुश रोयू; दुखोमा नी बिहीता उबरोयू, प्रार्थना हमेशा कोरता रोयू.

रोमी 15:13

परमेश्वर जू आसोन दाता छे तुमुक भुरसू कोरणेमा आखा रितीन खुशी एने शांतीसी पुरेपूर कोरे, कि पवित्र आत्मान ताकतसी तुमरी आस बोढती जाय.

रोमी 15:4

जोतरा वाते पेहेलेत लिखाय गोया, जी आमरेत भोननेन कोरता लिखाय गोयो कि आमु धीर एने पवित्र शास्त्रान प्रोत्साहन लारे आस राखे.

रोमी 16:26

बाकीन हिमी देखायीन ओमोरकाई परमेश्वरोन आग्यासी भविष्य कोरणे वावान किताबोन लारे आखा जात्या काजे सोमवाळाय गोयो कि चे विश्वासी आग्या पावने वावा होय जाय,

रोमी 16:6

मरीयम काजे, जोतरा तुमरेन कोरता जादात मेहनत कोऱ्या, नमस्कार.

रोमी 2:7

जू वारला कामोन एकुत जागे उबो रोयीण, महिमा एने, आदर, एने ओमोर हेरेमा छे तीनुक चू ओमोर जीवन आपसे;

1 कुरीन्थियो 13:13

बाकीन हिमी भुरसू, आस, मोंग यो तीनु टेकनेवावी छे, पुन इनामा गोथी आखान मोटी मोंग छे.

1 कुरीन्थियो 15:58

इनान कोरता हे मारा मोंगावा भाशो, पाका एने जागेत रोयू, एने प्रभून कामोमा आखामा बोढता जावू, काहाकि यो जानतला छे कि तुमरो मेहनत वायबार नी होय.

2 कुरीन्थियो 2:17

काहाकि आपनु तीनु घोणा सोवटान सारखा नी जे परमेश्वरोन वचनमा भेसकायने कोरतेला छे; बाकीन मोनोन खोरलासी एने परमेश्वर भूनी गोथो परमेश्वर काजे आपने साते छे जानीन मसिहमा बुलतेला छे.

गलातियों 1:4

चू खुदो काजे आपना पापोन कोरता आप देदू, काहाकि आपनु परमेश्वर एने बासोन मोर्जीन अनसारे आपुक इनी भुंडला संसारसी छुळावे.

गलातियों 5:13

हे भाशो तुमु छुटकारू होयनेन कोरता बुलावला छे बाकीन ओसो नी होयो कि यो आजादी डीलोमा कामोन कोरता टेम बोनसे बाकीन मोंगसी एक दिसरान चेला बोनु.

गलातियों 5:6

मसिह येसुमा संता वावा एने नी सुंता कोरला काय कामोन नी होय, बाकीन निसतू भुरसू, जू मोंगोन लारे प्रभाव पाळतलु.

गलातियों 6:9

आमु वारला कामे कोरणेन धीर नी छुळे, काहाकि ओगर आमु ढिला नी होयजे ती टेमो पोर काटनी काटसु.

1 थिस्सलुनीकियो 3:6

बाकीन हिमी तीमथीयुस, जू तुमरेनचा गोथू आमरेनचा आवलु छे, तुमरु भुरसू एने मोंगोन वारली खोबर सोमवाळ्यु एने इनी वातो काजे बी सोमवाळ्यु कि तुमु हमेशा मोंगसी आमु काजे फोम कोरतेला छे, एने आमरे देखनेन मोर्जी राखतला छे, जोसा आमु बी तुमुक देखनेन.

2 थिस्सलुनीकियो 1:11

इनान कोरता आमु हमेशा तुमरेन कोरता प्रार्थना बी कोरतेला कि आमरू परमेश्वर तुमुक इना बुलावलान लायक सोमजे एने भोलाईन होर एकन मोर्जी एने भुरसान हर एक कामो काजे ताकत पुठी पुरा कोरे.

2 थिस्सलुनीकियो 1:3

हे भाशो, तुमरा बारामा आमु काजे होर टेमे परमेश्वरोन धन्यवाद कोरनो जुवे, एने यो सही बी से इनान कोरता कि तुमरू भुरसू जादा बोडतो जातलू, एने तुमरे आखान मोंग एक दिसरामा जादा बोळतू जातलु.

1 तीमथी 1:14

एने आपना प्रभून अनुग्रह तिना भुरसान एने मोंग साथे जू मसिह येसुमा छे, घोनो सोवटा सी होयो.

1 तीमथी 2:3

यो आराम छुटकारू आपन्यु परमेश्वर काजे वारू लागतलो एने गोवतेलो बी छे,

इब्रानियो 10:36

काहाकि तुमु काजे धीर धोरणो गोरोजोन छे, कि तुमु परमेश्वरोन मोर्जी पुरो कोरीन इनी वायदान फोव काजे ली लेय.

इब्रानियो 11:17

भुरसासी अब्राहाम पारखाय जाणेन टेमे इसाहाक काजे वेदी पोर चोळाव्यू मतलब जीना काजे वायदू आपलु होतु चू तेरा पुऱ्या काजे बलि चोळावने वावू होतु.

इब्रानियो 13:21

तुमरा आखा वारला गुणोसी पुरो कोरे, जीनासी तुमु तेरी मोर्जी पुरी कोरु, एने जो काहीन तेरी नोजोरमा मोंगावू छे चू येसु मसिहन लारे आमरे महाय पुरा कोरे, तेरीत महिमा कायम होयती रोये. आमेन.

इब्रानियो 4:11

इनान कोरता आपनु तिना आरामोन भोरायने कोरता कोशिश कोरु, कोदि ओसो नी होयो कि तीना रितीसी आग्या नी मानणेन वजेसी काहनास माणसोन नाश होय जाय.

इब्रानियो 6:15

एने इना रितीसी धीर धोरीन वाट जुवीन चू वायदू ली लेदू,

1 पतरस 3:4

नीती तुमरो डूकायलो एने माणसोन, नम्रता एने मोनोन दीनतान अविनाशी सोजावट तीयारीमा रोये, काहाकि परमेश्वरोन नजरमा एरू महत्व मोटलो छे.

1 योहान 3:18

हे पुऱ्या आमु वचन एने जिब सी नि एने खोरला रितीसी बी मोंग कोरु.

1 योहान 3:21

हे मोंगावा, कोदि आमरो मोन गुणू नी आपे ती आमुक परमेश्वर ओगोव हिंमत होयतेलु छे.

1 योहान 3:3

एने जू कुदू तीना पोर जी आस राखतलु छे चू आपने खुदो काजे तोसुत चुखा कोरतेला जोसू चू चुखलु छे.

1 योहान 5:3

काहाकि परमेश्वर पोर मोंग कोरणे यो छे कि आमु तेरा आग्या काजे माने; एने तेरी आग्या कोठीन नि होय.

प्रकाशित वाक्य 2:19

मे तारा कामे, तारू मोंग एने भुरसू एने सेवा एने धीर, जानतलु छे, एने यो बी कि तारा पोछला कामे पेहेले गोथा बोढीन छे.”

प्रकाशित वाक्य 3:10

तू मारा डीलोन वचन काजे उभराख रोयू, इनान कोरता मी बी तुसेक पारखोन तिने टेमे वाचाडीन राखीस, जू धोरतीन रोयने वावान पारखनेन कोरता आखा जोगो पोर आवने वावु छे.