1 थिस्सलुनीकियो 1:10 - बारेली पावरी

¹⁰ एने तेरा पुऱ्यान सोरगोपोर गोथू आवनेन वाट जुवता रोयू जीनाक चू मोरलामा गोथू जीवाळ्यु, मतलब येसुन, जो आवने वावा मोटला दोंडोन गोथो वाचाडलो छे.

1 थिस्सलुनीकियो 1:10 ပူးပေါင်းရင်းမြစ်များ

मत्ती 1:21

ची एक पुऱ्याक जन्मो आपसे एने तू तेरो नाव येसु मेकजी, काहाकि चू आपना माणसोन पापोन छुटकारू आपसे.”

मत्ती 16:27

माणसोन पुऱ्यु आपना सोरग दूत पुठी आपना बासोन महिमा आवसे, एने तिनी टेमे चू होर एक काजे तिंदरा कामोन अनसारे प्रतीफोव आपसे.

मत्ती 16:28

मे तुमु काजे छाचलीन कोयो कि जे न्या उबरोय रोया, इंदरे माहीन कुदु ओसा छे कि चे जेतार तोक माणसोन पुऱ्याक तेरा राजमा आवतेलु नी देखे, तेत्यार तोक मोतोन सोवाद कोबी नि चाखे.

मत्ती 3:7

तेत्यार चू लोकेत फरुशी एने सदुकी काजे बाप्तिस्मा लेणे कोरीन तेरेनचा आवतेला देख्यू, ती तीनुक कोयू, “हे जेहेर वावा घोळसान पिला, तुमुक कून जोताळलो कि आवने वावा परमेश्वरोन दोंडसी ढासने?”

लुका 2:25

यरुशलेममा शिमोन नावोन एक माणूस होतु, एने चू माणूस धोरमी एने भोक्ती कोरणे वावु होतु; एने इस्राईलोन शांतीन कोरीन वाट जुवतू होतु एने पवित्र आत्मा तेरे उपर होती.

लुका 3:7

जो गोरदीन गोरदी तीना जुव बाप्तिस्मा लेणे कोरीन निकवीन आवती होती, तीनु काजे चू कोयतू होतु, “हे घोळसान पीला, तुमुक कुन जोताळ देदू कि आवने वावा रीसोसी ढासू.”

प्रेषित 1:11

एने तीनु काजे कोया, “हे गलीली माणसो तुमु काहा उबरोयीन सोरगोमा देखता रोया? युत येसु तुमरेनचा गोथू सोरगोम चूटायु गोयलु छे जोसा तुमु तीना काजे सोरगोमा जातलू देख्या, तोसुच चू पोछु आवसे.”

प्रेषित 17:31

“काहाकि चू एक दाहळू ठेरावलु छे, जीनामा चू तिना माणसोन लारे धर्ममा गोथू जोगोन नियाव कोरसे जीनाक चू उब राखलू छे, एने तीनाक मोरलामा गोथू जीवाळीन जी वात आखी प्रणाम कोर देदला छे.”

प्रेषित 2:24

बाकीन तीना काजे परमेश्वर मोरनेमा गोथो बंधनमा गोथू बुलाळीन जीवाळ्यु, काहाकि यो होयने वावू होतो कि चू तेरे ताबामा रोयतू.

प्रेषित 2:32

इनात येसुक परमेश्वर जीवाळ्यु जीनाक आमु आखा गोवा छे.

प्रेषित 3:15

बाकीन जीवन आपनेवावा काजे मार देदा, जीना काजे परमेश्वर मोरलामा गोथू जीवाळ्यु जे आमु गोवा छे.

प्रेषित 3:21

एने सोरगोम तिनी टेम तोक रोयनु छे जेतार तोक कि चू आखा चीजोन पोसला सुधारनेण वाते पेहेले गोथा परमेश्वर आपना चुखला भविष्य कोरतान मुखोसी कोयलु छे,

प्रेषित 4:10

ती तुमु आखा काजे एने आखान इस्राईलोन माणसो काजे मालूम होय गोयो कि नासरी येसु मसिहन नावोसी जीना काजे तुमु ख्रुस पोर चोळाव्या एने जीना काजे परमेश्वर मोरलामा गोथू जीवाळीन उठाळ्यु इना नावोसी माणसे तुमरे सामने वारला उबरोयू.

रोमी 1:4

एने पवित्र आत्मान सहायतासी मोरलाम गोथू जीव उठनेन वजेसी ताकत साते परमेश्वरोन पुऱ्यु ठेरावलु छे. येसु मसिह आमरू प्रभु,

रोमी 2:7

जू वारला कामोन एकुत जागे उबो रोयीण, महिमा एने, आदर, एने ओमोर हेरेमा छे तीनुक चू ओमोर जीवन आपसे;

रोमी 4:25

चू आमरा पापोन गुणान कोरता धोराय गोयू, एने आमुक धोरमी ठेरावनेन कोरता जीवतू कोराय गोयू.

रोमी 8:34

ती कून छे दोंडोन आग्या आपसे? येसु मसिह छे जू मोर गोयू, एने मोरलामा गोथू जीव उठ्यू एने परमेश्वरोन जेवळे धोळे छे एने आमरेन कोरीन मध्यस्ती बी कोर रोयू.

1 कुरीन्थियो 1:7

न्या तोक कि काहना वरदान मा तुमुक घोटी नि होये, एने तुमु आमरा प्रभू येसु मसिहन देखायनेन वाट जुवता रोयला छे.

गलातियों 3:13

मसिह जू आमरेन कोरीन शापित बोन्यू, आमुक मुले लीन नियम शास्त्रान श्रापमा गोथू छुळाव्यू काहाकि लिखलो छे “जू कुदु ख्रुस पोर चोळावतला चू शापित छे.”

फिलिप्पि 3:20

बाकीन आपनो देस सोरगोमा छे; एने आपनु छुटकारू आपन्यु प्रभू येसु मसिहनचा गोथो आवनेन वाट जुवतला छे.

कुलुस्सि 1:18

चू डील, मतलब मंडवीन मुंडको छे, चू पेहेलू छे, एने मोरलामा गोथू जीव उठने वावामा पेहेलू चू प्रधान ठोरे.

1 थिस्सलुनीकियो 1:7

या तोक मकीदुनीया एने अखायान विश्वासीन कोरीन तुमु आदर्श बोने.

1 थिस्सलुनीकियो 2:16

एने चे दिसरा जातीसी तिंदरू छुटकारान कोरता वाते कोरणेसी आमुक रुके कि कायम आपना पापोन माप भोरता रोये; पुन तीनु पोर परमेश्वरोन घोन मोटू दोंड आवतेलु छे.

1 थिस्सलुनीकियो 2:7

बाकीन जिना रितीसी आश आपना पुऱ्या काजे देख भाव कोरतेली, तोसाच आमु बी तुमरा इचमा रोयीण नरमाय देखाळतला छे.

1 थिस्सलुनीकियो 5:9

काहाकि परमेश्वर आपनुक रीसोन कोरता नि, बाकीन एरेन कोरता ठोरावला छे कि आमु खुद प्रभू येसु मसिहन लारे छुटकारू हासील कोरे.

2 तीमथी 4:1

परमेश्वर एने मसिह येसु काजे गोवायी मानीन जो जीवतलो एने मोरलान वियाव कोरसे, एने हिंदरो प्रकट होयने एने राज्यान सुधी आपीन मी तुसेक आदेश आपो.

तीतुस 2:13

एने इनी सोयावा आसोन मतलब आपना मोटला परमेश्वर एने छुटकारू आपने वावु येसु मसिहन महिमा प्रगट होयनेन वाट जुवता रोयू.

इब्रानियो 10:27

बाकीन शिक्षान भयानक वाट एने आगठो तीयार छे जो दुष्मोन काजे धोपाळ देसे.

इब्रानियो 9:28

तोसुत मसिह बी घोणा सोवटा पापो काजे झेलणेन कोरीन एक कावा बोलीदान होयू, एने जे माणसे तेरी वाट जुवे, तिंदरा छुटकारान कोरता दुसरी कावा बिना पापोन देखाय पोळसे.

1 पतरस 1:21

तेरे लारे तुमु तिना परमेश्वर पोर भुरसू कोरतेला छे, जीनाक मोरलामा गोथो जीवाळ्यो एने महिमा आप्यू कि तुमरु भुरसू एने आस परमेश्वर पोर होयसे.

1 पतरस 1:3

आपने प्रभू येसु मसिहन परमेश्वर एने बासोन धन्यवाद होये, जिना काजे येसु मसिहन मोरलाम गोथू जीव उठनेन लारे, तेरी मोटली दया से आमु काजे जीवतली आसोन कोरता नोवलो जन्मो आप्यू,

1 पतरस 2:21

एने तुमु एरेन कोरता बुलावला छे, काहाकि मसिह भी तुमरेन कोरता दुख झेलीन तुमु काजे एक वारलो नमुनु आपीन गोयलु छे, कि तुमु भी तिंदरा पायोन निशानी पोर चालू.

1 पतरस 3:18

एरेन कोरता मसिह भी, मतलब अधोरमीन कोरता धोरमी, पापोन वजेसी एक कावा दुख झेललु तेत्यार आमु काजे परमेश्वरोनचा पुगाळे, चू डीलोन भाव से ती माराव देदा, बाकीन आत्मान भावमा जीवतु होय जासे.

2 पतरस 3:12

एने परमेश्वरोन तीना दाहळान ओवतेन तिना दाहळान वाट काहनला रितीसी जुवनो जुवे एने तिनान मामार आवनेन कोरता कोसो कोशिश कोरनो जुवे, जिनान वोजेहसी सोरग आगठासी पिगविन गोव जासे.

2 पतरस 3:14

इनान कोरता हे मोंगावा जेतार कि तुमु इनान वातोन आस देखतलो, ती कोशिश कोरु कि तुमु शांतीसी तिनान ओगोव चुखला एने निरदोष ठोरु.

प्रकाशित वाक्य 1:18

मे मोर गोयलु होतु, एने देख हिमी कायमोन जीवतलु छे; एने मरणे एने अधोलोक माणसोन कुच्या मारेत जुव छे.

प्रकाशित वाक्य 1:7

देखू, चू वादवा पुठी आवने वावू छे, एने होर एक डूवू तीनाक देखसे, नी तेत्यार जे हिनाक छेळला होता चे बी येसुक देखसे, एने धोरतीन आखा जाती हीनान वोजेसी छाती ठूकसे होव. आमेन.