1 पतरस 3:20 - बारेली पावरी

²⁰ जो तीने टेमे आग्या नि मान्या, जेतार परमेश्वर नुहान दाहळामा धीर धोरीन रोयू एने चू ढोंड्यो बोनावतू होतु, तिनाम बोठीन थुलाक माणसे मतलब आठ जनावरे पाणीन लारे वाच गोया.

1 पतरस 3:20 ပူးပေါင်းရင်းမြစ်များ

मत्ती 7:14

काहाकि साकेळलु चू झोपलु एने काठली छे वाट जी जीवन काजे पुगाळतली; एने थुलाक जोन छे जे तीनुक जोळतली.

लुका 12:32

“हे नानला टूवा, मा बिहे, काहाकि तुमरा बासो काजे यो गोवलो छे, कि तुमुक राज आपे.

प्रेषित 2:41

आखरी चे माणसे तेरो वचन सोमव्या चे बाप्तिस्मा लेदा; एने तिने दाहळे तीनुमा लगभग तीन हजार माणसे मेवाय गया.

रोमी 9:22

जी इनामा काहनली नोवलाय वात छे कि परमेश्वर आपनो रीस देखाळने एने आपनी ताकत देखाळनेन मोर्जीसी रीसोन ठाहरा काजे जे नाशोन कोरता तीयार कोरीन बोनावला होता जुवे धीर धोरीन सोहोन कोरे;

इफिसीयो 5:26

कि तीनु काजे वचनोन लारे पाणीसी चुखो कोरीन पवित्र बोनावू.

इब्रानियो 11:7

भुरसासी नोहा तिनी वातोन बारामा जो तिने टेम तोक देखायती नी होती चेतावनी लीन बिकोसी आपना परिवारोक वाचाडनेन कोरता ढोंड्या बोनाव्यू इना रितीसी चू जोगो काजे गुवाव्यू ठेराव्यू एने तिना धारमिकतान होकदार बोन्यू जू भुरसान अनसारे छे.

1 पतरस 1:22

आखरीमा जेतार तुमु वारला विचार एने मोनमा दोगो नि होय मोंगोन निमित्त खोरो माणसोसी आपना मोनो काजे चुखा कोरला छे, ती तन मन लागाळीन एक भाश्योसी लोके मोंग राखू.

1 पतरस 1:9

एने आपना भुरसान प्रतीफोव मतलब आत्मान छुटकारू हासील कोरतेला छे.

1 पतरस 2:25

काहाकि तुमु पेहेले भोटकायला गाडरान ओगोव होता, बाकीन हिमी आपना जीवन सोमावने वावा एने पुढारीनचा आव लागला छे.

1 पतरस 3:19

तीनामा होयू जाईन बोंद आत्मा काजे बी प्रचार कोरलु,

1 पतरस 4:19

एरेन कोरता चे बी परमेश्वरोन मोर्जीन अनसारे दुख झेलतला छे, चे वारलो काम कोरतेला छे, आपनो-आपनो जीव काजे भुरसान लायक, कोवीक बोनावने वावान हातोमा सोप देवू.

2 पतरस 2:5

एने जूनला वारान जोगो काजे बी नी छुळ्या, नि तेत्यार भक्तीहीन जोगो पोर मोटला जलप्रलय मूकल्यु, बाकीन धर्मान प्रचार कोरणे वावू नुहा साते आठ जोनाक वाचाड लेदू;.

2 पतरस 3:15

एने आमरा प्रभून धीरोज काजे छुटकारू सोमजू, जोसू आमरू मोंगावा भाश पौलुस बी तिना ग्यानोन ओनसारे जो तीनुक जोळलो छे, तुमुक लिखलो छे.