1 पतरस 4:16 - बारेली पावरी

¹⁶ बाकीन ओगर कुदू मसिही होयनेन वोजेह दुख उठावतलु छे, ती लाजवाये नि, बाकीन आपना इना नावोन कोरता परमेश्वरोन महिमा कोरु.

1 पतरस 4:16 ပူးပေါင်းရင်းမြစ်များ

प्रेषित 11:26

जेतार चू तीना काजे मेव्यू ती तीनाक अन्ताकियामा लीन आव्यु, ती ओसो होयो कि एक साल तोक मंडवीन साते संगती एने लोकेत माणसो काजे प्रचार कोरता रोया एने चेला आखान पेहेले अंताखीयामा पेहेला मसिही कोवाया.

प्रेषित 26:28

ती अग्रिप्पा पौलुस काजे जोवाब आप्यू, तू मेसे काजे थुलिक टेमोमा मसिही बोनावीन छुळीस.

प्रेषित 28:22

बाकीन आमु तारा विचार सोमवनेन मोर्जी राखतला काहाकि आमुक इना पंथोन बारामा यो मालूम छे कि आखे जागे माणसे एरा खिलापमा वाते कोरतेला.

प्रेषित 5:41

चे इनी वातो पोर खुश होईन महासभा ओगोव गोथा जात रोया, कि आमु तेरे नाव कोरता अपमान होयनेन ते ठेहेऱ्या.

फिलिप्पि 1:20

मे ते मोनोसी दाहळीन लालच एने आस मेकतलु छे कि मे काहना वातोमा नि लाजवायो, बाकीन जोसो ताकतोन हिंमतसी मसिहन बोढाई मारा डीलोन लारे हमेशा होयती आव रोयी तोसोत हिमी बी होये, अगर मे जीवतु रोयो नि ती मोर जाम.

फिलिप्पि 1:29

काहाकि मसिहन वजेसी तुमरे पोर यो गिन होयी कि नी तीनु पोर जो भुरसू कोरे बाकीन तिंदरेन कोरता दुख भी उठाव्यू.

2 तीमथी 1:12

इनान वजेसी मे इना दुतो काजे झेल रोयू बाकीन लाजवायतू नी काहाकि मे भुरसू कोरलु छे, उवेखतलु एने मारू भुरसू से कि चू मारी रोकोमन तिने दाहळे तोक राखवावी कोर सोकतलु.

याकुब 2:7

काय चा तीना वारला नावोन बुराई नि कोरतेला जिनान तुमु कोवायतेला छे?

1 पतरस 2:12

दिसरा जातीमा तुमरो चाल चोलोन वारलो रोये; काहाकि जिना-जिना वातोमा होय तुमु काजे भुंडला कामोन जाणीन बोदनाम कोरतेला छे, चे तुमरा वारला कामो काजे देखीन तिंदरे वोजेह दयान दाहळामा परमेश्वरोन महिमा कोरु.

1 पतरस 4:11

जू भी आदेश आपे, चू ओसो आपे माणू परमेश्वरो जून वचन आपलु छे, जू सेवा कोरे तिना ताकत से कोरु जो परमेश्वर आपतलु छे, जीनासी आखा वातोमा येसु मसिहन लारे परमेश्वरोन महिमा होयसे, महिमा एने होक कायम तेरोत छे. आमेन.

1 पतरस 4:14

ओगर मसिहन नावोन वोजेसी तुमरी बुराई कोराय जातली छे, ती तुमु सोयावा छे, काहाकि महिमान आत्मा, जू परमेश्वरोन आत्मा छे, तुमरेमा आव्या कोरतेलू छे.

1 पतरस 4:19

एरेन कोरता चे बी परमेश्वरोन मोर्जीन अनसारे दुख झेलतला छे, चे वारलो काम कोरतेला छे, आपनो-आपनो जीव काजे भुरसान लायक, कोवीक बोनावने वावान हातोमा सोप देवू.