1 पतरस 2:6 - बारेली पावरी

⁶ इना वोजेह पवित्र शास्त्रमा बी आवलो छे, “देखू, मी सियोनोन कुपरान मुंडकान नेवाळलु एने मोहोंगलु दोगळू धोरलु छे, एने जू कुदु तेरे पोर भुरसू कोरसे, चू कानली रिती से लाजवायलु नि.”

1 पतरस 2:6 ပူးပေါင်းရင်းမြစ်များ

मत्ती 12:18

“देखू, यु मारू सेवक छे, जिनाक मे नेवाळलु छे, मारू मोंगावू, जीनासी मे खुश छे मे मारी आत्मा तीना काजे आपीस, एने चू दिसरा जातीन नियावोन वारली खोबर कोयसे.”

मरकुस 12:10

काय तुमु पवित्र शास्त्रामा यो वचन नी भोन्या जिना दोगळा काजे मिस्तऱ्या रीकामू ठेरावला होता, चू कुपरान खुणू होय गोयू

लुका 20:17

चू तिंदरे भूनी भावीन कोयू, “ती यो काय लिखलो छे जिना दोगळाक रीकामलु जाण्या, चू कोपरान सिरा होय गोयू.

लुका 23:35

माणसे उभा-उभा देखता होता, एने सरदार बी मजाक कोर कोरीन कोयता होता यु दुसरा काजे वाचाळ्यु, “ओगर यु परमेश्वरोन मसिह छे, एने तेरु नेवाळलु छे, ती खुदो काजे बी वाचाड.”

योहान 7:38

जू मार पोर भुरसू कोरसे, जोसो पवित्र शास्त्रमा आवलो छे, ‘तेरा डीलोमा गोथो जीवनोन पाणीन नोदी वोयीन निकवसे.’”

प्रेषित 1:16

“हे भाशो, जोरुरी होतो कि पवित्र शास्त्रन चू लेख पुरू होये जो पवित्र आत्मा दाऊदन मुखोसी यहुदान बारामा, यो येसुन धोरावनेन अगोववान्यू होतु, पेहेले गोथो कोयलो होतो.

रोमी 10:11

काहाकि पवित्र शास्त्र यो कोये कि, “जू कुदु तिना पोर भुरसू कोरे चू लाजवाये नी.”

इफिसीयो 1:4

जोसो चू आपनु काजे जोग बोननेन पेहेले गोथू नेवाळ लेदलु कि आपनु तेरे साते मोंगमा चुखला एने निरदोष रोये.

इफिसीयो 2:20

एने प्रेषितोन एने भविष्य कोरतान पायो पोर जिनान कुपरान दोगळू येसु मसिह खुद छे, बोनाव गोयलो छे.

2 तीमथी 3:16

आखो पवित्र शास्त्र परमेश्वरोन ओगवाईसी बोनावलो से एने प्रचार एने सोमजाडने, एने सुधारणे, एने धर्मान भोनने फायदान कोरता छे.

1 पतरस 2:4

तेरेनचा आवीन, जीना काजे माणसे रीकामू कोयतेला बाकीन परमेश्वरोन साते नेवाळलु छे एने मोहेंगलु जीवतलु दोगळू छे,

1 पतरस 2:8

एने ठेस लागनेन दोगळू एने ठूकर खाणेन चाफुर होय गोयलु छे, काहाकि चा ते वचन काजे नि मानीन ठूकर खातला छे, एने एरेन कोरता चू कोवय बी गोया होता.

2 पतरस 1:20

बाकीन पेहेले यो जान लेयू कि पवित्र शास्त्रान कुदुबी भविष्यवाणी कोरीन आपना विचारोन पुरो नि होयतलो.

2 पतरस 3:16

तोसोच चू आपना आखा चिट्ठीमा बी इना वातोन काहीन वाते ओसो छे जिंदरो सोमोजनो काठो छे, एने ओनपोड एने अस्थिर माणसे तिंदरा कोया काजे पवित्र शास्त्रान दिसरा वातो सारखो हापकीन आपना नाशोन वोजह बोनतला छे.