1 पतरस 3:9 - बारेली पावरी

⁹ भुंडलान बोदले भुंडलो मा कोरु एने लोळनेण बोदले मा लोळायु, बाकीन इना बोदले आशिष आपु, काहाकि तुमु आशिषोन वरीस होयनेन कोरता बुलावला छे.

1 पतरस 3:9 ပူးပေါင်းရင်းမြစ်များ

मत्ती 19:29

एने कुदू घोर, एने भाशो एने, बहोनिश एने, बास एने, पुऱ्या-पारीक एने, खेतोक मारो नावोन कोरता छुळ देदला छे, तीनुक सोव गुणा जोळसे, एने चू ओमोरकाई जीवनोन अधिकारी होयसे.

मत्ती 25:34

तेत्यार राजा तेरे जेवळे धोळे वावा काजे कोयसे, “हे मारा बासोन सोयावा माणसे आवू इना राजोन अधिकारी बोन जावू, जो जोगोन पेहेले गोथो तुमरेन कोरता तियार कोरलु छे.”

मत्ती 5:39

बाकीन मे तुमु काजे यो कोय कि बुराई कोरणेवावान सामना मा कोरु; बाकीन जू कुदू तारा जेवळ्या गालो पोर थापुळ देये, तेरे भूनी दिसरू बी फिराव दे.

मत्ती 5:44

बाकीन मे तुमु काजे यो कोय कि आपना दुष्मोन पोर मोंग कोरजू एने आपनुक तोकलीत आपनेवावान कोरता प्रार्थना कोरु,

मरकुस 10:17

जेतार चू चा गोथू निकवीन वाटे जातु होतु, ती एक माणूस तेरेनचा दोवळीन आव्यु, एने तेरे ओगोव मांडा टेकविन तीना काजे पुछु, “हे वारला गुरु, ओमोर जीवनोन ओधीकारी होयनेन कोरता मे काय कोरो?”

लुका 10:25

एने देखू, एक शास्त्रध्यापक उठ्यू एने यो कोयीन तेरी परीक्षा कोरणे बाज गोयू, “हे गुरु, ओमोर जीवनोन वारीस होयनेन कोरता मे काय कोरो?”

लुका 18:18

काहनुस सरदार तीनु काजे पुछु, “हे वारला गुरु, ओमोर जीवनोन होक लेनेन कोरीन मेकाय कोरो?”

रोमी 12:14

आपनुक वेला पाळणे वावाक आशिष आपु; श्राप झुन आपता.

रोमी 12:17

“बुराईन बोदले बुराई मा कोरु; जी वाते आखा माणसोन साते वारली छे तिंदरी चिंता कोऱ्या कोरु.

रोमी 8:28

आमु काजे मालूम छे कि माणसे परमेश्वर पोर मोंग कोरतेला छे, तिंदरेन कोरता आखा वातोक भेसकीन वारलो पोयदा कोरतेली छे; मतलब तीनुन कोरता जी तेरी मोर्जीन अनसारे बुलवाय गोयला छे.

रोमी 8:30

एने जीनाक चू पेहेलेसी ठेराव्यू तीनुक बुलाव्यू बी, एने जीनुक बुलाव्यू तीनुक धोरमी बी ठेराव्यू एने जीनाक धोरमी ठेराव्यू तीनुक महिमा बी आप्यू.

गलातियों 3:14

यो इनान कोरता होयो, कि अब्राहामन आशिष मसिह येसुमा दिसरा जाती तोक पुगे एने आमरा भुरसान लारे चू आत्मा काजे स्वीकार कोरे जेरी वायदू होयली छे.

इफिसीयो 4:32

एक दुसरा पोर दया एने करुणामय होयू एने जोसा परमेश्वर मसिहमा तुमरा गुणा काजे माफ कोर देदू तोसात तुमु बी दिसरान गुणाक माफ कोरु.

1 थिस्सलुनीकियो 5:15

सावधान, कुदु कुदासी बुराईन बोदले बुराईमा कोरु; बाकीन हमेशा वारू कोरणे पोर तीयार रोयू, आपनामा एने आखा साते भी भोलाईन मोजाक कोरु.

इब्रानियो 12:17

तुमुक मालूम छे कि तेरे ओवतेन जेतार चू आशिष लेनेन कोऱ्यु ती लायक नी ठेहऱ्यु एने आसा वोयाळीन हेरनेपोर बी तीना काजे पसतावू कोरणेन टेम तोक नी जोळी.

इब्रानियो 6:14

“छाचलीन, मे तुसे काजे आशिष आपीस, एने छाचलीन मे तुसे काजे बोढावीस.”

1 पतरस 5:10

तुमु इतरीक वार तोकलीत झेलीन आखो दयान परमेश्वर छे, जू तुमु काजे येसु मसिहमा तेरी ओमोरकाईन महिमान कोरता बुलावलु, चू खुद तुमु काजे सिद्ध, पाक्का ताकत वावा एने स्थिर कोरसे.