3 काहाकि दिसरा जातीन मोर्जी अनसारे काम कोरणे, एने लुचळा भुंडली लालूच, मोतलोबी, लीलाक्रीडा, मोंदळ्या एने भुंडला नीती मूर्ती पूजामा जा तोक आपनु पेहेल टेमे खुवाळ्या, चू जादा होये.
चुरी, खुन, दिसरी बायरी पुठी संसार, लोभ, दोगु, कपट, लालच, भुंडली नोजोर, चाहाळी, मोटायकी एने बिन ओकली निकवतेली छे.
इनान कोरता परमेश्वर आग्यान टेमोमा ध्यान नि लागाळतलु बाकीन हिमी आखा जागा पोर आखा माणसो काजे मोन फिरावनेन आग्या आपलु छे जीनामा चू तिना माणसोन लारे जोगोन नियाव कोरिस जीनान कोरता तिंदरू ठेरावलु छे एने तीना काजे मोरलामा गोथू जीवाळीन जी वात आखापोर मालूम कोर देदलु छे.
जोसो दाहळा काजे शोभा आपतलु, तोसोच आपनु बी सुधा चाल चालनो, नी कि खाण्या पिण्या एने मोंदळ्या एने मोटकाईमा नी भुंडला विचारमा एने काम कोरनेन मोर्जीमा, एने नी झोगळामा एने नी रीस धोरणेमा.
तुमुक मालूम छे जेतार तुमु दिसरा जातीन होता, ती मुकी मूर्ती पोछोव जोसा चालता होता तोसात चालता होता.
एने तुमरेमा गोथा कोतरा ओसात होता, बाकीन तुमु प्रभू येसु मसिहन नावोसी एने आमरा परमेश्वरोन आत्मासी धुवाय गोया एने चुखो होया एने धोरमी ठेराया.
एने कोदि ओसो नी होयनो जुवे कि मारू परमेश्वर मारो पोछोव तुमरेनचा पोछो आवने पोर दोबाव नाखे एने मेसेक ज्यादा जोनान कोरता पोछो एने दुख कोरनो पोळे, जे पेहेले पाप कोरला होता एने भुंडला कामे एने भुंडलु विचार एने लुचळायसी, जो चे कोऱ्या, मोन नि फिराव्या.
डीलोन काम ते प्रगट छे, मतलब भुंडला विचार, भुंडला कामे, कामोन लालोच.
डाव मोतलोबी हेवा एने तिंदरे सारखा एने लोकेत कामे छे, इंदरा बारामा तुमु काजे पेहलेन कोय दोम जोसू पेहेले बी कोयलु छे, कि ओसा-ओसा कामे कोरने वावा परमेश्वरोन राजान वारीस नी होये.
आंगुरोन रोससी छाकला मा बोनु, काहाकि तीनामा लुचळाय होयतेली छे बाकीन आत्मामा पुरा भोराय जावू.
एने यो काम गोलोत मोर्जीसी नी, एने नि तिंदरा जातीन तोसा जी परमेश्वर काजे नि मानतली.
काहाकि आमु बी पेहेले बिन ओकल्या, एने आग्या नि मानने वावा, एने शंकामा पोळला एने भाती-भातीन लालच एने सुखविलासन गुलामीमा होता, एने भेदभाव, एने रीस कोरनेमा जीवन जीवता होता, एने भुंडला होता एने एक दिसरा पुठी सिगी कोरता होता.
आग्या पावने वावा पुऱ्यान ओगोव आपनी अग्यानता टेमोन जुनली लालचोन तोसा मा बोनु.
काहाकि कोतरा ओसा माणसे चुराये आमरेमा आवीन मेवायला छे, जिंदरो इना दोंडोन बारामा जुनले टेमोमा पेहेले गोथो लिखाय गोयलो होतो, ये भोक्ती नी कोरने वावा छे, एने आमरा परमेश्वरोन दया काजे लुच्चायमा बोदोल देतला छे, एने आमरू एकुत मालिक प्रभू येसु मसिहन इनकार कोरतेला छे.