1 पतरस 3:16 - बारेली पावरी

¹⁶ एने मोन भी चुखलो राखू, एरेन कोरता कि जिना वातोन विषयमा तुमरी बोदनामी होयतेली छे, तिंदरे विषयमा चा, जी मसिहमा तुमरी वारली चाल चालनो अपमान कोरतेला छे, चा लज्जीत होयसे.

1 पतरस 3:16 ပူးပေါင်းရင်းမြစ်များ

मत्ती 5:11

“सोयावा तुमु, जेतार माणसे मारेन कोरता तुमरो छोळ कोरसे, एने तोकलीत देसे, झूट बुल बुलीन तुमरे खिलापमा आखा भातीन भुंडली वाते कोरसे.”

प्रेषित 24:16

इनापोरसी मे खुद कोशिश कोरतेलू कि परमेश्वरोन एने माणसोनचा गोथो मारो मोन हमेशा निरदोष रोये.

प्रेषित 28:22

बाकीन आमु तारा विचार सोमवनेन मोर्जी राखतला काहाकि आमुक इना पंथोन बारामा यो मालूम छे कि आखे जागे माणसे एरा खिलापमा वाते कोरतेला.

रोमी 9:1

मे मसिहमा खोरो कोयो, मे झूट नी बुल रोयू एने मारी सद विवेक बुद्धी बी पवित्र आत्मान गोवायी आपतली.

2 कुरीन्थियो 1:12

काहाकि आमु आमरा दिमाकोन इनी गोवायी पोर घोमंड कोरतेला छे, कि जोगोमा एने खास कोरीन तुमरे इचमा आमरो जीवन परमेश्वरोन लायक ओसलो पवित्र एने खोराइ साते होतो, जो डीलोन ग्यानसी नि बाकीन परमेश्वरोन दया साते होतो.

2 कुरीन्थियो 4:2

बाकीन आमु लाजोन डूकायला कामो काजे छुळ देदा एने नी हुशारी चालता एने नी परमेश्वरोन वचनमा भेसोक कोरतेला; बाकीन खोरला काजे सामने लावीन परमेश्वरोन सामने होर एक माणसोन सद्वी विवेक बुद्धीमा तिंदरी भोलाई बोसाळतला छे.

1 तीमथी 1:19

एने भुरसू एने हीना वारला ग्यान काजे धोर रोय, जीनाक छेटो कोरणे कोरता भुरसान ढोंड्यो डुब गोयी.

1 तीमथी 1:5

आग्यान निचोड यो छे कि वारलो मोन एने वारलो ग्यान एने बिना कपटीन भुरसासी मोंग पोयदा होये.

2 तीमथी 1:3

जिना परमेश्वरोन आपना बाप दादान रिती पोर चुखला विचारसी कोरतेला तेरो धन्यवाद होये कि मे आपनी प्रार्थनामा मे तुसेक एक सारखु फोम कोरतेलू.

तीतुस 2:8

एने ओसो खोरलो देखायनो जुवे कि कुदू इनाक कोय सके, जिनासी दुष्मोन आमरेपोर काहनु गुणू लागाळने टेमे नि हरीण लाजवाय जाय.

इब्रानियो 13:18

आमरेन कोरीन प्रार्थना कोरता रोयू काहाकि आमु काजे मालूम छे कि आमरो विवेक चुखो रोयो आमु आखी वातोमा वारली चाल चालनेन मोर्जी कोरता छे.

इब्रानियो 9:14

ती मसिहन लुय जू आपना खुदो काजे हमेशान आत्मान लारे परमेश्वरोन सामने निरदोष चोळाव गोयू तुमरा मोनो काजे ओवी बी जादा काहा नी चुखो कोरे तुमु जीवतला परमेश्वरोन सेवा कोरु.

1 पतरस 2:12

दिसरा जातीमा तुमरो चाल चोलोन वारलो रोये; काहाकि जिना-जिना वातोमा होय तुमु काजे भुंडला कामोन जाणीन बोदनाम कोरतेला छे, चे तुमरा वारला कामो काजे देखीन तिंदरे वोजेह दयान दाहळामा परमेश्वरोन महिमा कोरु.

1 पतरस 2:15

काहाकि परमेश्वरोन मोर्जी जी छे कि तुमु वारलो काम कोरनेन लारे जिनाक बुद्धी नि होय, ओसला माणसे अनपडोन वाते बोंद कोर देयू.

1 पतरस 2:19

काहाकि ओगर कुदु परमेश्वरोन विचार कोरीन अन्याय से दुख झेलतू जाईन दुख सोहोन कोरे ती वारलो छे.

1 पतरस 3:21

तीना पाणीन दाखलू भी, मतलब बाप्तिस्मा, येसु मसिह मोरीन जीव उठनेन लारे, हिमी तुमु काजे वाचाडलु छे; इनासी डीलोन मोयोव काजे धुवने कोरनेन मतलब नि होय, बाकीन वारला मोनोसी परमेश्वरोन ताबामा होई जाणेन मतलब छे.

1 पतरस 4:4

इनासी चा नोवलाय कोरतेला कि तुमु ओसा मोटी लुचळायमा तिंदरू साथ नि देतला, एने एरेन कोरता चे भुंडला कोयतेला छे;