11 चू बुराईन साथ छुळे, एने वारूत कोरु, चू मेवाय काजे हेरे; एने तेरे कोशिशमा रोयू.
जीनासी तुमु आपना सोरग मायला बासोन पुऱ्या ठेरायसु काहाकि चू वारलो एने भुंडला दुयू पोर आपनु दाहळू उगाळतलु छे, एने धोरमी एने अधोरमी दुयू पोर पाणी पाळतेलू छे.
“सोयावा छे, जे मेवाळने वावा छे काहाकि चे परमेश्वरोन पुऱ्या कोवायसे.”
एने आमु काजे परीक्षामा मा लावे, बाकीन बुराईसी वाचाड; काहाकि राज एने पराक्रम एने महिमा हमेशा तारीत छे’ आमेन.”
गरीब तुमरे साते हमेशा रोयतेला छे, एने तुमुक जेतार जुवे तेत्यार तिंदरी भोलाई कोर सोकतेला बाकीन मे तुमरे साते हमेशा नि रोयो.
कि आंदारान एने मोतोन सहावामा बोसने वावा काजे विजावो आपे, एने आमरा पायो काजे शांतीन वाटे सुदा चालाळे,
बाकीन तुमरा दुष्मोन पोर मोंग कोरु, एने वारलो कोरु, एने ओवी पोछो जोळनेन आस नि राखीन उदार आपु; एने तुमरेन कोरता मोटलो फोव रोयसे, एने तुमु परमप्रधानोन पुऱ्या रोयसू, काहाकि चू तिंदरे पोर जु धन्यवाद नी कोरतेला एने बुरो कोरणे वावा पोर बी दयावू छे.
येसु तीनु काजे कोयू, “मे तुमु काजे यो पुछो कि शब्बाथोन दाहळे काय वारू छे, वारलो कोरणे कि भुंडलो कोरणे; जीव वाचाडने कि नाश कोरणे?”
मे यो विनता नि कोरतू कि तू हिनुक जोगोमा गोथू चूट ले; बाकीन यो कि तू हिनुक तिना बुराईसी सी वाचाडीन राख.
या तोक होय सोके, तुमुक होये तेत्यार आखा माणसो पुठी हिव मेवीन रोयू.”
काहाकि परमेश्वरोन राज खाणा-पिनान नि होय, बाकीन धोरमी एने हिव मेवीन एने जो खुशीमा छे जू पवित्र आत्मासी रोयतलु.
इनान कोरता आमु इनी वातोन कोरता रोयजे जिनान कोरता हिव मेवीन एने एक दिसरान वारू होये.
आखरी, जेतार आमु भुरसासी धोरमी ठेराया, ती आपना प्रभू येसु मसिहन लारे परमेश्वर साते मेव राखे.
काहाकि जिना वारला कामोसी मे, मोर्जी कोरतेलू छे चो ते नी कोरतेलू बाकीन जिना बुराइन मोर्जी नी कोरतेलू चोत कोरतेलू छे.
इना रितीसी मे यो शास्त्रनियम मानो कि जेतार भोलाई कोरनेन मोर्जी कोरतेलू ती बुराई मारेंचा आवतेली छे.
शरीर पोर मोन लागाळनो ते मोत छे, बाकीन आत्मान वातो पोर मोन लागाळनो जीवन एने शांती छे,
बाकीन आत्मान फोव, मोंग, खुशी, शांती, धीर, दया, भोलाई, भुरसू.
इनान कोरता जा तोक टेम जोळे, आपनु आखा पुठी वारू कोरु, खास कोरीन भाशो साते.
मसिहमा शांती जिनान कोरता तुमु एक डील होयीन बुलावला छे तुमरा मोनमा राज कोरे, एने धन्यवाद कोरता रोये.
चे वारलो कोरे, एने वारला कामोमा मालदार बोने एने उदार एने मदतमा हमेशा उभू रोये.
आखा माणसो साते मेवीन रोयू, एने तीना चुखला हेरने वावा बोनु जेरे विगुर प्रभू काजे कुदुबी नी देख सोके.
भोलाई कोरनो एने मोंता देखाळने मा वीसरु काहाकि ओसला बलिदानोसी परमेश्वर खुश होय जातलु छे.
तेरेन कोरता जू कुदु वारलो कोरनो जाणे एने नि कोरतेला, तेरेन कोरता पाप छे.
काहाकि प्रभून दुवा धोरमी पोर लाग रोयतली छे, एने हेरा कानटा तेरे प्रार्थनामा लागला रोतला छे; बाकीन बुराई कोरणे वावान, कोळक नजर रोयतली छे.
हे मोंगावा, बुराई नि बाकीन भोलाईन कोरण्या सारका रोयू जू वारलो कोरतेलू छे, चू परमेश्वर जुव गोथू छे, बाकीन जू बुरो कोरतेलु छे, चू परमेश्वर काजे नि देख्यू.