1 पतरस 3:14 - बारेली पावरी

¹⁴ ओगर तुमु धोरमोन वोजेह दुख झेलसु, ती सोयावा छे; बाकीन माणसोन वातो काजे मा बिहू, एने मा घाबरायु,

1 पतरस 3:14 ပူးပေါင်းရင်းမြစ်များ

मत्ती 10:28

जो डीलो काजे नाश कोर सोकतेला, बाकीन आत्मा काजे नाश नि कोर सोकतेलां, तिना काजे मा बिहू; बाकीन तिना काजे बिहू, जू आत्मा एने डील दुयू काजे नोरोगमा नाश कोर सकतेलू छे.

मत्ती 10:31

इनान कोरता बिहू मा; तुमु चिल्ला गोथा जादा बोडीन छे.

मत्ती 10:39

जू आपनु जीव वाचाडतेलु छे, चू तीनाक खुवाळसे; एने जू मारे वोजेसी आपनु जीव खुवाळसे, चू तीनाक जोळसे.

मत्ती 16:25

काहाकि जू कुदू आपनु जीव वाचाडनेन कोरसे, चू तीनाक खुवसे; एने जू कुदु मारेन कोरीन खुवसे, चू तीनाक वाचाडसे.

मत्ती 19:29

एने कुदू घोर, एने भाशो एने, बहोनिश एने, बास एने, पुऱ्या-पारीक एने, खेतोक मारो नावोन कोरता छुळ देदला छे, तीनुक सोव गुणा जोळसे, एने चू ओमोरकाई जीवनोन अधिकारी होयसे.

मरकुस 10:29

येसु कोयू, “मे तुमु काजे छाचलीन कोयो कि ओसो कुदू नि होय, जू मारे एने वारली खोबरन कोरता घोर एने भाशोक एने बहोनिशाक एने आशोक एने बासोक एने पुऱ्या-पारीक एने खेतोक छुळ देदला छे,

मरकुस 8:35

काहाकि जू कुदू आपनु जीव वाचाडनेन देखसे चू तीना काजे खुवाळ देसे, बाकीन जू कुदू मारा एने वारली खोबरोन कोरता आपनु जीव खुवाळसे, चू तीनाक वाचाडसे.

योहान 14:1

तुमरो मोन कासावीस नि होये; परमेश्वर पोर भुरसू कोरु एने मार पोर बी भुरसू कोरु.

योहान 14:27

मे तुमुक शांती आप दोम, मारी शांती तुमुक आप दोम; जोसो जोग आपतला छे, तोसो मे तुमुक नि आपो, तुमरो मोन कासावीस नि होये एने मा बिहू.

प्रेषित 9:16

एने मी तीनाक देखाळीस कि मारा नावोन कोरीन तीनाक कोतरो दुख सहन कोरनो पोळसे.

2 कुरीन्थियो 12:10

इनान वोजेसी मे मसिहन कोरता कोम ताकत वावामा, एने बुराईमा, एने गोरबायमा, एने उपद्रोव मा, एने तोकलीतमा खुश छे; काहाकि जेतार मे कोमजुर होयतलु छे तेत्यार ताकत वावू होयतलु छे.

फिलिप्पि 1:29

काहाकि मसिहन वजेसी तुमरे पोर यो गिन होयी कि नी तीनु पोर जो भुरसू कोरे बाकीन तिंदरेन कोरता दुख भी उठाव्यू.

याकुब 1:12

सोयावू छे जू माणूस जू पारखमा वातळू रोयतलु छे, काहाकि चू छाचलीन निकवीन जीवनोन होयू मुकुट जोळ जासे जेरी वायदू परमेश्वर एने आपना मोंग कोरने वावा साते कोरलु छे.

याकुब 5:11

देखू आपु धीर धोरणेन वावा काजे सोयावा कोयतेला छे तुमु अय्युब धीरोन बारामा ते सोमवला छे, एने प्रभूनचा गोथो जू तेरो प्रतीफोव होयलो तिनाक भी जान लेदला छे, तेरेसी मसिहन घोन मोटी दोया एने मोंग प्रकट होयली छे.

1 पतरस 3:6

जोसो सारा अब्राहामन आग्यामा रोयती होती एने मालिक कोयती होती, इना रितीसी तुमु भी ओगर वारलो कोरो एने इना भातीन बिक से बिहू मा, ती तिंदरा पुरायटा कोवायसे.