1 पतरस 3:21 - बारेली पावरी

²¹ तीना पाणीन दाखलू भी, मतलब बाप्तिस्मा, येसु मसिह मोरीन जीव उठनेन लारे, हिमी तुमु काजे वाचाडलु छे; इनासी डीलोन मोयोव काजे धुवने कोरनेन मतलब नि होय, बाकीन वारला मोनोसी परमेश्वरोन ताबामा होई जाणेन मतलब छे.

1 पतरस 3:21 ပူးပေါင်းရင်းမြစ်များ

मत्ती 28:19

इनान कोरता तुमु जावू, आखा जात्यान माणसो काजे चेला बोनावू; एने तीनुक बास, एने पुऱ्यु, एने पवित्र आत्मान नावोसी बाप्तिस्मा आपु.

मरकुस 16:16

जू भुरसू कोरे एने बाप्तिस्मा लेये तेरूत छुटकारू होयसे, बाकीन जू भुरसू नी कोऱ्या चा गुणावा ठेराय जासे.

योहान 13:9

शिमोन पतरस तीना काजे कोयू, “हे प्रभू ती मारा पाय नि, बाकीन हात एने मुंडको बी धुव दे.”

प्रेषित 16:33

राती तिनी टेमे चू तीनु काजे लीजायीन तिंदरो घाव धुव्यू एने चू आपना आखो माणसो साते बाप्तिस्मा लेदू.

प्रेषित 2:38

पतरस तीनु काजे कोयू, “मोन फिरावू एने तुमरे मायला आखा आपना-आपना पापोन माफीन कोरीन येसु मसिहन नावसी बाप्तिस्मा लेवू तेतार तुमु पवित्र आत्मान वरदान लेसू.”

प्रेषित 22:16

हिमी काहा टेमे लागाळ रोयू? उठ, बाप्तिस्मा ले, एने तेरो नाव लीन आपना पापो काजे धुव दे.

प्रेषित 8:36

वाटे चालता-चालता चे एक पाणीन जागा पोर पुग गोया तेत्यार ग्यानी कोयू, “देख चा पाणी छे, हिमी मेसेक बाप्तिस्मा लेनेमा काय रुकावट नि होय.”

प्रेषित 8:37

फिलीप कोयू, “ओगर तू पुरा मोनोसी भुरसू कोरलु ती ली सोकतलु,” चू जोवाब आप्यू, “मे भुरसू कोरतेलू कि येसु मसिह परमेश्वरोन पुऱ्यु,.”

रोमी 5:14

ते बी आदोमोन चा गोथो लीन मुसा तोक मोत तीनु माणसो पोर राज कोऱ्यु जो जिना आदोमोन आवने वावू चिन्ह छे गुणेगार सारका पाप नि कोऱ्यु.

1 कुरीन्थियो 12:13

काहाकि आखा यहुदि होय काय युनानी, काय पावोर होय काय छुटकारू एकुत आत्मान लारे एक डील होयनेन कोरता बाप्तिस्मा लेदू, एने आपनु आखा काजे एकुत आत्मा पिवाळी छे.

1 कुरीन्थियो 4:6

हे भाशो, मे इना मोटायमा तुमरेन कोरता आपनी एने अपुल्लोसन खोबर दर्शनोन रिती पोर कोरलो छे, इनान कोरता कि तुमु आमरे लारे यो सिकू कि लिखला सी ओगा मा बोढू, एने एकान पक्षमा एने दिसरान खिलापमा मोटाय नि कोरनो.

2 कुरीन्थियो 1:12

काहाकि आमु आमरा दिमाकोन इनी गोवायी पोर घोमंड कोरतेला छे, कि जोगोमा एने खास कोरीन तुमरे इचमा आमरो जीवन परमेश्वरोन लायक ओसलो पवित्र एने खोराइ साते होतो, जो डीलोन ग्यानसी नि बाकीन परमेश्वरोन दया साते होतो.

2 कुरीन्थियो 7:1

आखरी हे मोंगावा भाशो, काहाकि आपनेजू वायदू से जेतार कि यो वचन आपनु काजे जोळतलो, ती आवू आपु आपना खुदो काजे डील एने आत्मान आखो भुंडलो, चुखो कोरु, एने परमेश्वरोन बिक धोरता जायीन चुखला काजे पाको बोनावू.

गलातियों 3:27

एने तुमरेमा गोथा जोतरा मसिहमा बाप्तिस्मा लेदला छे, चे मसिह काजे पेहर लेदला छे.

इफिसीयो 5:26

कि तीनु काजे वचनोन लारे पाणीसी चुखो कोरीन पवित्र बोनावू.

कुलुस्सि 2:12

एने तेरे साते बाप्तिस्मामा गाळाय गोया एने तीनामा परमेश्वरोन ताकत पोर भुरसू कोरीन जू तीनाक मोरलाम गोथू जीवाळ्यू तेरे साते जीव उठ्या.

1 तीमथी 1:5

आग्यान निचोड यो छे कि वारलो मोन एने वारलो ग्यान एने बिना कपटीन भुरसासी मोंग पोयदा होये.

1 तीमथी 6:12

भुरसान वारली कुस्ती लोळाय; एने इना ओमोरकाईन जीवन काजे धोर ले, जिनान कोरता तू बुलाय गोयू एने घोणा सोवटा गोवान सामने वारलु अंगीकार कोरलु होतु.

इब्रानियो 10:22

ती आवू आपु खोरला मोनोसी एने पुरा भुरसू साते एने विचारो काजे छेटा कोरणेन मोनोपोर पोर तेळा लीन, एने डीलो काजे चुखला पाणीसी धुवीन परमेश्वर साते आवू.

इब्रानियो 11:19

चू यो मान लेदू कि परमेश्वर टाकत वावु छे कि तीनाक मोरलामा गोथू जीवाळे, इना रितीसी तिन गोथू दाखलान रितीसी चू तीनुक जुळ्यु.

इब्रानियो 13:18

आमरेन कोरीन प्रार्थना कोरता रोयू काहाकि आमु काजे मालूम छे कि आमरो विवेक चुखो रोयो आमु आखी वातोमा वारली चाल चालनेन मोर्जी कोरता छे.

इब्रानियो 9:14

ती मसिहन लुय जू आपना खुदो काजे हमेशान आत्मान लारे परमेश्वरोन सामने निरदोष चोळाव गोयू तुमरा मोनो काजे ओवी बी जादा काहा नी चुखो कोरे तुमु जीवतला परमेश्वरोन सेवा कोरु.

इब्रानियो 9:24

काहाकि मसिहन हातोन बोनावला चुखला जागामा, जे खोरला एने चुखला जागान नमुनु ते छे भोरायू नी बाकीन सोरगोन भोरायू कि हिमी आमरेन कोरता परमेश्वर सामने आवे.

1 पतरस 1:3

आपने प्रभू येसु मसिहन परमेश्वर एने बासोन धन्यवाद होये, जिना काजे येसु मसिहन मोरलाम गोथू जीव उठनेन लारे, तेरी मोटली दया से आमु काजे जीवतली आसोन कोरता नोवलो जन्मो आप्यू,

1 पतरस 3:16

एने मोन भी चुखलो राखू, एरेन कोरता कि जिना वातोन विषयमा तुमरी बोदनामी होयतेली छे, तिंदरे विषयमा चा, जी मसिहमा तुमरी वारली चाल चालनो अपमान कोरतेला छे, चा लज्जीत होयसे.