1 पतरस 4:14 - बारेली पावरी

¹⁴ ओगर मसिहन नावोन वोजेसी तुमरी बुराई कोराय जातली छे, ती तुमु सोयावा छे, काहाकि महिमान आत्मा, जू परमेश्वरोन आत्मा छे, तुमरेमा आव्या कोरतेलू छे.

1 पतरस 4:14 ပူးပေါင်းရင်းမြစ်များ

मत्ती 5:11

“सोयावा तुमु, जेतार माणसे मारेन कोरता तुमरो छोळ कोरसे, एने तोकलीत देसे, झूट बुल बुलीन तुमरे खिलापमा आखा भातीन भुंडली वाते कोरसे.”

मत्ती 5:16

इना रितीसी तुमरो विजावो, माणसोन सामने चोमके कि चे तुमरा वारला कामो काजे देखीन तुमरु बास जू सोरगोमा छे, महिमा कोरे.

लुका 6:22

“सोयावा छे तुमु जेतार माणसोन पुऱ्यान कोरता माणसे तुमरे साते दुष्मोनी कोरसे एने तुमु काजे निकाव देसे, एने तुमुक ताकलीत देसे, एने तुमरो नाव बुरो सोमजीन काट देसे”

योहान 15:21

बाकीन चे यो आखो काय चे मारा नावोन कोरता तुमरे साते कोरसे, काहाकि चे मारा मूकलने वावा काजे नि जानतला.

योहान 8:48

यो सोमवीन यहुदि तीना काजे कोया, “काय आमु वारलो नि कोरतेला कि तू सामरी छे, एने तारेमा भुंडली आत्मा छे?”

योहान 9:28

तेत्यार चे तीनाक वारलो भुंडलो कोयीन बुल्या, “तू बी तेरु चेलु छे, आमु ते मुसान चेला छे.

योहान 9:34

चे तीनाक जोवाब आप्या, “तुते निसतू पापोमा पोयदा होयलु छे, तू आमु काजे काय सिकाळतलु छे?” एने चे तीना काजे बारथे निकाव देदा.

प्रेषित 13:45

बाकीन जेतार यहुदि भिळ काजे देख्या ती चे हेवाय कोरणे बाज गोया एने बुराई कोरता जायीन पौलुसोन कोयली वातो काजे रुकने बाज गोया.

प्रेषित 18:6

बाकीन जेतार चे विरोध एने बुराई मोजाक कोरणे बाज गोया ती चू आपना कापळा झोटकी तीनु काजे कोयू “तुमरो लुय तुमरेन माथा पोर रोये, मी निरदोष छे हिमी गोथू मे दिसरा जातीमा जायीस.”

प्रेषित 28:22

बाकीन आमु तारा विचार सोमवनेन मोर्जी राखतला काहाकि आमुक इना पंथोन बारामा यो मालूम छे कि आखे जागे माणसे एरा खिलापमा वाते कोरतेला.

प्रेषित 5:41

चे इनी वातो पोर खुश होईन महासभा ओगोव गोथा जात रोया, कि आमु तेरे नाव कोरता अपमान होयनेन ते ठेहेऱ्या.

2 कुरीन्थियो 12:10

इनान वोजेसी मे मसिहन कोरता कोम ताकत वावामा, एने बुराईमा, एने गोरबायमा, एने उपद्रोव मा, एने तोकलीतमा खुश छे; काहाकि जेतार मे कोमजुर होयतलु छे तेत्यार ताकत वावू होयतलु छे.

2 कुरीन्थियो 4:10

आपनु येसुन मोरनो काजे आपना डीलोमा होर एक टेम लीन फिरतला कि येसुन जीवन बी आपना डीलोमा देखाये.

2 कुरीन्थियो 4:16

इनान कोरता आमु हिंमत नी छुळता; हिंमत आपनो बारथेलो स्वभाव मनुषत्व खोतम होय जातलो छे, ते बी आपने वावो माणसोन स्वभाव दाहळी दाहळीन नोवलो बोनतो जातलो छे.

गलातियों 1:24

एने चे मारा बारामा परमेश्वरोन महिमा कोरता होता.

इब्रानियो 11:26

चू मसिहन वजेसी बुराई होयनेमा मिसरदेशोन धोनोन भोंडार गोथू महान सोमज्यू काहाकि चो प्रतीफोव जोळनेन आस लागलु होतु.

याकुब 1:12

सोयावू छे जू माणूस जू पारखमा वातळू रोयतलु छे, काहाकि चू छाचलीन निकवीन जीवनोन होयू मुकुट जोळ जासे जेरी वायदू परमेश्वर एने आपना मोंग कोरने वावा साते कोरलु छे.

याकुब 5:11

देखू आपु धीर धोरणेन वावा काजे सोयावा कोयतेला छे तुमु अय्युब धीरोन बारामा ते सोमवला छे, एने प्रभूनचा गोथो जू तेरो प्रतीफोव होयलो तिनाक भी जान लेदला छे, तेरेसी मसिहन घोन मोटी दोया एने मोंग प्रकट होयली छे.

1 पतरस 2:12

दिसरा जातीमा तुमरो चाल चोलोन वारलो रोये; काहाकि जिना-जिना वातोमा होय तुमु काजे भुंडला कामोन जाणीन बोदनाम कोरतेला छे, चे तुमरा वारला कामो काजे देखीन तिंदरे वोजेह दयान दाहळामा परमेश्वरोन महिमा कोरु.

1 पतरस 3:14

ओगर तुमु धोरमोन वोजेह दुख झेलसु, ती सोयावा छे; बाकीन माणसोन वातो काजे मा बिहू, एने मा घाबरायु,

1 पतरस 3:16

एने मोन भी चुखलो राखू, एरेन कोरता कि जिना वातोन विषयमा तुमरी बोदनामी होयतेली छे, तिंदरे विषयमा चा, जी मसिहमा तुमरी वारली चाल चालनो अपमान कोरतेला छे, चा लज्जीत होयसे.

1 पतरस 4:16

बाकीन ओगर कुदू मसिही होयनेन वोजेह दुख उठावतलु छे, ती लाजवाये नि, बाकीन आपना इना नावोन कोरता परमेश्वरोन महिमा कोरु.

2 पतरस 2:2

जुदा सोवटा तिंदरे ओगोव लुचळाय कोरसे, जिनान कोरता खोरला वाटोन बुराई कोरली जासे.