1 पतरस 5:3 - बारेली पावरी

³ जे माणसे तुमु काजे आपला छे, तिंदरे पोर मसिहमा देखाळू, बाकीन आपना टूवू कोरने वावा बोनु.

1 पतरस 5:3 ပူးပေါင်းရင်းမြစ်များ

योहान 13:15

काहाकि मे तुमुक नम्रता देखाळ देदलु कि जोसू मे तुमरे साते कोरलु छे, तुमु बी तोसोच कोऱ्या कोरु.

प्रेषित 20:28

इनान कोरता आपनी एने आखा टूवान तोपास कोरु जीनामा पवित्र आत्मा तुमुक पुढारी ठरावलु छे, कि तुमु परमेश्वरोन मंडव्यान राखवावी कोरे, जीनाक चू आपना लुयसी मुले लेदला छे.

1 कुरीन्थियो 11:11

ते बी प्रभूमा नी ते बायोर बिना ओदमी, एने नी ओदमी बिना बायरोन छे.

1 कुरीन्थियो 3:5

अपुल्लोस काय छे? एने पौलुस काय छे? निस्ता सेवक, जिंदरे लारे तुमु भुरसू कोऱ्या, जोसू होर एक काजे प्रभू आप्यू.

1 कुरीन्थियो 3:9

काहाकि आमु परमेश्वरोन साथीदार छे; तुमु परमेश्वरोन खेत एने परमेश्वरोन भवन छे.

2 कुरीन्थियो 1:24

यो नी कि आमु भुरसान बारामा तुमरे पोर प्रभूता जोताळनो जुवतो होतो; बाकीन तूमरी खुशीमा मोदतगार छे काहाकि तुमु विश्वासी स्थिर रोयतला छे.

2 कुरीन्थियो 4:5

काहाकि आपनु काजे बी बाकीन येसु मसिह वारली खोबर प्रचार कोरतेला कि चू प्रभू छे; एने आपना बारामा यो कोयतेला कि आमु येसुन वोजेसी तुमरा सेवक छे.

फिलिप्पि 3:17

हे भाशो तुमु आखा मेवीन मारेन तोसा चाल चालु एने तीनुक उवखी लेवू जे इनी रिती पोर चालतला छे जेरो उदाहरण तुमु आमरेमा देखला छे.

फिलिप्पि 4:9

जे वाते तुमु मारेसी सिकला छे एने ग्रहण कोरला छे, एने सोमव्या, एने मारेमा देख्या, तिंदरोत पालन कोऱ्या कोरु, तेतार परमेश्वर जु शांतीन झोरु छे, तुमरे साते रोयसे.

1 थिस्सलुनीकियो 1:7

या तोक मकीदुनीया एने अखायान विश्वासीन कोरीन तुमु आदर्श बोने.

2 थिस्सलुनीकियो 3:9

यो नि कि आमुक होक नि होय, बाकीन इनान कोरता कि आमु खुदो काजे तुमरेन कोरता आदर्श ठोरायजे कि तुमु आमरेन तोसी चाल चाले.

1 तीमथी 4:12

कुदू तारी जुवानी काजे कमी नी समजनो जुवे; पुन वचन एने चाल चलन एने मोंग एने भुरसू एने चुखलामा विस्वास्यान कोरता वारलो होय जासे.

तीतुस 2:7

आखा वातोमा खुद काजे वारला कामोन नमुना बोनु. तारा प्रचारमा सापसूत्र एने खोरलो,

1 पतरस 2:9

पुन तुमु एक खास पिढ्या, एने राज-पदधारी पुजारान सोमाज, एने चुखला माणसे एने परमेश्वरोन नेवाळली माणसे होयसे, एरेन कोरता कि जू तुमु काजे आंदारामा गोथू तेरा अदभूत विजावामा बुलावलु छे, तेरा गुणे ओगोव कोरु.